Արմինֆո.Առայժմ վաղ է խոսել Հայաստանի սպառողների համար գազի սակագները նվազեցնելու հնարավորության մասին: Հոկտեմբերի 10-ին այդ մասին հայտարարել է էներգետիկ ենթակառուցվածքների և բնական պաշարների նախարար Գարեգին Բաղրամյանը` պատասխանելով ԱրմԻնֆո-ի հարցին:
Նրա ասելով, ձևավորվել է աշխատանքային խումբ, որն զբաղվում է այդ հարցի ուսումնասիրմամբ: Միայն այն բանից հետո, երբ կհաշվակվի հաշվեկշիռը, սպառման ծավալների, արտարժույթների փոխարժեքների կանխատեսումները, «Գազպրոմ Արմենիայի՚ և ՀԵՑ հետ հարցի քննարկման դեպքում կարելի կլինի խոսել էներգակիրների գները նվազեցնելու հնարավորության մասին:
Հավելենք, որ այսօր Հայաստանի կառավարությունը հավանություն է տվել գազի գնի ձևավորման շուրջ ՌԴ կառավարության հետ համաձայնագրին: Գործադիր մարմինը նաև փոփոխություն է կատարել «ՀայՌուսգազարդ՚ ՓԲԸ բաժնետոմսերի 20 տոկոսը «Գազպրոմին՚ վաճառելու շուրջ համաձայնագրում:
Ինչպես հայտարարել է Գարեգին Բաղրամյանը, մինչև դեկտեմբերի 31-ը գազի գինը կմնա անփոփոխ` 1000 խմ դիմաց 150 դոլար: Նախարարն ընդգծել է, որ հարցերի ուշ քննարկումը պայմանավորված է ընթացակարգային ծախսերով:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |