Արմինֆո. Հայաստանի խոշորագույն «Սպայկա» տրանսպորտային ընկերությունը, որն զբաղվում է նաև մթերումներով և պահածոյացված գյուղատնտեսական ապրանքների արտադրությամբ, մտադիր է մինչև տարեվերջ կեեռապատկի գյուղատնտեսական ապրանքների արտահանումը, հասցնելով այն 32 հազար տոննայի: Այս մասին այսօր լրագրողների հետ զրույցում հայտարարել է «Սպայկա» ՍՊԸ նախագծերի բաժնի ղեկավար Կարեն Բաղդասարյանը:
Նրա խոսքով, 2014 թվականին ընկերությունն արտահանել է 11,5 հազ.տոննա գյուղատնտեսական արտադրանք, իսկ ընթացիկ տարվա 10 ամիսների ընթացքում կրկնապատկել այդ ցուցանիշը, մինչև 23,4 հազ. տոննա: Մասնավորապես, ընկերությունն արտահանել է 7.8 հազար տոննա կաղամբ, 2.7 հազ.տոննա բողկ, ծիրան - 2.2 հազ. տոննա, խաղող և տանձ - 1,6 հազար տոննա, սալոր -1,1 հազար տոննա, դեղձ - 0.8 հազ.տոննա, , խնձոր - 0.6 հազ.տոննա: Ընկերության նորարարությունը, ինչպես նաև հայկական շուկայի համար, հանդիսացավ վաղ կարտոֆիլի արտահանումը, որը կազմել է 1 հազար տոննա:
«Ընթացիկ տարին ընդհանուր առմամբ արգասաբեր էր գյուղատնտեսության համար, և ընկերությանը հաջողվեց զգալիորեն ավելացնել մթերումների ծավալները: Աճի նման տեմպեր ենք պատրաստում ապահովել նաև 2016-2017 թվականներին, ավտոպարկը համալրելու, նոր ջերմոցներ և սառնարանային համալիրներ ստեղծելու նպատակով լրացուցիչ ներդրումների ներգրավման միջոցով»,-նշել է Կ.Բեգլարյանը:
Նա նշել է, որ դրան կնպաստի մրգերի և բանձջարեղենի վերամշակման խոշոր ձեռնարկության բացումը, որի կառուցմանը «Սպայկան» ներդրել է մոտ 4 մլն.դոլար: Այդ վերամշակող արտադրամասի արտադրողականությունը տարեկան կազմում է ավելի քան 40 մլն.տարային արկղ, ինչի շնորհիվ ընկերությունը մթերումների նպատակով կարող է գնել 15-20 հազար տոննա թարմ միրգ և բանջարեղեն: Ձեռնարկույթունհը հագեցած է ժամանակակից իտալական սարքավորումներով: Հիմնական արտադրանքն է` մրգային աղանդերը, ըմպելիքները, մարինացված բանջարեղենը, որոնք հիմնականում կմատակարարվեն Ռուսաստանի և ԱՊՀ երկրների մանրածախ ցանցերին:
Բաղդասարյանը նշել է նաև, որ ռուսական ռուբլու արժեզրկումը լուրջ հարված հասցրեց ընկերության բիզնեսին, քանի որ դրան հետևած` հայկական դրամի արժեզրկումն առաջացրեց հայկական ապրանքների գների թռիչք, որի հետևանքով, դրանք կորցրին իրենց մրցակցային դիրքերը ռուսաստանյան շուկայում: Բայց ընկերությունն աշխատում է այդ վնասների փոխհատուցման ուղղությամբ և մտադիր է դուրս գալ նոր շուկաներ:
«ԵԱՏՄ-ին Հայաստանի միանալու առումով ունենք մեծ հույսեր, քանի որ դրա շնորհիվ 10% կրճատվեց մատակարարումների ժամանակը և ծախսերը: Դա հայկական ընկերություններին մրցակցային մեծ հնարավորություններ ընձեռեց միջազգային շուկաներում, ինչպես նաև բացեց արտահանման աշխարհագրության ընդլայնման հնարավորություններ, մասնավորապես, դեպի Բելառուս, Ղազախստան և Ղրղզստան»,-նշել է Կ.Բաղդասարյանը: Նա նաև հավելել է, որ ընկերություն չի սահմանափակվում միայն ԵԱՏՄ երկրներով, մասնավորապես, արդեն կարգավորվել են մատակարարումները դեպի Արևելյան Եվրոպա, իսկ մինչև տարեվերջ պայմանագրեր կկնքվեն եվրոպական խոշորագույն ռիթեյլերական ցանցերի հետ:
Նա նաև պատմել է, որ հայկական գյուղապրանքների արտասահմանյան պահանջարկը գերազանցում է առաջարկը, և եթե դրանք համապատասխանեն որակի ստանդարտներին, ապա կարող են ավելանալ 3-4 անգամ, ընդ որում, առանց լուրջ ենթակառուցվածքային փոփոխությունների: «Եվրոպական խոշորագույն մանրածախ ցանցերն ապրանքներն ընդունում են ըստ որակի Global G.A.P. սերթիֆիկատի, որը Հայաստանում նոր է ներդրվում, իսկ մենք աշխատում ենք նման սերթիֆիկատ ունեցող սուբյեկտների հետ»,-ասել է նա:
Մեկնաբանելով ԱրմԻնֆո գործակալության հարցն այն մասին, թե որքանով Հայաստանի արտաքին առևտրի անկումն անդրադարձավ ընկերության բեռնափոխադրումների ծավալների վրա, Կ.Բաղդասարյանը նշել է, որ «Սպայկան» մրցունակ լինելու համար նվազեցնում է բեռնափոխադրումների սակագները, գործընկերներին առաջարկելով նոր լուծումներ, միաժամանակ աշխատելով բացասական միտումների հետևանքով չկորցնել եկամտաբերությունը: Մինչև տարեվերջ ընկերությունը մտադիր է շահագործման հանձնել բեռնատար ավտոմեքենաների սպասարկման կենտրոնը` «Վոլվո», «Ռենո», «Բերնարդ», «Կրոնե» և «Կարիեր» ընկերությունների հայկական ներկայացուցչությունների ավտոմեքենաները սպասարկելու համար:
Ներկայումս «Սպայկա» ՍՊԸ-ն ունի ավելի քան 300 աշխատակից, մոտ 100-ից ավելի կբացվեն վերամշակման արտադրամասի բացումից հետո, իսկ մոտ 25 աշխատատեղ` բեռնատար ավտոմեքենաների սպասարկման կենտրոնի բացումից հետո: Ընկերությունում միջին աշխատավարձը կազմում է 160 հազ.դրամ: «Սպայկա» ՍՊԸ-ն իր գործունեությունն սկսել է 2001 թվականին, որպես միջազգային բեռնափոխադրող: 2010 թվականից ընկերությունն տարածաշրջանային մակարդակով առաջատար դիրքեր է զբաղեցնում բեռնափոխադրումների ծառայությունների ոլորտում: Ընկերությունն աշխատում է ԱՊՀ խոշորագույն մանրածախ ցանցերի հետ: Մթերումներն ընկերությունն իրականացնում է հանրապետոթյան ավելի քան 7 հազար ֆերմերային տնտեսությունների հետ: Ընկերության ապրանքային տեսականին ներառում է` ծիրան, դեղձ, սալոր, խնձոր, խաղող, տանձ, ինչպես նաև ջերմոցային և բանջարաբոստանային մշակաբույսեր: Ընկերության ապրանքներն իրացվում են «Արարատ ֆրուտ» և «Արարատ ֆուդ» ապրանքանիշներ ներքո, իսկ ավտոպարկը բաղկացած է 115 բեռնատարներից: Ընկերությունն ունի նաև սառնարանային համալիր, որի տարողությունը կազմում է 5 հազար տոննա: