Արմինֆո. Beeline-ում տեղի ունեցավ հանդիպում Հայաստանի Մարդկային Ռեսուրսների Ասոցիացիայի ներկայացուցիչների հետ, որի շրջանակում ընկերության աշխատակիցները պատմել են իրենց աշխատանքի և նոր թվային աշխարհում բիզնես վարելու նոր պայմանների մասին։
Ինչպես տեղեկացրել է Ընկերության մամուլի ծառայությունը, «Beeline Հայաստանում այսօր տեղի է ունենում լուրջ մշակութային տրանսֆորմացիա, ընկերության աշխատանքը դառնում է ավելի բաց և թափանցիկ open space (բաց տարածություն) գրասենյակի շնորհիվ։ Մենք նաև հետևողականորեն աշխատում ենք Հայաստանում նորարար բիզնես միջավայր ստեղծելու ուղղությամբ։ Այդ առումով առանձնահատուկ դեր ունի Beeline Ստարտափ Ինկուբատոր նախագիծը, որտեղ հայկական ստարտափները ստանում են ոչ միայն գրասենյակային տարածք, այլև գործող խոշոր ընկերության անհրաժեշտ փորձ, որն իրենց կօգնի սեփական բիզնեսի զարգացման հարցում », - նշեց Հայաստանում Beeline-ի Գլխավոր տնօրեն Անդրեյ Պյատախինը:
«Հայաստանի Մարդկային Ռեսուրսների Ասոցիացիայի գործունեության հիմնական ուղղություններից է փորձի փոխանակումն ու մասնագիտական գիտելիքների հարստացումը։ Որքան շատ մենք շփվենք մեր համայնքի ներսում և որքան շատ HR տեխնոլոգիաներ յուրացնենք, այնքան շատ ոչ ստանդարտ լուծումներ կգտնենք մեր բիզնեսների համար։ Այդ տեսակետից Beeline-ի փորձը շատ հետաքրքիր և օգտակար է։ Շնորհակալություն կազմակերպիչներին ընձեռած հնարավորության համար։ Մենք նախատեսում ենք ակտիվ շարունակել նման ձևաչափի հանդիպումներ անցկացնել այլ ընկերությունների հետ ևս», – նշեց ՄՌ Ասոցիացիայի նախագահ Արփի Կարապետյանը:
Այցի շրջանակում Beeline-ի ղեկավարությունն ու աշխատակիցները ՄՌ Ասոցիացիայի անդամներին ներկայացրել են ընկերության զարգացման նոր ուղղությունները, ընթացիկ նորարական ծրագրերը, որոնց թվում է Beeline Ստարտափ Ինկուբատորը, ինչպես նաև կիսվել են նոր ձևաչափով աշխատանքի փորձով open space-ում։
Նշենք, որ «ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «ՎԵՈՆ» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: