Չորեքշաբթի, 14 Հոկտեմբերի 2015 17:57

Արմինֆո. Սպառողական ապրանքների գները 2015 թվականի հունվարին 2014-ի դեկտեմբերի համեմատ աճել են 2.5%: Փետրվարից մինչև հուլիս սպառողական գների ընդհանուր անկումը կազմել է 4.6%: Արդյունքում, 2015 թվականի առաջին 9 ամիսներին2014 թվականի դեկտեմբերի համեմատ հանրապետությունում գրանցվել գների 2.1% անկում: Այս մասին այսօր լրագրողների հետ հանդիպմանը հայտարարել է ՀՀ Ազգային վիճակագրական ծառայության (ԱՎԾ) գների վիճակագրության և միջազգային համադրումների բաժնի ղեկավար Գուրգեն Մարտիրոսյանը:

Ըստ Մարտիրոսյանի, հունվարին գների 2.5% աճից հետո փետրվարից մինչև հուլիսը ներառյալ Հայաստանի սպառողական շուկայում արձանարցվեց գների ընդհանուր անկում: Մասնավորապես, եթե առաջին չորս ամիսների ընթացքում գների միջին ամսական անկումը կազմեց 0.1-0.5%, ապա հունիս-հուլիսին այդ անկումը պարենային շուկայում ավելի զգալի էր: Հունիսին, այն կազմեց 1.4%, իսկ հուլիսին`2.2%: Եթե առաջին եռամսյակում գներն աճեցին 2,3%, ապա երկրորդ եռամսյակում արդեն արձանագրվեց գների 2.3% անկում,  իսկ երրորդում`2% անկում: Գների 0.1% աճի պայմաներում սեպտեմբերին պարենային ապրանքների գներն օգոստոսի համեմատ մնացին անփոփոխ, ինչպես նաև մատուցվող ծառայությունների սակագները, իսկ ոչ պարենային ապրանքների գներն աճեցին 0,6%:

Ըստ ՀՀ Ազգային վիճակագրական ծառայության տվյալների, սեպտեմբերին` օգոստոսի համեմատ, սննդամթերքի 5 խմբերում արձանագրվեց գների 0.3% աճ, մինչև 3,5%: Մասնավորապես, ամենաբարձր գնաճը գրանցվեց բանջարեղենի գծով`3.5%: Հացամթերքը թանկացավ 0.3%, սուրճը, թեյը, կակաոն` 5.5%, հրուշակեղենը`11.7%, իսկ ոչ ալկոհոլային խմիչքները`5,4%, այլ ապրանքները` 2.3%:

Միաժամանակ, սննդամթերքի ութ խմբերում գների անկումը կազմեց 1,7%, մինչև 0,1%: Հացամթերքի, մսի, սուրճի, թեյի, կակաոյի, ոգելից խմիչքի և ծխախոտի, ինչպես նաև հրուշակեղենի գների անկումը կազմեց 0.3%: Հաշվետու ժամանակահատվածում մրգերի գների անկումը կազմեց 1,7%, շաքարինը` 0.6%: Գների աճ արձանագրվեց մյուս պարենային ապրանքների գծով`1.9%, ինչպես նաև ոչ ալկոհոլային խմիչքների գծով` 1,7%:

2015 թվականի առաջին 9 ամիսներին, անցյալ տարվա դեկտեմբերի համեմատ, 13 տեսակի պարենային ապրանքներից 8-ի գներն իջան 32,7 1,3%, իսկ 5 –ի գներն աճեցին 0.3 - 11,7%: Գների ամենամեծ անկումն արձանագրեցին բանջարեղենը և կարտոֆիլը` 32.7%, ձուն էժանացավ 2,9%, ձկնամթերքը`14,1%, մրգերի գներն իջան 12%, շաքարավազինը`10.7%: Ինչպես հայտարարել է ԱՎԾ ներկայացուցիչը, այս տարվա սեպտեմբերին, նախորդ տարվա նույն ժամանակահատվածի համեմատ, սպառողական շուկայում գներն աճել են 3,3%, այդ թվում, պարենային ապրանքների գները`2,3%, ոչ պարենային ապրանքների գները` 6.1%, ծառայությունների սակագները`1.6%: Գների աճի ընդհանուր ցոցանիշը 2015 թվականի հունվար-սեպտեմբերին, նախորդ տարվա նույն ժամանակահատվածի համեմատ, կազմել են 4.7%, այդ թվում, պարենային ապրանքների գներն աճել են 4,9%, ոչ պարենային ապրանքներինը`5.9%, ծառայությունների սակագները` 3,2%: Հաշվի առնելով փոխարժեքի տատանումները, Մարտիրոսյանը նշել է, որ Կենտրոնական բանկի կողմից սահմանված դոլարի փոխարժեքը հուլիս-օգոստոսին աճել է ամսական 0,5%, սեպտեմբերին` 0,3%: Հաշվետու ժամանակահատվածում ազգային արժույթն էժանացել է 3,8%: Արդյունքում, , դոլարը թանկացավ, իսկ դրամն արժեզրկվեց 18%: Մինչդեռ, եվրոն 9 ամսում էժանացավ 5,3%, բայց կարողացավ մի կերպ վերականգնել նախկին դիրքերը, օգոստոսին աճելով 1.7%, իսկ սեպտեմբերին`1.1%:

Մինչդեռ, ինչպես տեղեկացրել Մարտիրոսյանը, նվազագույն սպառողական զամբյուղի արժեքը Հայաստանում 2015 թվականի 2-րդ եռամսյակում, 1-ին եռամսյակի համեմատ, նվազել է 809 դրամով, կազմելով 59,588 դրամ, 60,397 դրամի փոխարեն: Անցյալ տարի այս ցուցանիշը համապատասխանաբար կազմել էր`59,128 և 58,404 դրամ: «Այս ցուցանիշը հաստատված է ՀՀ առողջապահության նախարարության կողմից, Համաշխարհային բանկի զեկույցի հիման վրաե, - ասել է Մարտիրոսյանը: Նա նաև նշել է, որ միջին ամսական անվանական աշխատավարձը Հայաստանում 2015 թվականի օգոստոսին կազմել է 186.851 դրամ, ինչը 9,3% - ով ավելի է, քան 2014 թ.-ին: Արդյունքում, 2015 թվականի 9 ամիսների ընթացքում այս ցուցանիշն աճել է 10.3%:

Ինչ վերաբերում է սպառողական շուկայի գների կանխատեսումներին, ինչպես նշել է Մարտիրոսյանը ԱրմԻնֆո-ի թղթակցի հետ զրույցում, ելնելով նախորդ տարիների փորձից, կարելի է ասել, որ գյուղատնտեսական ապրանքները, տարեսկզբից մինչև գարնանային բերքահավաքն ընկած ժամանակահատված ավանդաբար կթանկանան: «Հասկանալի պատճառներով, սպասելիքները միշտ էլ գների աճի կողմն են: Անցյալ տարվա սցենարի կրկնության դեպքում կարելի է ակնկալել մոտ 3.6% թանկացումե, - եզրափակել է Մարտիրոսյանը: