Արմինֆո.<Հյուսիս-Հարավ> ճանապարհն անպայման պետք է կառուցվի, նոյեմբերի 13-ին Ազգային ժողովում հայտարարել է ՀՀ վարչապետի պաշտոնակատար Նիկոլ Փաշինյանը:
Նրա խոսքով, ճանապարհը պետք է կառուցվի որակի ամենաբարձր չափանիշներով: Նիկոլ Փաշինյանն ընդգծել է, որ խնդիրներ են առաջացել երեսպատման որակի հետ կապված, ինչը պայմանավորված է ցեմենտի և բետոնի ցածր որակի հետ: Դրա հետևանքով, ինչպես նշել է վարչապետի պաշտոնակատարը, ճանապարհի այն հատվածը, որն արդեն կառուցվել է, չի համապատասխանում որակական ցուցանիշներիվ: Ներկայումս ուսումնասիրություններ են անցկացվում, որոնց արդյունքների համաձայն՝ հետագա որոշում կկայացվի:
Հիշեցնենք, որ ՀՀ վարչապետ Նիկոլ Փաշինյանը կոչ էր արել մեծ ուշադրություն դարձնել ավտոմոբիլային ճանապարհների կառուցման որակին: Նրա խոսքով, այդ հարցի լուծումն անմիջականորեն կապված է նաև զբոսաշրջության զարգացման հետ, այդ թվում՝ իրանցի զբոսաշրջիների Հայաստանի ներհոսքի: <Անհրաժեշտ է առավելագույնս արագ և արդյունավետ լուծել այդ ոլորտում ծագած բոլոր խնդիրները>,- նշել էր վարչապետը:
Նշենք, որ Թալին-Լանջիկ հատվածում շինարարական աշխատանքներ իրականացնող «Սինոհիդրո Քորփորեյշնե չինական ընկերությունն իր պատասխանատվությամբ, առանց կատարված աշխատանքների որակի թեստավորման, իրականացրել է ճանապարհի 1200մ բետոնապատում, այն դեպքում, երբ որպես թեստային փորձանմուշ անհրաժեշտ էր բետոնապատել 300մ ճանապարհահատված։ Այս առնչությամբ ՀՀ տրանսպորտի, կապի և տեղեկատվական տեխնոլոգիաների նախարարությունը պահանջել է չշարունակել բետոնապատման աշխատանքները մինչև որակի լաբորատոր փորձաքննության արդյունքները: Եթե որակի լաբորատոր փորձաքննության արդյունքները չհամապատասխանեն սահմանված չափորոշիչներին, չինական ընկերությունը պետք է քանդի և նոր, որակով բետոնապատում իրականացնի։
Ինչպես ավելի վաղ հայտնել էր ԱրմԻնֆո-ն, 2018 թվականին «Հյուսիս-Հարավ՚ փոխադրամիջանցքի կառուցման ծրագրի շարունակմանը 47 մլն դոլար կուղղորդվի: Այդ միջոցները կներգրավվեն Ասիական զարգացման բանկից, Երոպական ներդրումային բանկից և Եվրասիական զարգացման բանկից` վարկային ռեսուրսների տեսքով, ևս 2,8 մլն դրամ նախատեսվում է ստանալ դրամաշնորհի տեսքով` Եվրոպական ներդրումային բանկից: Աշխատանքների հիմնական ճակատը հաջորդ տարի կծավալվի 84 կմ ավտոճանապարհին, որտեղ նախատեսվում է փռել 40-45 կմ բետոն: Աշխատանքները, մասնավորապես, կանցկացվեն Աշտարակից մինչև Գյումրի ատվոճանապարհին:
Հավելենք, որ շինարարության ընդհանուր արժեքը նախկինում գնահատվում էր 960 մլն դոլար, որն այնուհետև աճեց մինչև 1,5 մլրդ դոլար, այժմ` ավելի քան 2 մլրդ դոլար: ՙՀյուսիս-Հարավ՚ ծրագրի առնչությամբ Հայաստանի կառավարությունը հաշվարկել է 2,5 դոլարի խնայողություն յուրաքանչյուր ուղևորի մեկ ժամվա երթևեկության և 1-ական դոլարի խնայողություն 1 տոննա բեռի փոխադրման 1 ժամվա համար: Ինչպես ակնկալում են Հայաստանի իշխանությունները, ծրագիրը թույլ կտա ապագայում մեղմել Ադրբեջանի և Թուրքիայի կողմից շրջափակման հետևանքները, ստանձնել տարանցիկ պետության դեր տարածաշրջանի երկրների բեռանփոխադրումներում, ինչպես նաև միանալ Սևծովյան օղակաձև ավտոմայրուղուն: