Արմինֆո.2018 թվականի առաջին կիսամյակում Հայաստան է ներմուծվել 127.1 հազ. տոննա ցորեն, որի տարեկան աճը նախորդ տարվա համեմատ դանդաղել է`61.4%-ից մինչև 12,9%: ՀՀ Պետական մաքսային կոմիտեի տվյալներով, ներմուծված ցորենի գինը գնահատվում է 24,8 մլն դոլար, տարեկան աճը`2.7%: Ցորենի հիմնական ծավալները ներմուծվել են Ռուսաստանից (98.3%), տարեկան աճը`11.8%, իսկ մնացածը`Վրաստանից (աճը`2.6 անգամ):
Միևնույն ժամանակ, Հայաստանը կրճատել է ցորենի արտահանումը 86,4%, մինչև 2 տոննա, որի ողջ ծավալը բաժին է ընկել ԱՄՆ-ին և որի մաքսային գինը կրճատվել է 46.3%, մինչև 2.2 հազար դոլար:
Այս ֆոնին 2,5 անգամ ավելացել է ցորենի այլուրի ներմուծումը, մինչև 19,4 տոննա, իսկ ընդհանուր արժեքը`2.7 միլիոն դոլար (տարեկան աճը`54.9%): Ցորենի այլուրի ներմուծման ծավալներում առաջատարն է Ռուսաստանը`99.6% (աճը`2.6 անգամ), իսկ մնացածը ներմուծվում է Լեհաստանից, Ղազախստանից, Իտալիայից, Բելառուսից, Ֆրանսիայից և Գերմանիայից:
Ըստ ՀՀ-ի Մաքսային ծառայության տվյալների, Հայաստանը ձեռնամուխ է եղել ցորենի այլուրի արտահանմանը, և ողջ ծավալը (38 տոննա) ուղղվում է Իրաք, 13.9 ԱՄՆ դոլար ընդհանուր գումարով:
Միևնույն ժամանակ, 2018 թվականի առաջին կեսին Հայաստան ներկրվող հացահատիկի ներմուծումը 2017 թվականի նույն ժամանակահատվածի համեմատ ավելացել է 11% (նախորդ տարվա աճը`11.6%), մինչև 2,6 հազար տոննա: Ներմուծված հացահատիկի մաքսային արժեքը կրճատվել է 37,4%, մինչև 962,2 դոլար: Հացահատիկի ներկրման առաջատարն է Ռուսաստանը (97%), որին հաջորդում են`Միացյալ Նահանգները, Արգենտինան, Ֆինլանդիան, Բելառուսը, Գերմանիան և Չինաստանը:
Նշենք, որ Հայաստանում այլուր են արտադրում երկու խոշոր ընկերություններ`«Ալեքս Գրիգ» և «Մանանա Գրեյն», որոնք նաև ներմուծում են ցորենը: Ցորենի և այլուրի շուկայում գերիշխող դիրք է զբաղեցնում «Ալեքս-Գրիգ» ընկերությունը, ընդգրկելով շուկայի 42%-ը, իսկ Մանանա Գրեյնի մասնաբաժինը կազմում է 36%: Ի դեպ, «Ալեքս Գրիգը» և «Մանանա Գրեյնը» ապահովում են Հայաստանի ներքին շուկայի 80% -ը: «Մանանա Գրեյն» ՍՊԸ-ն նաև Հայաստանում հացահատիկի խոշոր ներմուծողներից է (շուկայի 34% -ը):