Արմինֆո. Եվրասիական միջկառավարական խորհրդի նիստում նախօրեին քննարկվել է ԵԱՏՄ անդամ պետություններում տրված վարորդական վկայականների փոխադարձ ճանաչման հարցը: Ինչպես ԱրմԻնֆո-ին հայտնել են Եվրասիական հանձնաժողովի մամուլի ծառայությունից, վարչապետները Ռուսաստանի Դաշնության կառավարության և Հայաստանի Հանրապետության կառավարությանը հանձնարարել են մինչև 2017 թ. օգոստոսի 20-ը ժամանակահատվածում խորհրդակցություններ անցկացնել Ռուսաստանում և Հայաստանում տրված ազգային և միջազգային վարորդական վկայականների փոխադարձ ճանաչման հարցի շուրջ:
Նշենք, որ հունիսի 1-ից Ռուսաստանում ուժի մեջ է մտել երկրի տարածքում փոխադրումների ոլորտում աշխատող անձանց կողմից արտասահմանյան վարորդական իրավունքի վկայականների օգտագործման արգելքը: Փոխադրումներով զբաղվող օտարերկրացիների կողմից ռուսական վարորդական վկայականների պարտադիր ստացման պահանջը չի տարածվում Ղրղըզստանի, ինչպես նաև Բելառուսի և Ղազախստանի քաղաքացիների վրա, որտեղ ռուսերենը պաշտոնական լեզու է: Այդպիսով՝ ԵԱՏՄ անդամ երկրներից փոփոխությունները չեն տարածվում միայն Հայաստանի վրա: Այդ որոշումը հարուցել է հայկական կողմի մտահոգությունը, քանի որ այն հակասում է ԵԱՏՄ սկզբունքներին, որոնք ենթադրում են աշխատանքի միասնական շուկայի ստեղծում:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |