Արմինֆո. «Եվրոպական միությունը կարևորում է Հայաստանի հետ կառուցողական երկխոսության ձևավորմանը», - սոպտեմբերի 25-ին հայտարարել է Հայաստանում ԵՄ պատվիրակության ղեկավար Պետր Սվիտալսկին, Հայաստան-ԵՄ առևտրի հարցերի համագործակցության կոմիտեի նիստում:
Նա ընդգծել է, որ Հայաստանում փոփոխությունները դիտվում են որպես առաջընթացի խթան: «Մենք տեսնում ենք, որ նոր կառավարության առաջնահերթություններն առաջին հերթին հզոր լծակ են դառնում հարաբերությունների զարգացմանն առևտրի և ներդրումային ոլորտներում, իսկ երկրորդը, որ ռազմավարական մակարդակով բավարար են պաշտպանելու ներդրողների շահերը», - ասել է Հայաստանում ԵՄ դեսպանը: Այս պարագայում նա նշել է կոռուպցիայի դեմ պայքարը: «Դրա վերացումը Հայաստանին հնարավորություն կտա գտնել նոր գործընկերների և երաշխավոր դառնալ եվրոպական ընկերությունների համար, Հայաստանի գործարար միջավայրի նկատմամբ հետաքրքրության բարձրացման առումով», - ասել է դիվանագետը:
Որպես երկրորդ առաջնահերթություն, Սվիտալսկին նշել է դատական համակարգի անկախությունը, որը նույնպես նպաստում են գործընկերությանը, քանի որ կարևոր դեր է խաղում ներդրողների պաշտպանության համար: «Կարծում եմ, որ ներկայիս կառավարությունը լավ գիտի, թե ինչ պետք է անի», - ասել է նա:
Իր հերթին, Եվրոպական հանձնաժողովի գլխավոր տնօրինության վաճառքի հարցերի ղեկավար Պետրոս Սուրմելիսն էլ իր հերթին է նշել, որ նոր կառավարության կողմից իրականացվող բարեփոխումները միայն կխորացնեն համագործակցությունը ԵՄ-ի հետ և կնպաստեն առևտրային հարաբերությունների հետագա զարգացմանը: Մասնավորապես, նա կարևորել է համապարփակ գործընկերության համաձայնագրի ստորագրումը, որը նշանավորում է երկրի զարգացման նոր փուլը և հնարավորություն է ընձեռում իրականացնել ծրագրված բարեփոխումները, բարելավել գործարար միջավայրը, ներգրավել արտաքին ներդրումներ և նվազեցնել աղքատությունը: Այս առումով, Սուրմելիսը պատրաստակամություն է հայտնել ԵՄ անունից Հայաստանին օժանդակել նոր կառավարության կողմից նշված խնդիրների լուծման հարցում:
Նշենք, որ ԵՄ-Հայաստան Առևտրի համագործակցության հանձնաժողովի առաջին դռնփակ նիստում մասնակիցները կքննարկեն այն հարցերը, որոնք առնչվում են առևտրի խթանմանը, մասնավորապես, մաքսային ոլորտը, սանիտարական և բուսասանիտարական միջոցառումնները, մտավոր սեփականության իրավունքը, մրցակցությունը և հանրային գնումները: Քննարկումներում ընդգրկված են նաև փոխադարձ հետաքրքրություն ներկայացնող մի շարք հարցեր:
Ըստ ՀՀ Ազգային վիճակագրական ծառայության տվյալների, Հայաստանի և ԵՄ միջև ապրանքաշրջանառությունը հունվար-հուլիս ամիսներին գերազանցել է 1 մլրդ դոլարը, տարեկան աճը`36.1%: Մասնավորապես, արտահանումն ավելացել է 22% և կազմել 432.4 մլն.դոլար, իսկ ներմուծումն աճել է 47,8% և կազմել 633,3 մլն դոլար: Եվրոպական միությունը 26% մասնաբաժնով երկրորդ տեղն է զբաղեցնում Հայաստանի առևտրային գործընկերների ցուցակում, փոքր-ինչ ետ մնալով ԵԱՏՄ-ից, որի մասնաբաժինը կազմում է 26.4%: