Արմինֆո. Ապրիլի 16-ին և 17-ին վերաբացվեցին Արդշինբանկի «Կապան», «Քաջարան» և «Մեղրի» մասնաճյուղերը՝ արդիականացված, վերանորոգված և ժամանակակից պահանջներին համապատասխանող նոր գրասենյակներում: Վերաբացված մասնաճյուղերը հագեցած են տեխնիկական լայն հնարավորություններով, որոնք ավելի դյուրին են դարձնում բանկային ծառայություններից օգտվելու գործընթացը:
«Կապան» մասնաճյուղը գտնվում է Կապան քաղաքում՝ Մ. Տեր-Ստեփանյան 3 հասցեում, «Քաջարան» մասնաճյուղը՝ Քաջարան քաղաքում՝ Լեռնագործների 4 հասցեում, իսկ «Մեղրի» մասնաճյուղը` Մեղրի քաղաքում, Գործարանային 1 հասցեում: Մասնաճյուղերն աշխատելու են երկուշաբթիից ուրբաթ՝ ժամը 09:15-16:45:
Արդշինբանկի մասնաճյուղային ցանցը խոշորագույններից է ՀՀ բանկային համակարգում. այսօր Արդշինբանկն ունի 64 գործող մասնաճյուղ, որոնցից 19-ը Երևանում, 42-ը՝ մարզերում և 3 մասնաճյուղ՝ ԼՂՀ-ում:
Global Finance ամերիկյան հեղինակավոր ամսագիրն Արդշինբանկին ճանաչել է 2018թ. «Տարվա լավագույն բանկը» Հայաստանում: Բանկը Հայաստանի միակ մասնավոր կառույցն է, որն ունի միջազգային հեղինակավոր վարկանշային երկու գործակալություններից (Moody’s և Fitch) ստացված վարկանիշ՝ հավասար Հայաստանի Հանրապետության վարկանշային մակարդակին և միակ մասնավոր կառույցն է ՀՀ-ում, որը միջազգային կապիտալի շուկաներում թողարկել է Եվրոպարտատոմսեր:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |