Երկուշաբթի, 20 Օգոստոսի 2018 13:52

Արմինֆո.Հայաստանում տնտեսական ակտիվությունը 2018 թ. հունվար-հուլիսին աճել է 9.3%, հիմնականում ծառայությունների ոլորտի, շինարարության ոլորտի հաշվին: Հուլիսին տնտեսական ակտիվությունը տարեկան կտրվածքով աճել է 11.1%, իսկ միայն հուլիսին`8%:

 

Ըստ ՀՀ Ազգային վիճակագրական ծառայության նախնական տվյալների, Հայաստանում տնտեսական ակտիվության աճին 2018-ի հունվար-հուլիսին հիմնականում հանգեցրել են` ծառայութոյւնների ոլորտը`18.7%, շինարարության ոլորտը` 10,4%, առևտրի ոլորտը`8,9%, գյուղատնտեսության ոլորտը`4.6%, արդյունաբերական հատվածը`4.3%: Իսկ էներգետիկ համալիրում տարեկան աճի տեմպը դանդաղել է`7,8% -ից մինչև 0,8%:

 

Արդյունաբերական գների ինդեքսը 2018-ի հունվար-հուլիս ամիսներին տարեկան կտրվածքով աճել է 3,3%, 2018-ի հուլիսին, 2017-ի հուլիսի համեմատ`1,6% -ով, իսկ միայն հուլիսին նվազել են 1.5%:

 

Ամսական կտրվածքով տնտեսական աճի լուրջ խթան է հուլիսին հանդիսացել գյուղատնտեսական ոլորտը, արձանագրելով 24% տարեկան աճ, իսկ ավելի փոքր չափով`էներգետիկ համալիրը - 9.3%, որից հետո հաջորդում են` առևտրի հատվածը`8.1%, արդյունաբերությունը`3,4%, ծառայությունների ոլորտը`3.2%, շինարարության ոլորտը`2.2%:

 

Տարեկան կտրվածքով ամենամեծ աճն արձանագրվել է ծառայությունների ոլորտում` 21,8%, որին հաջորդում են`առևտրի ոլորտ - 7,7%, իսկ արդյունաբերություն - 7.3%, գյուղատնտեսություն – 2.1%, շինարարություն - 0.5%: Էներգետիկ համալիրում գրանցվել է  3.1% անկում:

 

Վիճակագրական տվյալների համաձայն, 2018 թվականի հունվար-հուլիսին բացարձակ արժեքով առաջատարն է առևտրի ոլորտը`1.5 տրիլիոն դրամ ծավալով ($ 3.1 մլրդ): Այնուհետև հաջորդում են`արդյունաբերական ոլորտ - 954,6 մլրդ դրամ ($ 1.98 մլրդ), ծառայություններ - 933,7 մլրդ դրամ ($ 1.9 մլրդ), գյուղատնտեսություն - 363.2 մլրդ դրամ ($ 753,7 մլն), շինարարություն - 162,7 մլրդ դրամ (337,7 մլն դոլար): 2018 թվականի հունվար-հուլիս ամիսներին արտադրված էլեկտրաէներգիայի ծավալը կազմել է 4527,3 մլն կՎտժ, իսկ միայն հուլիսին`674,5 մլն կվտժ:

 

Հայաստանի արտաքին առևտրի շրջանառությունը 2018 թվականի հունվար-հուլիս ամիսներին կազմել է 1971.2 մլրդ.դրամ ($ 4089,8 մլն), տարեկան աճը`26.8%: Այդ թվում, արտահանման տարեկան աճը կազմել է 17.3%, մինչև 656.9 մլրդ դրամ (1363.1 մլն դոլար), ներմուծումը`32.1%, մինչև 1314.3 մլրդ դրամ (2726.7 մլն դոլար): Միայն 2018-ի հուլիսին արտաքին առևտրի շրջանառությունն աճել է 1,9%, այդ թվում, ներմուծման աճը կազմել է  4,7%, իսկ արտահանման անկումը`3,8%, իսկ 2017-ի հուլիսի համեմատ արտաքին առևտրի շրջանառությունն աճել է 14.4%, մասնավորապես, ներմուծման աճը կազմել է 22.4%, իսկ արտահանման աճը`0.3% -ով:

 

ՀՀ դրամի միջին հաշվարկային փոխարժեքը 2018 թվականի հուլիսին կազմել է 481.43 դրամ / $ 1, իսկ հունվար-հուլիսին`481.95 ՀՀ դրամ / $ 1: