Արմինֆո. Մինչև ընթացիկ տարվա վերջը կավարտվի Հայաստան-Վրաստան չորրորդ ԷՀԳ կառուցման նախագծի տեխնիկատնտեսական հիմնավորման նորացված տարբերակի շուրջ աշխատանքը: Այդ մասին նախօրեին մամուլի ասուլիսի ժամանակ հայտարարել է ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը:
Նրա խոսքով, հիմնական նպատակը նախագիծն էժան դարձնելն է՝ Հայաստանի Հանրապետության վրա պարտքային բեռը մեղմելու նպատակով: Արթուր Գրիգորյանը հիշեցրել է, որ ավելի վաղ ՀՀ վարչապետ Նիկոլ Փաշինյանը հանձնարարել էր ուսումնասիրել այդ նախագծի համար ներդրումների գումարի կրճատման հնարավորությունները՝երկրի պետական պարտքը չմեծացնելու նպատակով: Այս համատեքստում նախարարը համաձայնել է, որ Հայաստան-Վրաստան ԷՀԳ շահագործման հանձնելու ժամկետներում ճշգրտումներ կկատարվեն: <Հազիվ թե մենք կարողանանք իրականացնել նախագիծը մինչև 2019 թ. վերջը>,- փաստել է Արթուր Գրիգորյանը:
Նա ավելացրել է նաև, որ Իրան-Հայաստան ԷՀԳ կառուցումն այսօրվա դրությամբ կատարվել է ընդամենը 15%-ով: Նախագծի մասնակիցները պայմանավորվել են արագացնել այդ ծրագրերի կատարումը: Երկու նոր ԷՀԳ կառուցմամբ Իրանից Հայաստանով դեպի Ռուսաստան էլեկտրաէներգիայի մատակարարումների հնարավորություն կառաջանա, ինչը շատ կարևոր է երկրի համար:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ
RUB | 4.37 | -0.01 |
USD | 401.96 | -0.67 |
EUR | 438.10 | -0.36 |
GBP | 511.98 | -1.33 |
CAD | 296.82 | -0.70 |
JPY | 26.96 | -0.10 |
CNY | 55.84 | -0.11 |
CHF | 455.17 | -0.60 |