Արմինֆո. 2015 թվականի հունվար-սեպտեմբերին, նախորդ տարվա նույն ժամանակահատվածի համեմատ, Հայաստանի գյուղատնտեսության ոլորտն արձանագրել է 12% տնտեսական աճ: Այս մասին 2016 թվականի բյուջեի քննարկումների ընթացքում հայտարարել է ՀՀ գյուղատնտեսության նախարար Սերգո Կարապետյանը, նշելով, որ տնտեսական աճն արձանագրվել է երկրի բոլոր մարզերում և գյուղատնտեսական բոլոր հատվածներում:
Նրա խոսքով, այս տարի հաջողվեց պահպանել ոչ միայն վերջին տարիներին նախատեսված միտումները գյուղատնտեսության ոլորտում, այլ նաև ավելացնել աճի տեմպերը: Արդյունքում, ինչպես հայտարարել է նախարարը, բուսաբուծության ոլորտում աճը կազմել է 15%, իսկ անասնաբուծության ոլորտում` մոտ 4.2%:
Բացի այդ, ինչպես նշել է նախարարը, երկրի գյուղատնտեսության ոլորտի ևս մեկ ձեռքբերում կարելի է համարել ցանքատարածքների ավելացումը, իսկ արդյունքում` նաև հողային ռեսուրսների նպատակային օգտագործումը: «Միայն 2015 թվականին ցանքատարածքներն ավելացել են 18.5 հա, իսկ դրանց նպատակային օգտագործումը կազմել է մոտ 77%, 2010 թվականի 63%-ի համեմատե,-տեղեկացրել է նախարարը: 2016 թվականի հիմնական առաջնահերթությունների շարքում նախարարը նշել է հացահատկային կուլտուրաների ցանքատարածքների ավելացումը, որտեսզի ցորենի առումով դառնանք ինքնաբավ երկիր: Ինչպես նշել է Կարապետյանը, ըստ նախարարության օպերատիվ տվյալների, նախորդ տարվա համեմատ այս տարի հացահատկային կուլտուրաների ծավալներն աճել են 6.7%, այդ թվում, ցորենինը` 8.8%:
Նախարարը նշել է, որ 2015 թվականին Հայաստանում բացվել է մոտ 70 հա ընդհանուր տարածքով ժամանակակից ջերմոցային տնտեսություն, և ներկա պահին Հայաստանի ջերմոցային տնտեսությունների ընդհանուր մակերեսը կազմում է 770 հա: «Վերջին տարիներին Հայաստանում կառուցվել է նորագույն տեխնոլոգիաներով 85 հա ջերմոցային տնտեսություն, և այդ գործընթացը շարունակվում էե,-նշել է Կարապետյանը:
Խոսելով հաջորդ տարվա պլաններից, նախարարը նշել է, որ գերժամանակակից ջերմոցային տնտեսությունների կառուցում է նախատեսվում Արարատի և Կոտայքի մարզերում: Բուսաբուծության ոլորտում նախատեսվում է կաթիլային գծերի հիման վրա գործող ոռոգման համակարգերի ներդրում, ինչպես նաև հակակարկտային պաշտպանության համակարգի կատարելագործում` ցանցային ծածկների միջոցով:
Նշենք, որ ներկայումս ՀՀ ԱԺ տղի են ունենում երկրի 2016 թվականի պետբյուջեի նախագծի քննարկումները: Ըստ այդ նախագծի, երկրի ՀՆԱ-ի իրական աճը նախատեսվում է 2.2%, ՀՆԱ-ի դեֆլյատոր-ցուցանիշը նախատեսվում է 4%, 12-ամսյա գնաճը` 4% (+1.5%), բյուջեի դեֆիցիտը` ՀՆԱ-ի 3.5%-ի չափով: Բյուջեի ծախսային մասը կկազմի 1 տրլն. 373,7 մլրդ դրամ, իսկ եկամտային մասը`1 տրլն. 183 մլրդ. դրամ, դեֆիցիտը` 197 մլրդ դրամ: ՀՀ դրամի հաշվարկային փոխարժեքը կկազմի 483.2 դրամ/դոլար: 2016 թվականին պետական բյուջեի եկամուտների 95.4% -ը կկազմեն հարկերը և տուրքերը, և 2,6% պաշտոնական դրամաշնորհների, և 2%-ը`այլ եկամուտներ: Հարկերն ու տուրքերը, որոնք նախատեսվում են`1 տրլն. 129 մլրդ դրամ, Եվրոպական հարևանության ծրագրով դրամաշնորհները կկազմեն 24 մլն.եվրո կամ 13 մլրդ դրամ, իսկ նպատակային ծրագրերով դրամաշնորհները` 35,6 մլն դոլար, կամ 17.2 մլրդ դրամ: Եկամուտների գծով մնացած մուտքերը 2016 թվականին նախատեսվում են 23.8 մլրդ դրամ: