Արմինֆո. ՀՀ տնտեսական զարգացման և ներդրումների նախարար Արծվիկ Մինասյանը հանդիպում է ունեցել Հայաստանի Հանրապետությունում Արաբական Միացյալ Էմիրությունների արտակարգ և լիազոր դեսպան Ջասիմ Մուհամմադ Ալ Կասեմիի և արաբ գործարարների հետ, որոնք հետաքրքրված են Հայաստանում ներդրումներ կատարելու և բիզնես գործունեություն ծավալելու։ Հանդիպմանը մասնակցել են նաև նախարարության պատասխանատու անձինք։
Ողջունելով հյուրերին՝ նախարարը ներկայացրել է Հայաստանում գործարար միջավայրի բարելավման և ներդրումների պաշտպանության ուղղությամբ իրականացվող բարեփոխումները, անդրադարձել որպես ԵԱՏՄ անդամ երկիր և դեպի Եվրամիության շուկաներ մուտքի համար մեր երկրին ընձեռված հնարավորություններին, նաև Հայաստանի ազատ տնտեսական գոտիներում գործունեություն ծավալելու առավելություններին։
Դեսպան Ալ Կասեմին շնորհակալություն է հայտնել հանդիպման համար և նշել, որ ԱՄԷ-ի հետ առևտրատնտեսական կապերը զարգանում են, ինչի վկայությունը առևտրաշրջանառության կրկնակի աճն է։
Արաբ գործարարները ներկայացրել են այն ոլորտները, որոնցով հետաքրքրված են, մասնավորապես, խոսվել է գյուղատնտեսությունում, վերականգնվող էներգետիկայի, զբոսաշրջության ոլորտներում փոխգործակցության մասին։
Արծվիկ Մինասյանը ողջունել է գործարարների նախաձեռնողականությունը և հայտնել նախարարության կողմից գործարարության խթանման և աջակցության պատրաստակամության մասին։
Նշենք, որ հունիսի 21-ին Երևանում մամուլի ասուլիսի ժամանակ դեսպանը հայտնել էր, որ երկու երկրների միջև առևտրաշրջանառությունն զգալիորեն ավելացել է: Եթե 2016 թ. այն կազմել է $119,3 մլն, արդեն 2017 թ. հասել է $149,3 մլն-ի:
RUB | 4.27 | 0.00 |
USD | 394.46 | -0.25 |
EUR | 425.62 | -1.93 |
GBP | 497.65 | -0.91 |
CAD | 290.11 | -0.27 |
JPY | 26.06 | -0.05 |
CNY | 54.57 | -0.05 |
CHF | 435.72 | -0.13 |