Ուրբաթ, 19 Հոկտեմբերի 2018 16:01

Արմինֆո.Չինացի ներդրողները մտադիր են 35-50 միլիոն դոլար ներդնել Հայաստանում «Ալյանս» ազատ տնտեսական գոտում գազի տուրբինային գեներատորների արտադրությանը: Այս մասին հոկտեմբերի 19-ին Երևանում կայացած մամլո ասուլիսում հայտարարել է ռուսաստանյան «Ռազմավարություն»  հիմնադրամի նախագահ Մեցո Իգիթյանը:

 

Ապագայում, ինչպես և սպասվում է, կավելացվի ներդրումների ծավալը, ինչպես նաև համագործակցության ոլորտները: Նրա խոսքերով, մեկ շաբաթվա ընթացքում Հայաստանում գործարարների պատվիրակութոյւններ են եղել Պեկինից, Մակաոյից և Հոնկոնգից: «Արդյւոնքում, որ չինական պատվիրակության ղեկավար և  Չինաստանի խոշոր խորհրդատվական ընկերակցության ղեկավար, որը միավորում է 280 հազար ձեռնարկություն, պարոն Ցյանը որոշեց մնալ Հայաստանում, բացել այստեղ գրասենյակ, քանի որ արդեն կան զբոսաշրջության, թեթև արդյունաբերության, մեքենաշինության և մետաղագործության ոլորտների կոնկրետ գաղափարներ», - ասել է նա:

 

Ավելի հստակ, ըստ «Ռազմավարություն» հիմնադրամի փոխնախագահ Սամվել Ասմարյանի, Հայաստանում առաջին շաբաթ տեղի ունեցած ծանոթության արդյունքում այսօր համաձայնություն է ձեռք բերվել «Ալյանս» ԱՏԳ  հետ «Մարս» գործարանի տարածքում գազատուրբինային գեներատորների արտադրության մեկնարկի մասին: Նախատեսված ներդրումը կկազմի 35 միլիոն դոլարից մինչև 50 միլիոն դոլար, կստեղծվի մոտ 700-1000 աշխատատեղ: Տուրբինները կուղարկվեն մոտավորապես 30-40 երկրներ, ներառյալ`Իրան, աֆրիկյան երկրներ, ԱՄՆ, Թուրքիա, Ավստրալիա: Տուրբինների տարեկան վաճառքի ծավալները, ինչպես փորձագետներն են վստահեցնում, թույլ կտան խնայել մինչև 30% ածխաջրածնային վառելիք, որն ապագայում կարող է չափվել հարյուր միլիոնավոր դոլարներով:

 

Ծրագրի իրականացման կոնկրետ ժամկետներ դեռ չկան, ամեն ինչ գտնվում է նախագծման փուլում: Ամենակարևորն այն է, որ նախագծի նախաձեռնողներն արդեն համաձայնություն են ձեռք բերել: Ընդհանուր առմամբ, Իգիթյանը նշել է, որ պատրաստման փաստաթղթերը և դիզայնը, ինչպես նաև արտադրության մեկնարկը կկազմեն մոտ 2,5-3 տարի:

 

Ինչպես նշում է «Ալյանս» ԱՏԳ ղեկավար Արսեն Սարգսյանը, այդ ընկերությունը գրանցվել է ԱՏԳ-ում: Մինչև տարեվերջ կառավարությունը հավանություն կտա հայտին: Հետագայում նախագծի նախաձեռնողը կլուծի տեխնիկական խնդիրները: Նախօրեին, ինչպես նշել է նա, Հայաստանի տնտեսական զարգացման և ներդրումների նախարարությունը հաստատել է իր պատրաստակամությունն`աջակցելու այս նախագծին: «Հայաստանի օրենսդրությունը խթանում է ներդրումները», - ասել է Վէյ Մին Ցյանը: - Հանրապետության տարածքում գործում է ԱՏԳ, որտեղ հնարավոր է զարգացնել շահութաբեր արտադրություն: Արդեն այսօր, ինչպես նշել է Ցյանը, չինացի ներդրողները հետաքրքրություն են ցուցաբերում շինարարության, զբոսաշրջության, վերականգնվող էներգետիկայի, թափոնների վերամշակման ձեռնարկությունների ստեղծման, մետրոպոլիտենի և երկաթուղիների, կանաչ քաղաքների և էլեկտրական ավտոբուսների արտադրության ոլորտներում:

 

Մեցո Իգիթյանը նաև հիշեցրել է «Մեկ գոտի - մեկ ճանապարհ» նախագծի մասին, որի մի մասն է Հայաստանը: Նախաձեռնությամբ Չինաստանը շահագրգռված է Հայաստանի մասնակցությունով, հիմնականում`որպես լոգիստիկ օղակ: «Հայաստանը 80-միլիոնանոց Իրանի և Եվրասիական տարածքի դարպաս է, մեր չինական ընկերներն էլ շահագրգռված են Մեղրու ազատ տնտեսական գոտիով, ուզում են ստեղծել ցուցահանդեսային կենտրոն, որտեղ չինաական ընկերությունները կկարողանան ներկայացնել իրենց արտադրանքը», - ասել է նա: Ըստ ՌԴ ռազմավարական հիմնադրամի ղեկավարի, Հայաստանում հնարավոր կլինի նաև կազմակերպել չինական ապրանքների արտադրություն: Հաջորդ փուլում քննարկվելու են տեխնոլոգիաների, լիցենզիաների ձեռքբերման և սեփական արտադրանքի և տեխնոլոգիաների արտադրության գործընթացները: Մեծ հեռանկարներ կան Բլոկչեյնի, Smart City նախագծերի ոլորտներում:

 

Հայաստանի իշխանությունների և չինացի ներդրողների միջև համագործակցության խթանման նպատակով ստեղծվելու է աշխատանքային խումբ: