Արմինֆո. 2017 թվականի արդյունքներով «Հայաստանի արտահանման ապահովագրական գործակալություն» ՓԲԸ ապահովագրական պորտֆելը կազմել 4.534 մլրդ դրամ, մինչդեռ, ամփոփիչ ցուցանիշը նախատեսվում էր 3 մլրդ դրամ (2016-ին կազմել է 2.185 մլրդ դրամ): Այս մասին մարտի 22-ին կայացած մամուլի ասուլիսում հայտարարել է «ՀԱԱԳ» ՓԲԸ գործադիր տնօրեն Արմեն Շահնազարյանը, պատասխանելով ԱրմԻնֆո-ի թղթակցի հարցին: Ավելի վաղ ՀՀ կառավարությունը 2017-2022 թվակաների գործունեության ծրագրում 2018 թվականի համար ապահովագրված գործարքների ակնկալվող աճը նախատեսվել էր մոտ 4,5 մլրդ դրամ:
Ըստ Շահնազարյանի, անցյալ տարվա ընթացքում, պահպանելով 2016-ի աճի դինամիկան, ՀԱԱԳ-ը զգալի աճ է արձայագրել բոլոր ցուցանիշներով: Այսպես, 2017-ին կնքվել է 329 ապահովագրական պոլիս, 2016-ի 116-ի փոխարեն: 2016 թվականին ստացվել է ՀԱԱԳ ծառայություններից օգտվելու 113 դիմում-հայտ, որից 47-ը բավարարվել է: 2017-ին ՀԱԱԳ-ն ստացել է 99 դիմում, որոնցից 64-ով դրական որոշումներ են կայացվել: Դինամիկա է գրանցվել նաև ապահովագրական պրեմիաների դինամիկայով: Եթե 2016-ին դրանց ողջ ծավալը կազմել է 12.290 մլն դրամ, ապա 2017 արդյունքներով այդ ցուցանիշը հասավ 39 մլն դրամի: Իսկ 2018 թվականի մարտի 1-ի դրությամբ, 60 կնքված ապահովագրական պոլիսների հետ միասին գորչծակալության ապահովագրական պորտֆելը հասավ 656 մլն դրամի (տարեկան կտրվածքով աճը`2.76 անգամ), իսկ ապահովագրական պրեմիաները հասան 8,8 միլիոն դրամի (աճը`5,5 անգամ):
2017 թվականի արդյունքներով, ինչպես նշել է ՀԱԱԳ ղեկավարը, գործակալության ծառայություններից ամենից շատ օգտվել են ալկոհոլային խմիչքների արտահանողները - ընդհանուր պորտֆելի 42%-ը կամ 1.891 մլրդ դրամ: Այնուհետև հաջորդում է վերամշակված սննդամթերքը - 25% կամ 1.117 մլրդ դրամ:
Արտահանման հիմնական շուկան, ինչպես և նախկինում, Հայաստանի համար շարունակում է մնալ Ռուսաստանը: 2017-ի վերջին ռուսաստանյան շուկայի ուղղությամբ արտահանողներին տրամադրվել է 3.356 մլրդ դրամի ապահովագրական պոլիս, որը կազմել է ընդհանուր ապահովագրական պորտֆելի մոտ 74%-ը (2016-ին`1.733 մլրդ դրամ և 79%): Ընթացիկ տարվա օգոստոսի դրությամբ արտահանման առյուծի բաժինը կրկին ընկել է Ռուսաստանին` ընդհանուր պորտֆելի 66% կամ 1.714 մլրդ դրամ, որին հաջորդում են` ԱՄՆ - 18% կամ 816 մլն դրամ, ԱՄԷ - 252 մլն դրամ կամ 6%, այլ երկրներ`110 մլն դրամ կամ 2%:
Ինչպես նշել է Շահնազարյանը, տնտեսվարող սուբյեկտների շատ ավելի հեշտ է ՀԱԱԳ ապահովագրական պոլիսի օգնությամբ ստանալ արտոնյալ բանկային վարկեր և օգտվել ֆակտորինգային ծառայություններից: 2017 թվականի ընթացքում հաջողվել է ընդլայնել համագործակցությունը բանկային հատվածի հետ: Այսպես, այսօր Գործակալությունը համագործակցում 10 բանկերի հետ, դրան են`Արմսվիսբանկը, ԱԿԲԱ-Կրեդիտ Ագրիկոլ բանկը, Հայբիզնեսբանկը, ԱՐԱՐԱՏԲԱՆԿԸ, ԱմերիաբանկԸ, Հայէկոնոմբանկը, Կոնվերս Բանկը, Յունիբանկը, Էվոկաբանկը, «DICA» ՈւՎԿ (նախկին «ՓՄՁ ներդրումներ» ՈՒՎԿ ՓԲԸ): Գործակալությունն աշխատում է նաև Հայաստանի փոքր և միջին ձեռնարկությունների զարգացման ազգային կենտրոնի և Երևանի առևտրաարդյունաբերական պալատի հետ:
2017-ին «Հայաստանի արտահանման ապահովագրական գործակալություն» ՓԲԸ-ն ընդլայնել է միջազգային համագործակցության շրջանակները: Այսպես, անցյալ տարի գործակալությունը համագործակցության հուշագիր է ստորագրել ԵԱՏՄ 3 անդամ պետությունների հետ - Ռուսաստանի Դաշնության, Ղազախստանի և Բելառուսի: Ըստ Շահնազարյանի, դա հնարավորություն է ընձեռում ոչ միայն տեղեկատվություն ստանալ հայ արտահանողների կապալառուների մասին, այլ նաև կստեղծի ապահովագրական հատուցման երաշխիք: Ղրղզական կողմի հետ նման համաձայնագիր չկա, քանի որ Բիշկեկը դեռ չի ձևավորել համապատասխան կառույց: Ինչ վերաբերում է եվրոպական գործընկերների հետ համագերծակցությանը, ապա, ինչպես նշել է գործակալության ղեկավարը, Հայաստանը միացել է Բեռնի միությանը (Ապահովագրողների, վարկային և ներդրումային ընկերությունների միջազգային միության պաշտոնական անունը, խմբ), որի շրջանակներում հնարավոր է օգտագործել միոթւյան տվյալների բազայից: Բացի այդ, կան նաև առևտրային կազմակերպություններ, որոնք օգտվում են ՀԱԱԳ ծառայություններից:
Ներկայումս գործակալությունը նաև քայլեր է ձեռնարկում Իրանի Իսլամական Հանրապետության հետ հարաբերությունները զարգացնելու համար: Իրանական կողմն առաջարկում է վերաապահովագրական գործունեություն իրականացնել Իրանի ընկերությունների նկատմամբ: Այսպիսով, ՀԱԱԳ-ն սպասում է երկրի ֆինանսական իշխանությունների պատասխանին, թե որքանով է դա նպատակահարմար և արդյոք համապատասխանում է ՀՀ օրենսդրությանը:
Միևնույն ժամանակ, ՀԱԱԳ-ը դիտարկում է առկա գործիքների դիվերսիֆիկացիան: Այսպես, Գործակալությունն արտահանման վարկավորման ապահովագրությունից և նախարտահանման ֆինանսավորման ապահովագրությունից բացի աշխատում է արտահանման ուղղվածություն ունեցող ձեռնարկությունների կողմից ներմուծվող սարքավորումների հնարավոր ապահովագրության ուղղությամբ: Բացի այդ, գործարար կառույցներից ստացված հայտերի համաձայն, ՀԱԱԳ-ը դիտարկում է տուրիստական գործունեության մեխանիզմների ապահովագրությունը:
«Հայաստանի արտահանման ապահովագրական գործակալությունե ԱՓԲԸ-ն հիմնադրվել է Հայաստանի Հանրապետության կառավարության որոշմամբ 2013 թվականի հոկտեմբերի 23-ին արտահանմանն ուղղված արդյունաբերական քաղաքականության շրջանակներում: Ընկերությունը տրամադրում է ապահովագրություն ՀՀ ռեզիդենտ արտահանող Ընկերությունների կողմից մատակարարված ապրանքի դիմաց օտարերկրյա գնորդի կողմից կամ պայմանագրով նրա անունից վճարման պարտավորություն ունեցող բանկի կողմից չվճարման հետևանքով կրած ֆինանսական վնասներից: Մատուցվող ապահովագրական ծառայությունները հանդիսանում են արդյունավետ լուծում հաճախորդների արտահանման ռիսկերի կառավարման համար: Ընկերության միակ բաժնետերը Հայաստանի Հանրապետությունն է: