Երկուշաբթի, 28 Դեկտեմբերի 2015 19:35

Արմինֆո. ՀՀ Կենտրոնական բանկը շարունակեց ՀՀ դրամի ամրապնդման ուղղությամբ միջամտությունները: Այսպես, դեկտեմբերի 21-25-ը ՀՀ ԿԲ միջամտությունը միջբանկային շուկայում տեսի ունեցավ երկուշաբթի, երեքշաբթի և ուրբաթ օրերին, երբ օրական ծավալները տատանվում էին 4-5 մլն.դոլարի սահմաներում, արդյունքում, հաշվետու շաբաթվա ընթացքում միջբանկային շուկայի ծավալներն աճեցին 2.2 անգամ, բորսայում պահպանվող գրեթե ցածր ծավալների պայմաններում: Արդյունքում, դեկտեմբերի 21-28-ին դրամն ամրապնդեց 485-ից 582 դրամ/դոլար միջակայքում:

Ինչպես ԱրմԻնֆո-ին հաղորդեցին ՀՀ ԿԲ մամուլի ծառայությունից, դեկտեմբերի 21-25-ը ներառյալ NASDAQ OMX Armenia բորսան գործել է միայն ուրբաթ օրը (2.9 մլն.դոլար, 479.00 դրամ/դոլար միջին փոխարժեքով): Ընդ որում, արտարժույթի միջբանկային շուկան ողջ շաբաթ ակտիվ էր, որտեղ ԿԲ միջամտությունները տեղի ունեցան երկուշաբթի, երեքշաբթի և ուրբաթ օրերին, ինչն ապահովեց 18.670 մլն.դոլարի շաբաթական ծավալ, ամրապնդելով փոխարժեքը 480.50 դրամ/դոլար մակարդակում: Նշենք, որ ԿԲ նախկին խոշոր միջամտություների տեղի էին ունեցել հոկտեմբերի 2-ին–մոտ 6 մլն դոլար, սեպտեմբերի 19-ին-22.2 մլն դոլար և օգոստոսի 28-ին - 95 մլն դոլար:

Աղբյուրի համաձայն, արտարժույթի ներբանկային շուկայում (գործարքներ հաճախորդների հետ) դեկտեմբերի 21-25-ը բանկերը գնել են 135.97 մլն դոլար (շաբաթվա աճը`22.5%),  479.34 դրամ/ դոլար միջին փոխարժեքով, և վաճառվել է 134.7 մլն դոլար (շաբաթվա աճը` 9.8%), 481.36 դրամ/ դոլար միջին փոխարժեքով: Նույն ժամանակահատվածում արտարժույթի ներբանկային շուկայում բանկերը գնել են 13.5 մլն եվրո (շաբաթվա աճը` 32%), 521.89 դրամ/ եվրո միջին փոխարժեքով, և վաճառել է 18.9 մլն եվրո (շաբաթվա աճը`7.2%), 525.33 դրամ/1 եվրո միջին փոխարժեքով: Բանկերը գնել են նաև 1.3 մլրդ ռուբլի (շաբաթվա աճը`8.3%), 6.74 դրամ/ ռուբլի միջին փոխարժեքով, և վաճառել են 574.7 մլն ռուբլի (շաբաթվա անկումը` 3%), 6.84 դրամ/1 ռուբլի միջին փոխարժեքով:

Նախորդ շաբաթ (դեկտեմբերի 14.20-ը) Հայաստանի բանկերը տրամադրել են 48.1 մլրդ դրամի և 46.2 մլն դոլարի վարկեր: Դրան նախորդ շաբաթվա համեմատ (դեկտեմբերի 7-ից 13-ը), դրամով տրամադրված վարկերի ծավալը կրճատվել ` 6.7%, իսկ դոլարով տրամադրված վարկերի ծավալը նվազել է 15.1%:

Հիշեցնենք, որ 2014 թվականի վերջին ամիսներին Հայաստանի արտարժույթի շուկայում դիտվում էր արտարժույթի փոխարժեքի կտրուկ աճ, հատելով 570 դրամ/ դոլարի սահմանագիծը: Արտարժույթի մանրածախ շուկայում դրամը դոլարի նկատմամբ հոկտեմբերից մինչև դեկտեմբերի 17-ի ներառյալ սկսեց արժեզրկվել, գրեթե 45%-ով, իսկ 2014 թվականի, ընդհանրապես, 40%-ով (հաշվի առնելով դեկտեմբերի 17-ի` 570 դրամ/դոլար առավելագույն շեմը և հուլիսի` 406 դրամ/դոլար նվազագույն շեմը): Արտարժույթի բորսայական հարթակում 2014 թվականին իրականացված արտարժույթով գործարքների ընդհանուր ծավալը կազմել է 744.5 մլն.դոլար, ընդ որում, ամսական կտրվածքով ծավալներով աչքի է ընկել նոյեմբերը (117 մլն.դոլար): Տարվա ընթացքում բորսայական փոխարժեքը 407.14-ից թռավ մինչև 560 դրամ/դոլար ցուցանիշ (դեկտեմբերի 17-ին աճելով 22%): 2015 թվականի 11 ամիսներին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 483 դրամ/դոլար մակարդակ, եվրոյի նկատմամբ` 571,5-ից մինչև 512 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 7.4 դրամ/ռուբլի մակարդակ: Դեկտեմբերին շարունակվող դեվալվացիոն միտումները դրամը դոլարի նկատմամբ թուլացրին, դեկտեմբերի 11-ին դրամը հասցրեցին 485 դրամ/դոլար մակարդակ, եվրոն` 530 դրամ / եվրո, իսկ ռուսական ռուբլին` 7.1 դրամ/ռուբլի մակարդակ: Բայց դեկտեմբերի 14-28-ը ԿԲ գրեթե ամենօրյա միջամտույթունները դրամն ամրապնդեցին դոլարի նկատմամբ 482 դրամ/դոլար մակարդակում, եվրոյի նկատմամբ ` 529 դրամ/եվրո մակարդակում, իսկ ռուսական ռուբու նկատմամբ ` 6.9 դրամ/ռուբլի մակարդակում: Դրամի արժեզրկման  տրամադրությունները  դիտվում են երկրի արտաքին առևտրի շրջանառության անկմանը զուգահեռ (մոտ 20%), այդ թվում, ներմուծումը կրճատվել է մոտ 27%, արտահանումը` մոտ 2%, իսկ դեպի Հայաստան դրամական փոխանցումների ներհոսքը կրճատվել է ավելի քան 30%: Ինչը տեղի է ունենում բնակչության առանց այն էլ ցածր վճարունակության և երկրում առկա տնտեսական ցածր ակտիվության պայմաններում: