Արմինֆո. Այս հանդիպումների ընթացքում ամերիկյան կողմի նպատակը Հայաստանում հրապուրիչ ներդրումային միջավայրի ձևավորումն է: Նոյեմբերի 17-ին Հայ-ամերիկյան առևտրաներդրումային խորհրդի առաջին նիստի բացմանն այդ մասին լրագրողներին հայտարարել է Հայաստանում ԱՄՆ դեսպան Ռիչարդ Միլզը:
Դեսպանի ասելով, ոչ ոք ԱՄՆ կամ Հայաստանի գործարարներին չի կարող հրամայել ներդրումներ կատարել Հայաստանում կամ ԱՄՆ-ում: Մենք ձգտում ենք ձևավորել այնպիսի հարմարավետ գործարար միջավայր, որպեսզի երկու երկրները հրապուրիչ լինեն ներդրումների համար, նշել է դեսպանը: Նրա ասելով, Հայ-ամերիկյան միջկառավարական աշխատանքային խմբի նիստի շրջանակում կքննարկվեն այնպիսի հարցեր, ինչպես ` հարկային և մաքսային բարեփոխումները Հայաստանում, լիցենզավորման հարցերը և այլն: Ինչպես ընդգծել է դեսպանը, անցկացվող քննարկումների նպատակը միջազգային իրավունքի նորմերին համապատասխան գործարար միջավայրի ստեղծումն է: «Հայաստանում գոյություն ունեն իրական հնարավորություններ ամերիկյան բիզնեսի համար` համապատասխան աշխատանքի անցկացման և հարմարավետ պայմանների ապահովման պայմանով», - հայտարարել է Միլզը: Նրա կարծիքով, տվյալ պահի դրությամբ Հայաստանի կառավրությանն ու արդարադատության համակարգին անհրաժեշտ է հասնել հավասար մրցակցային պայմանների ապահովման բիզնեսի բոլոր մասնակիցների` ամերիկացիների, ֆրանսիացիների, ռուսների համար: «Մենք հետևողական կլինենք այդ նպատակների իրագործման հարցում», - ամփոփել է դեսպան Միլզը:
Այսօր Երևանում աշխատանքն է սկսել Հայ-ամերիկյան առևտրաներդրումային խորհրդի առաջին նիստը, որին մասնակցում է ԱՄՆ առևտրի գծով ներկայացուցչի տեղակալ Բեթսի Հաֆների գլխավորած ամերիկյան պատվիրակությունը: Իրադարձությանը կհաջորդի հայ-ամերիկյան միջկառավարական աշխատանքային խմբի տարեկան նիստը: Նախատեսվում է հարցերի լայն շրջանակի քննարկում, որոնք առնչվում են մտավոր սեփականությանը, մաքսային ձևակերպմանը, առևտրի տեխնիկական խոչընդոտներին, սանիտարական վերահսկողությանը, ներդրումների խթանմանը, մասնավոր հատվածի մասնակցությանը, պետակնա գնումներին, ԱՀԿ առևտրի պարզեցման շուրջ համաձայնագրին և էկոլոգիային:
Հայ-ամերիկյան տնտեսական համագործակցության միջկառավարական աշխատանքային խումբը ձևավորվել է 1999 թվականին: Այդ ձևաչափով ամեն տարի անցկացվում են կառավարական պատվիրակությունների մակարդակի հանդիպումներ, ինչը հնարավորություն է ընձեռում քննարկելու երկկողմ տնտեսական կապերի խորացման հնարավորությունները, շուկայական բարեփոխումների իրականացման ուղիները, ինչպես նաև` թե ԱՄՆ կառավարությունն ինչպես կարող է առավելագույնս արդյունավետ օգտագործել ԱՄՆ աջակցությունը Հայաստանի հեռանկարային տնտեսական զարգացման, աշխատատեղերի ստեղծման և երկու երկրների միջև առևտրի խթանման նպատակով: Բացի այդ, մայիսին Հայաստանն ու ԱՄՆ ստորագրել են շրջանակային առևտրաներդրումային համաձայնագիր, որի շրջանակում էլ ձևավորվել է Հայ-ամերիկյան առևտրաներդրումային խորհուրդը: Այն կոչված է բացահայտելու նոր ոլորտներ` երկկողմ ներդրումների և առևտրի համար, աշխատելու դրանց զարգացման և հնարավոր խոչընդոտների վերացման ուղղությամբ:
Արդյոք բոլոր փողերը պաշտպանված են ռուսական բանկերում
Հայկական բանկերը. HSBC բանկի, Արդշինբանկի և պատժամիջոցների նոր միջավայրի պայմաններում բիզնեսի վարման մասին
Telcell-ը դուրս է գալիս ինստիտուցիոնալ զարգացման ուղի
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի