Արմինֆո. Դրամի արժեզրկումը շարունակվում է, ինչը Կենտրոնական բանկին հերթական անգամ մղեց միջամտության, որի ծավալը թույլ տվեց շաբաթվա վերջին կանգնեցնել դրամի անմումը: Ընդ որում, շաբաթվա ընթացքում արտարժույթի միջբանկային շուկան ակտիվ գործում էր (երեքշաբթի և ուրբաթ օրերին` ԿԲ մասնակցությամբ), մինչդեռ բորսան կյանքի թույլ նշաններ ցուցադրեց միայն չորեքշաբթի օրը: Այսպես, դեկտեմբերի 7-11-ը ներառյալ արտարժույթի միջբանկային շուկայի ծավալը աճեց 2 անգամ, իսկ բորսայական ծավալներն արձանագրեցին 79.4% անկում: Արդյունքում, դրամի փոխարժեքը, որը նոյեմբերի սկզբին 473 դրամից աճել էր մինչև 483 դրամ/դոլար, իսկ այնուհետև ԿԲ միջամտության շնորհիվ մինչև նոյեմբերի 26-ն իջել մինչև 481 դրամ/դոլարի սահմանագիծ, նոյեմբերի 27-ից կրկին սկսեց ցուցաբերել արժեզրկման նշաններ, նոյեմբերի 30-ին վերադառնալով 483 դրամ/դոլարի սահամագիծ: Արժեզրկման շարունակությունը հաջորդ ամիս էլ դրամը թուլացրեց, դեկտեմբերի 2-ին արձանագրելով 485 դրամ/դոլար ցուցանիշ, ինչը, ամենայն հավանականոթյամբ, ԿԲ-ին հարկադրեց գնալ միջամտության, ինչի հետևանքով էլ հաջողվեց դեկտեմբերի 3-ին փոխարժեքն ամրապնդել 484 դրամ/դոլար մակարդակում, իսկ ռեգուլյատորի հաջորդ 2 խոշոր միջամտությունները դրամն ամրապնդեցին 484 դրամ/դոլար մակարդակում: Սակայն, դեկտմբերի 8-ից դրամը կրկին սկսեց թուլանալ, դեկտեմբերի 10-ին արձանագրելով 486 դրամ/դոլար մակարդակ, և միայն ԿԲ ուրբաթ օրա կատարած միջամտության շնորհիվ դեկտեմբերի 11-ին փոխարժեքը կազմեց 485 դրամ/դոլար:
Ինչպես ԱրմԻնֆո-ին հաղորդեցին ՀՀ ԿԲ մամուլի ծառայությունից, դեկտեմբերի 7-11-ը ներառյալ NASDAQ OMX Armenia բորսան գործել է մեկ օր` չորեքշաբթի օրը (1.1 մլն.դոլար): Իսկ արտարժույթի միջբանկային շուկան գործել է ամբողջ շաբաթ, իսկ ամենից ակտիվը` երեքշաբթի և ուրբաթ օրեին, համապատասխանաբար արձանագրելով` 5.5 մլն/դոլար և 7.3 մլն.դոլար արդյունքներ: Արդյունքում, արտարժույթի միջբանկի շաբաթվա ծավալը կազմեց 16.5 մլն.դոլար, փոխարժեքը ձևավորելով 485 դրամ/դոլար մակարդակում, իսկ բորսայի շաբաթվա ծավալը կազմեց 1.1 մլն.դոլար, փոխարժեքը ձևավորելով 458.65 դրամ/դոլար մակարդակում: Նշենք, որ ԿԲ նախկին խոշոր միջամտություների տեղի էին ունեցել հոկտեմբերի 2-ին–մոտ 6 մլն դոլար, սեպտեմբերի 19-ին-22.2 մլն դոլար և օգոստոսի 28-ին - 95 մլն դոլար:
Աղբյուրի համաձայն, արտարժույթի ներբանկային շուկայում (գործարքներ հաճախորդների հետ) դեկտեմբերի 7-11-ը բանկերը գնել են 96.2 մլն դոլար (շաբաթվա աճը`5.5%), 483.13 դրամ/ դոլար միջին փոխարժեքով, և վաճառվել է 95.3 մլն դոլար (շաբաթվա անկումը` 5%), 485.61 դրամ/ դոլար միջին փոխարժեքով: Նույն ժամանակահատվածում արտարժույթի ներբանկային շուկայում բանկերը գնել են 6.3 մլն եվրո (շաբաթվա անկումը` 3%), 524.63 դրամ/ եվրո միջին փոխարժեքով, և վաճառել է 10.6 մլն եվրո (շաբաթվա անկումը`3%), 529.73 դրամ/1 եվրո միջին փոխարժեքով: Բանկերը գնել են նաև 870.6 մլրդ ռուբլի (շաբաթվա անկումը`14.8%), 6.97 դրամ/ ռուբլի միջին փոխարժեքով, և վաճառել են 415.4 մլն ռուբլի (շաբաթվա անկումը` 20%), 7,09 դրամ/1 ռուբլի միջին փոխարժեքով:
Նախորդ շաբաթ (նոյեմբերի 30-ից դեկտեմբերի 6-ը) Հայաստանի բանկերը տրամադրել են 49.9 մլրդ դրամի և 65.8 մլն դոլարի վարկեր: Դրան նախորդ շաբաթվա համեմատ (նոյեմբերի 23-29-ը), դրամով տրամադրված վարկերի ծավալն աճել 37.5%, իսկ դոլարով տրամադրված վարկերի ծավալը` 59.3%:
Հիշեցնենք, որ 2014 թվականի վերջին ամիսներին Հայաստանի արտարժույթի շուկայում դիտվում էր արտարժույթի փոխարժեքի կտրուկ աճ, հատելով 570 դրամ մեկ դոլարի դիմաց սահմանագիծը: Արտարժույթի մանրածախ շուկայում դրամը դոլարի նկատմամբ հոկտեմբերից մինչև դեկտեմբերի 17-ի ներառյալ սկսեց արժեզրկվել, գրեթե 45%-ով, իսկ 2014 թվականի, ընդհանրապես, 40%-ով (հաշվի առնելով դեկտեմբերի 17-ի` 570 դրամ/դոլար առավելագույն շեմը և հուլիսի` 406 դրամ/դոլար նվազագույն շեմը): Արտարժույթի բորսայական հարթակում 2014 թվականին իրականացված արտարժույթով գործարքների ընդհանուր ծավալը կազմել է 744.5 մլն.դոլար, ընդ որում, ամսական կտրվածքով ծավալներով աչքի է ընկել նոյեմբերը (117 մլն.դոլար): Տարվա ընթացքում բորսայական փոխարժեքը 407.14-ից թռավ մինչև 560 դրամ/դոլար ցուցանիշ (դեկտեմբերի 17-ին աճելով 22%): 2015 թվականի 11 ամիսներին արտարժույթի մանրածախ շուկայում դրամը դոլարի նկատմամբ թոլացավ, ձևավորելով` 477-ից մինչև 483 դրամ/դոլար փոխարժեք, եվրոյի ամրապնդվեց` 571,5-ից մինչև 512 դրամ / եվրո, իսկ ռուսական ռուբլու նկատմամբ` 8.2-ից մինչև 7.4 դրամ/ռուբլի փոխարժեք: Դեկտմբերին շարունակվող դեվալվացիոն միտումները դրամը դոլարի նկատմամբ թուլացրին, դեկտեմբերի 11-ին դրամը հասցրեցին 485 դրամ/դոլար մակարդակ, եվրոն` 530 դրամ / եվրո, իսկ ռուսական ռուբլին` 7.1 դրամ/ռուբլի մակարդակներ: Դրամի դեվալվացիոն տրամադրությունը դիտվում է երկրի արտաքին առևտրի շրջանառության անկմանը զուգահեռ (ավելի քան 20%), այդ թվում, ներմուծումը կրճատվել է մոտ 27%, արտահանումը` մոտ 2%, իսկ դեպի Հայաստան դրամական փոխանցումների ներհոսքը`ավելի քան 30%: Ինչը տեղի է ունենում բնակչության առանց այն էլ ցածր վճարունակության և երկրում առկա տնտեսական ցածր ակտիվության պայմաններում:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին