Արմինֆո. Grant Thornton ընկերության հայկական մասնաճյուղը կոչ է արել ԱՄՆ Գանձապետական դեպարտամենտի սկսել Հայաստանի հետ բանակցությունները կրկնակի հարկումը բացառելու մասին հին պայմանագիրը թարմացնելու ուղղությամբ: Այս մասին հաղորդում է Ամերիկայի Հայ Դատի հանձնախումբը (ANCA):
ԱՄՆ Գանձապետարանի ղեկավար-ֆինանսների նախարար Սթիվեն Մնուչինին ուղղված իր նամակում հայկական մասնաճյուղի կառավարիչ գործընկեր է Գագիկ Գյուլբուդաղյանը հայտարարել է, որ ստորագրելով նման համաձայնագիր, կողմերը կհեռացնեն արհեստական խոչընդոտներն ԱՄՆ ներդրումների համար և երկու երկրներին կխրախուսեն ուսումնասիրել համագործակցության նոր ուղիները:
Ըստ տեղեկությունների, կազմակերպության նախագահ Րաֆֆի Ամփարյանը ողջունել է Գրանթ Թորնթոնի ջանքերը և կոչ է արել Հայաստանի հետ անհապաղ կնքել նոր համաձայնագիրը:
Ինչպես ԱրմԻնֆո-ն ավելի վաղ հաղորդել էր, 2018 թվականի մարտին միջկառավարական հանձնաժողովի հերթական նիստում Հայաստանի կառավարությունը նախատեսում է քննարկել Հայաստանի և ԱՄՆ միջև կրկնակի հարկումը բացառելու հարցը: Ինչպես բազմիցս հայտարարել են ՀՀ ֆինանսների նախարարությունում,
ամեն դեպքում, կրկնակի հարկումը բացառելու մասին համաձայնագրի բացակայությունը խոչընդոտում է տնտեսավարող սուբյեկտների դրական որոշում կայացնելուն: Հայաստանի և ԱՄՆ միջև կրկնակի հարկումը բացառելու հարցը քննարկվում է արդեն ավելի քան 20 տարի. 1994 թվականից ի վեր Հայաստանի կառավարությունն այդ հարցը բարձրացնում է: 2000 թվականին հայ-ամերիկյան միջկառավարական նիստի ընթացքում այդ հարցը կրկին բարձրացվել էր, և այն ժամանակից ի վեր ընթանում են նախապատրաստական աշխատանքներ, իսկ բանակցություններն այդպես էլ չեն մեկնարկել: Փետրվարին ԱՄՆ Գանձապետարանի դեպարտամենտը պատրաստակամություն էր հայտնել քննարկելու Հայաստանի հետ կրկնակի հարկումը բացառելու համաձայնագրերի վերանայման հարցը: Ամերիկայի Հայ դատի Հանձնախմբի ներկաայցուցիչներն ԱՄՆ ֆինանսների նախարարի հետ քննարկել էին Հայաստանի հետ կրկնակի հարկումը բացառելու շուրջ նոր համաձայնագիր կնքելու հեռանկարները:
Հիշեցնենք, որ Հայաստանը համանման պայմանագրեր ունի շուրջ 47 երկրների հետ: Այդ համաձայնագրերի նպատակը կրկնակի հարկման բացառումն է արտաքին առևտրում, կողմերի տնտեսավարող սուբյեկտների նկատմամբ հարկային խտրականություն թույլ չտալը, գույքի և եկամուտների կրկնակի հարկման բացառումը, ինչպես նաև բիզնեսի համար կանխատեսելի և կայուն հարկային միջավայրի ստեղծումը: