Արմինֆո. Մինչև այս տարվա օգոստոսը Հայաստանը կարող էր պարծենալ բնական աղետների և հասցված վնասների «բարենպաստ» վիճակագրությամբ: Բայց վերջին բնական աղետները`կարկտահարությունն Արմավիրի, Շիրակի և Արարատի մարզերում, էապես «փչացրեցին» այդ վիճակագրությունը: Այս մասին օգոստոսի 31-ին հայտարարել է գյուղատնտեսության նախարար Արթուր Խաչատրյանը, ամփոփելով իր գործունեության արդյունքները:
Մասնավորապես, ըստ նախարարի, 2017-ին վնասը բնական աղետներից գնահատվել է 12 մլրդ դրամ, 2016 թվականին`33 մլրդ դրամ: Մինչև 2018-ի օգոստոսը վնասը գնահատվել է մոտ 6 մլրդ դրամ: «Հենց այդ մասին զեկուցեցի վարչապետին, որ մենք կարող ենք այս տարի խուսափել բնական աղետների հետ կապված ռիսկերից և հսկայական վնասներից, հաջորդ օրը, ճակատագրի հեգնանքով, մենք լսեցինք Արմավիրի մարզի կարկտահարության մասին», - ասել է նա: Թե ինչ չափերի էր պատճառված վնասը, Արթուր Խաչատրյանն այսօր ձեռնպահ է մնում նշել: Նրա խոսքերով, վնասը հնարավոր է հաշվարկել սեպտեմբերի վերջին:
Այնուամենայնիվ, ինչպես վստահեցրել է Խաչատրյանը, կարկուտից տուժած ֆերմերների վնասը կփոխհատուցվի: Այս ուղղությամբ, ինչպես նշել է նա, նախատեսվում է նորարարություն: «Եթե ավելի վաղ, ասենք, Հովհաննիսյանը Մարտիրոսն ստացել է 50 հազար դրամի փոխհատուցում է ստացել, իսկ հողի հարկի գծով ունի 15 հազար դրամի և ջրի դիմաց`35 հազար դրամի պարտք, ապա ամբողջ գումարն ուղղվել է պարտքի մարմանը: Այսուհետ նախատեսում ենք ֆերմերներին վճարել կանխիկ» - նշել ե նա:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |