Արմինֆո. Հայաստանը և Հարավային Կորեան կհամագործակցեն ներդրումների ներգրավման և պաշտպանության ոլորտում: Միջկառավարական համաձայնագրի նախագիծը հավանության է արժանացել հունվարի 17-ին ՀՀ կառավարության նիստում:
Ներկայացնելով նախագիծը` տնտեսական զարգացման և ներդրումների նախարարի պաշտոնակատար Տիգրան Խաչատրյանը հիշեցրել է, որ համաձայնագիրն ստորագրվել էր 2018 թվականի հոկտեմբերի 19-ին Երևանում: Փաստաթուղթը սահմանում է համագործակցության ընդհանուր սկզբունքները, ներդրումների ներգրավման համար հավասար պայմաների ստեղծումը, դրանց պաշտպանության, պատճառված վնասի փոխհատուցման և վիճահարույց հարցերի լուծման միջոցները:
Ավելի վաղ Հայաստանում Կորեայի Հանրապետության դեսպան Ու Յուն Գընը նշել էր այդ համաձայնագրի կարևորությունը: Նախորդ տարվա հոկտեմբերին նա հաղորդել էր, որ Հայաստան են այցելել կորեացի գործարարներ, որոնք ուսումնասիրել են Հայաստանում առկա ներդրումային մթնոլորտը և շահագրգռված են ներդրումային ծրագրերի իրագործմամբ:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |