Հինգշաբթի, 17 Հունվարի 2019 11:59

Արմինֆո. ԱՄՆ Սենատը, որը մերժել է ռուսական Rusal ընկերության նկատմամբ պատժամիջոցների մեղմումը շրջափակելու վերաբերյալ առաջարկությունը, հայկական ալյումինի գործարանի նկատմամբ ճնշումը նվազեցնելու գործնական ազդեցություն կունենա, հաղորդում է Ամերիկայի հայ ազգային կոմիտեն (ANCA):

 

ԱրմԻնֆո-ին տրամադրված ANCA հաղորդագրությունում ասվում է, որ 700 աշխատակից ունեցող «Արմենալ՚ գործարանը, իր արտադրանքն արտահանելով ԱՄՆ և միջազգային այլ շուկաներ, գոյության միջոցներով ապահովում է հազարավոր ընտանիքների: ANCA գործադիր տնօրեն Արամ Համփարյանը ողջունել է Սենատում կայացած քվեարկության արդյունքը, որը մեղմում է արտահանմանը կողմնորոշված հայկական հաջողակ ձեռնարկության նկատմամբ ճնշումը: Նրա ասելով, ANCA-ն հավատարիմ է ԱՄՆ օրենսդիրների հետ կառուցողական աշխատանքին` Հայաստանի, ինչպես նաև ԱՄՆ ու Հայաստանի միջև առևտրային հարաբերությունների համար ամերիկյան պատժամիջոցների չարդարացված կամ չկանխատեսված հետևանքները վերացնելու համար:

 

Հաղորդագրության մեջ նաև նշվում է, որ ալյումինի փայլաթիթեղ  արտահանող  Երևանի «Արմենալ՚ գործարանի արտադրանքը գնում են Կոլորադոյի «Թրինիդադ Բենհամ՚ կորպորացիան և Handi-Foil of America и Durable Packaging International ընկերությունը, որը գտնվում է Իլինոյսում:

 

Հիշեցնենք, որ ԱՄՆ պատժամիոցները տարածվել են նաև UC Rusal-ի կառուցվածքում ներառված Երևանի «Արմենալ՚ գործարանի վրա, որը ոչ միայն ԱՄՆ, այլեւ Եվրամիության երկրներ պատրաստի արտադրանքի խոշորագույն արտահանող է: ՀՀ վիճակագրական ծառայության տվյալներով, 2018 թվի հունվար-նոյեմբեր ամիսներին Հայաստանում ալյումինե փայլաթիթեղի արտադրությունը նախորդ տարվա նույն ժամանակահատվածի հնամեմատ կրճատվել է 12 տոկոսով` մինչև 26714 տոննա: Վիճակագրական տվյալների համաձայն, միայն նոյեմբերին ալյումինե փայլաթիթեղի արտադրությունը կրճատվել է 9,7 տոկոսով` մինչև 2004 տոննա: