Չորեքշաբթի, 14 Մարտի 2018 15:09

Արմինֆո. 2018թ.-ի մարտի 14-ին «ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ» ՓԲԸ 1 մլրդ ՀՀ դրամ ընդհանուր անվանական արժեքով արժեկտրոնային պարտատոմսերը ցուցակվել են և ընդգրկվել ՆԱՍԴԱՔ ՕԷՄԷՔՍ Արմենիայի պարտատոմսերի հիմնական (Abond) ցուցակում, ինչպես նաև ցուցակման պահից թույլատրվել են նշված պարտատոմսերով հասցեական առևտուրը և ռեպո գործարքների կնքումը:

Ինչպես տեղեկացնում է Բորսայի մամուլի ծառայությունը, ընկերության պարտատոմսերի այս թողարկումը ներառում է 10,000 հատ արժեկտրոնային պարտատոմս` 100,000 ՀՀ դրամ անվանական արժեքով, արժեկտրոնի 9.2% տոկոսադրույքով և 24 ամիս շրջանառության ժամկետով: Պարտատոմսերը (ISIN - AMACBAB22ER8) բորսայում կշրջանառվեն ACBAB2 բորսայական հապավմամբ:

Նշենք, որ ՆԱՍԴԱՔ ՕԷՄԷՔՍ Արմենիա բերսայում 2018 թվականի մարտի 14-ի դրությամբ, վերը նշված թողարկման հետ միասին, շրջանառվում են 14 թողարկողների 54 թողարկումներ, որի 42-ի թողարկողները 10 բանկերն են`Արարատբանկ և Ամերիաբանկ (8 թողարկում), Արմսվիսբանկ (6) Անելիք Բանկ (5) Հայբիզնեսբանկ (4) Կոնվերս Բանկ և Յունիբանկ (3), ԱԿԲԱ-ԿՐԵԴԻՏ ԱԳՐԻԿՈԼ Բանկ և Հայէկոնոմբանկ (2) և BSTDB (1): Մասնավորապես, բորսայում շրջանառվում են ԱԿԲԱ-ԿՐԵԴԻՏ ԱԳՐԻԿՈԼ Բանկի մեկ դոլարային և մեկ դրամային տրանշները, համապատասխանաբար`5 միլիոն դոլար և 1 մլրդ դրամ ծավալներով: Ընդ որում, դոլարով պարտատոմսերը թողարկվել են 2017 թվականի օգոստոսի 18-ին և ցուցակվել`2017-ի հոկտեմբերի 24-ին:

Նշենք, որ ԱԿԲԱ-ԿՐԵԴԻՏ ԱԳՐԻԿՈԼ Բանկը Հայաստանում գործում է 1995 թվականից: 2006 թվականի սեպտեմբերից որպես բանկի մեծամասնական բաժնետեր է հանդես գալիս եվրոպական խոշորագույն Credit Agricole S.A. բանկային խումբը` կապիտալում 15,56% մասնակցությամբ, որին հաջորդում է SJSC «Sacam International»-ը (Credit Agricole S.A խմբի անդամ)`12,44% և «ACBA Federation» CJSC` 71%: