Արմինֆո. Հայաստանի միջբանկային շուկայի շարունակական ակտիվությունը, բորսայական հազվադեպ, բայց խոշոր, գործարքներին զուգահեռ, ավելի է ամրապնդել հայկական դրամը: Ընդ որում, ընթացիկ շաբաթ դրան հաջողվեց հասնել, դատելով գործարքների համեմատաբար համեստ ծավալներից, հավանաբար, առանց Կենտրոնական բանկի միջամտության, չնայած, օգոստոսի վերջին և սեպտեմբերի սկզբին առանց ԿԲ խոշոր ներարկումների պրոբլեմւ չլուծվեց: Այսպես, սեպտեմբերի 22-25-ը ներառյալ բորսայական արտարժութային գործարքների ծավալն աճեց ավելի քան 17 անգամ, բայց առայժմ զիջելով արտարժույթի միջբանկային շուկայի ծավալներին, որոնք կրճատվեցին 4 անգամ: Արդյունքում, դրամը, սեպտեմբերի 1-ից 25-ը դոլարի նկատամբ ամրապնդվեց, արձանագրելով` 484-ից մինչև 476 դրամ/դոլար ցուցանիշ:
Ինչպես ԱրմԻնֆո գործակալությանը տեղեկացվել է ՀՀ Կենտրոնական բանկի մամուլի ծառայությունից, սեպտեմբերի 22-25-ը ներառյալ «ՆԱՍԴԱՔ ՕԷՄԵՔՍ ԱՐՄԵՆԻԱ» բորսայում արտարժույթով գործարքների ծավալը կազմելէ 5.190 մլն.դոլար, 475.98 դրամ/դոլարմիջինփոխարժեքով: Ընդ որում, ընթացկ շաբաթ բանկերը բորսայում ակտիվ էին միայն երեքշաբթի և ուրբաթ օրերին, բայց ողջ ծավալն ընկել է շաբաթվա վերջին: Իսկարտարժույթիմիջբանկային շուկայումիրականացվածգործարքներիծավալըմեկ շաբաթում կազմելէ6.050 մլն դոլար, 475.79 դրամ/դոլարմիջին փոխարժեքով: Այս անգամ, ի տարբերություն նախորդ շաբաթվա, փոխարժեքն իջավ առանց ԿԲ միջամտության, ինչի մասին են վկայում բորսային և միջբանկի համեստ ծավալները: Հիշեցնենք, որ վերջին 2 ամիսներին ԿԲ արժույթի միջբանկային շուկային միջամտել է օգոստոսի 28-ին (95 մլն.դոլար) և սեպտեմբերի 19-ին (22.2 մլն.դոլար):
Աղբյուրի համաձայն, արտարժույթի ներբանկային շուկայում (գործարքները հաճախորդների հետ) սեպտեմբերի 22-25-ն ընկած ժամանակահատվածում բանկերի կողմից գնվել է 66.9 մլն.ԱՄՆ դոլար (շաբաթվա աճը` 26%), 475.47 դրամ մեկ ԱՄՆ մեկ դոլարի դիմաց միջին փոխարժեքով և վաճառվել է 89.2 մլն ԱՄՆ դոլար (շաբաթվա աճը` 2.3%), 477.27 դրամ ԱՄՆ մեկ դոլարի դիմաց միջին փոխարժեքով: Նույն ժամանակահատվածում արտարժույթի ներբանկային շուկայում բանկերի կողմից գնվել է 9.9 մլն.եվրո, 530.34 դրամ մեկ եվրոյի դիմաց միջին փոխարժեքով (շաբաթվա անկումը` 19.4%) և վաճառվել է 11.5 մլն. եվրո (շաբաթվա աճը`6.5%), 536.12 դրամ մեկ եվրոյի դիմաց միջին փոխարժեքով: Ներբանկային շուկայում նույն ժամանակահատվածում բանկերի կողմից գնվել է 893.6 մլն. ռուբլի (շաբաթվա անկումը` 18%), 7.11 դրամ/ռուբլի միջին փոխարժեքով և վաճառվել է 277.7 մլն.ռուբլի (շաբաթվա աճը`8.6%), 7.27 դրամ/ռուբլի միջին փոխարժեքով:
Նախորդ շաբաթ (սեպտեմբերի 15-20-ը) Հայաստանի բանկերի կողմից ՀՀ դրամով տրամադրված վարկերի ծավալը կազմել է 38.6 մլրդ դրամ, իսկ ԱՄՆ դոլարով տրամադրված վարկերի ծավալը կազմել է 40.9 մլն ԱՄՆ դոլար: Դրան նախորդած շաբաթվա համեմատ ՀՀ դրամով վարկերի ծավալը աճել է 7.2%, իսկ ԱՄՆ դոլարով տրամադրված վարկերի ծավալը`9.1%:
Հիշեցնենք, որ 2014 թվականի վերջին ամիսներին Հայաստանի արժույթի շուկայում դիտվեց փոխարժեքի կտրուկ աճ, հատելով 570 դրամ/դոլարի սահմանագիծը: Հայաստանի արտարժույթի մանրածախ շուկայում դրամը դոլարի նկատմամբ հոկտեմբերից մինչև դեկտեմբերի 17-ը ներառյալ արժեզրկվեց 45%, այնուհետև, դեկտեմբերի 18-20-ն արժեվորվեց 25%, իսկ դեկտեմբերի 22-ին կրկին սկսեց արժեզրկվել: Դեկտեմբերի 27-ին դրամի փոխարժեքը դոլարի նկատմամբ կազմեց 470 դրամ/դոլար, եվրոն` 574 դրամ / եվրո, ռուսական ռուբլին` 8.7 դրամ /ռուբլի: Բորսայում մեկ տարում իրականացվել է 744.5 մլն. դոլարի արտարժութային գործարք, ընդ որում, ամսական ծավալներով աչքի է ընկել նոյեմբերը (117 մլն.դոլար): Տարվա ընթացքում բորսայում արտարժույթի փոխարժեքը 407.14 դրամ/դոլարից ցատկեց մինչև 560 դրամ/դոլար, դեկտեմբերի 27-ին իջնելով մինչև 470 դրամ/դոլար: 2014 թվականին ՀՀ դրամը ԱՄՆ դոլարի նկատմամբ ընդհանուր հաշվով արժեզրկվեց 40%, հաշվի առնելով դեկտեմբերի 17-ի` 570 դրամ առավելագույն և հուլիսի` 406 դրամ նվազագույն սահմանաչափերը: 2015 թվականի առաջին կիսամյակում Հայաստանի արտարժույթի մանրածախ շուկայում դրամի փոխարժեքը դոլարի նկատմամբ 477 դրամից իջավ մինչև 473 դրամ/դոլար, եվրոյի նկատմամբ` 571.5 դրամից մինչև 528 դրամ/եվրո, իսկ ռուբլու նկատմամբ` 8.2 դրամից աճեց մինչև 8.6 դրամ/ռուբլի: Սակայն, հուլիսից դրամն սկսեց արժեզրկվել, հուլիսի 31-ին ԱՄՆ դոլարի նկատմամբ արձանագրելով 478.3 դրամ/դոլար միջին փոխարժեք, միաժամանակ եվրոյի և ռուսական ռուբլու նկատմամբ արժեվորվելով համապատասխանաբար` 524 դրամ/եվրո և 8.0 դրամ/ռուբլի մակարդակներոմ: Օգոստոսին, չնայած օգոստոսի 28-ին ԿԲ կատարած միջամտությանը, դրամի արժեզրկման տրենդը շարունակվեց, օգոստոսի 31-ին դոլարի նկատմամբ կազմելով 484 դրամ/դոլար, եվրոյի նկատմամբ` 544.3 դրամ/եվրո, իսկ ռուսական ռուբլու նկատմամբ` 7.4 դրամ/ռուբլի փոխարժեք: Սեպտեմբերին դրամի վեր ընթացող տրենդը շարունակվեց, սեպտեմբերի 19-ին սկսելով արժեվորվելով ՀՀ ԿԲ խոշոր միջամտությունից հետո, շարունակելով ամրապնդվել նաև հաջորդ շաբաթ, դոլարի նկատմամբ կազմելով 476 դրամ/դոլար, եվրոյի նկատամբ` 531 դրամ/եվրո, իսկ ռուբլու նկատմամբ` 7.3 դրամ/ռուբլի միջին փոխարժեք: