Արմինֆո.Հայաստանի հարկային մարմինները ստուգում են երկրի բոլոր սուպերմարկետները, ոչ միայն «Երևան Սիթին»: Այս մասին հայտարարել է ՀՀ կառավարությանն առընթեր պետական եկամուտների կոմիտեի (ՊԵԿ) նախագահ Դավիթ Անանյանը օգոստոսի 23-ին լրագրողների հետ զրույցում, մեկնաբանելով այն լուրերը, որ ստուգվում են միայն Սամվել Ալեքսանյանի ընտանիքին պատկանող սուպերմարկետները:
Դավիթ Անանյանը ներկայումս նաև պատասխանատվությամբ հայտարարում է, որ վերջին տարվա ընթացքում Սամվել Ալեքսանյանին պատկանող ընկերությունում չի արձանագրվել ոչ մի դեպք, երբ արտերկրից ներմուծված շաքարավազի հումքը գրանցվել է որպես հանրապետությունում արտադրված: «Մենք ստուգել ենք: Վերջին տարում նման բան չի բացահայտվել», - ասել է Անանյանը, հավելելով, որ ավելի վաղ փաստաթղթերի վերստուգման իրավական հիմքեր չկան:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |