Հինգշաբթի, 6 Օգոստոսի 2015 19:08

ՎՏԲ-Հայաստան Բանկն իր քաղաքականության կարորագույն ուղղությունն է համարում ներդրումային նախագծերի ակտիվ ֆինանսավորումը Հայաստանում: Այս մասին Երևանում լրագրողներին հայտարարել է Բանկի նախագահի-Վարչության նախագահի տեղակալ Միխայիլ Օսեևսկին: «Մենք ճիշտ ենք համարում այն քաղաքականությունը, որն իրականացրել ենք վերջին տարիներին, աջակցելով Հայաստանում հիմնական կապիտալի ներդրումներին: Դա առանցքային է հայկական բիզնեսի մրցունակության զարգացման հարցում»,-ընդգծել է նա: Նրա խոսքով, խոսքը գնում է բիզնեսի այն հատվածների մասին, որոնք կողմնորոշված են դեպի Ռուսաստան և ԵԱՏՄ երկրներ: Կարևորագույնների շարքում նա նշել է պատրաստի սնդի արտադրությունը: «Վերջին տարիներին մենք ակտիվ ենք Հայաստանի ջերմոցային տնտեսությունների ֆինանսավորման ոլորտում: Հաշվի առնելով այն պատժամիջոցները, որոնք Ռուսաստանը մտցրել է ներմուծվող սննդամթերքի վրա, այդ նիշան բաց է, իսկ պրոդուկտներն ու ապրանքները` պահանջված»,-նշել է նա:

 

Պատասխանելով ԱրմԻնֆո-ի հարցին, կապված ջերմոցային տնտեսությունների վարկավորման արդյունավետության հետ, Օսեևսկին նշել է, որ այդ հատվածը զարգացնելու համար Հայաստանն ունի և արև, և ջուր և հսկայական ներուժ: «Իր կողքին ունենալով իրացման այնպիսի հսկայական շուկա, ինչպիսին Ռուսաստանն է, ինչպես նաև նրա ետ սերտ տնտեսական ինտեգրումը, գյուղատնտեսական ապրանքների արտադրության և մատակարարման հարցում Հայաստանն ի վիճակի է մրցակցել բազմաթիվ երկրների հետ, ընդ որում, բավականին հաջողված: «Եթե անգամ ողջ Հայաստանը կառուցապատվի ջերմոցներով, արտադրության ծավալները դյուրամարս կլինեն ռուսաստանյան մեծ շուկայում»,-նշել է Օսեևսկին:

 

Միևնույն ժամանակ, Օսեևսկին ընդգծել է, որ բիզնեսի զարգացման իր ռազմավարական ծրագրում բանկը շարունակում է ակտիվորեն աջակցել Հայաստանում աշխատող ռուսական ողջ բիզնեսին, այդ թվում նաև լեռնահումքային ոլորտի ընկերություններին: «Հայաստանում կան խոշոր նախագծեր, որոնք վերջին տարիների ակտիվորեն ֆինանսավորվել են բանկի կողմից, և չնայած մետաղների միջազգային շուկայի կոնյունկտուրան ասօր այնքան էլ պարզ չէ, այնուամենայնիվ, ճգնաժամային հերթական անկումին, որպես կանոն, միշտ էլ հաջորդում է աճը»,-նշել է բանկիրը:

 

Նշենք, որ ՎՏԲ-Հայաստան Բանկի ղեկավարի տեղակալը Հայաստանում է գտնվում ՀՀ կառավարության և ԿԲ հետ խորհրդակցույթունների նպատակով, կապված Հայաստանում բանկի նորացված ռազմավարության մշակման հետ, որը սեպտեմբերին կներկայացվի ՎՏԲ Խմբի Դիտորդական Խորհրդի քննարկմանը, որը ղեկավարում է ՌԴ տնտեսական զարգացման նախարար Ալեքսեյ Ուլյուկաևը: Նոր ռազմավարության շրջանակներում, կապված ԵԱՏՄ անդամ-երկրների ինտեգրման նոր որակի հետ, ՎՏԲ-Հայաստան Բանկը դիտարկում է Ռուսաստանում աշխատող հայկական ընկերույթուններին ռուսական ռուբլով վարկավորելու հարցը: «Այսօր մենք տեսնում ենք, որ այնքան էլ հեշտ չէ կառավարել այնպիսի իրավիճակը, երբ վարկը դոլարային է, ապրանքի գինը ձևավորվում է հայկական դրամով, իսկ վաճառքը Ռուսաստանում տեղի է ունենում ռուբլիով: Հետևաբար, մենք մեր հաճախորդներին կառաջարկենք անցնել ռուբլով ուղղակի վարկավորման, արժութային ռիսկերն էապես նվազեցնելու նպատակով»,-ընդգծել է Օսեևսկին:

 

 Ըստ ԱրմԻՆֆո գործակալության` Հայաստանի բանկերի ֆինանսական վարկանիշների, 2015 թվականի հուլիսի 1-ին ՎՏԲ-Հայաստան Բանկի կորպորատիվ վարկային պորտֆելը կազմել է 131.3 մլրդ դրամ, ընդհանուր վարկային պորտֆելը` 214.8 մլրդ դրամ: Կորպորատիվ վարկային պորտֆելի մեջ ավելի քան 17% բաժին է առևտրին, մոտ 16%` արդյունաբերությանը, 9%`շինարարությանը և ավելի քան 7%`գյուղատնտեսությանը: ՓՄՁ ոլորտը կազմում է վարկային պորտֆելի 46% -ը: Բանկի ընդհանուր ակտիվները 2015 թվականի հուլիսի 1-ին կազմել են 316.6 մլրդ դրամ:-