Արմինֆո. Հայաստանում տնտեսական ակտիվությունը գնալով դանդաղում է գյուղատնտեսության ոլորտի տեմպերի նվազման և առևտրի շրջանառությունը կրճատման հետևանքով, ներմուծման անկման պայմաններում: Այսպես, սեպտեմբերի 9,8% աճից հետո, հոկտեմբերին տնտեսական ակտիվությունը նվազեց 13.5%, նոյեմբերին անկումն արագացնելով մինչև 17.3%, ինչի վճռորոշ գործոն էին գյուղատնտեսության և առևտրի ոլորտները, ինչպես նաև սպասարկման ոլորտը և արդյունաբերական հատվածը: 2015 թվականի նոյեմբերին, 2014-ի նոյեմբերի համեմատ, տնտեսական ակտիվության նվազել է 2.9%, իսկ 2015-ի հունվար-նոյեմբերին, 2014-ի նույն ժամանակահատվածի համեմատ աճել է 2.9%: Մեկ տարի առաջ տնտեսական ակտիվությունը Հայաստանում նույնպես ցուցադրեց նման դինամիկա: Մասնավորապես, նոյեմբերի անկումը կազմեց 12.2%, 2013-ի նոյեմբերի համեմատ աճը՝ 0,5%, 2014-ի հունվար-նոյեմբերին, 2013-ի նույն ժամանակահատվածի համեմատ՝ 3,8% աճ: Համեմատության համար նշենք, որ 2013-ի նոյեմբերին տնտեսական ակտիվությունը Հայաստանում նվազել էր 10,3%, իսկ 2013-ի հունվար-նոյեմբերին, 2012-ի նույն ժամանակահատվածի համեմատ աճել էր 3,1%:
Ըստ ՀՀ Ազգային վիճակագրական ծառայության տվյալների, տնտեսական ակտիվության նոյեմբերյան անկման հիմնական պատճառը գյուղատնտեսության ոլորտի 50.6% անկումն էր (տարեկան կտրվածքով աճը՝ 11.3%): Այնուհետև նոյեմբերի անկման տեմպերով հաջորդում են ծառայությունների ոլորտը՝ 8,8% (տարեկան աճը՝ 4,5%), առևտրի ոլորտը՝ 4.9% (տարեկան անկումը՝ 14,2%), արդյունաբերության ոլորտը՝ 1% (տարեկան աճը՝ 4.2%): Միևնույն ժամանակ, նոյեմբերին աճ է արձանագրվել շինարարության ոլորտում՝ 6,5% (տարեկան անկումը՝19.1%) և էներգետիկ համալիրում՝ 8,6% (տարեկան անկումը՝ 5.9%):
2015 թվականի հունվար-նոյեմբերին 2014-ի նույն ժամանակահատվածի համեմատ ամենաբարձր աճը պահպանվում է գյուղատնտեսության ոլորտում՝ 11.6%, որին զիջում է արդյունաբերության ոլորտի աճը՝ 4.6%, ծառայությունների՝ 3%, էներգոհամալիրի՝ 1,4% աճը: Շինարարության և առևտրի ոլորտներում հունվար-նոյեմբերին համապատասխանաբար արձանագրվել է 3,1% և 7.1% անկում: Արդյունաբերական արտադրության գործակիցը 2015 թվականի հունվար-նոյեմբերին կազմել է 98.5%, իսկ միայն նոյեմբերին՝ 100.9%, 2014 թվականի նոյեմբերի՝ 93.6% համեմատ:
Ըստ վիճակագրական տվյալների, բացարձակ արտահայտությամբ շարունակում է առջևից ընթանալ առևտրի ոլորտը, որի ծավալները 2015 թվականի հունվար-նոյեմբերին կազմել են 2.004 տրլն.դրամ ($ 4.2 մլրդ): Երկրորդ տեղում է արդյունաբերական արտադրանքը, որի ծավալը կազմել է 1.2 տրլն.դրամ ($ 2,5 մլրդ): Երրորդ տեղում է ծառայությունների ոլորտը՝ 1.1 տրլն.դրամ ($ 2.2 մլրդ): Չորրորդ տեղում է գյուղատնտեսական ոլորտը՝ 931,4 մլրդ. դրամ ($ 1.9 մլրդ), և հինգերորդն է շինարարության ոլորտը՝352,6 մլրդ դրամ ($ 738.5 մլն): Էլեկտրաէներգիայի արտադրության ծավալը 2015-ի հունվար-նոյեմբերին կազմել է 7064.6 մլն կՎտ/ժամ, այդ թվում միայն նոյեմբերին՝ 673.1 մլն կՎտ/ժամ:
Միևնույն ժամանակ, արտաքին առևտրի շրջանառությունը 2015 թվականի հունվար-նոյեմբերին կազմել է 2.1 տրլն.դրամ ($ 4.3 մլրդ), տարեկան անկումը՝ 20,6%, իսկ ամսական անկումը՝6.9%: Դրա կառուցվածքում, արտահանման ծավալի տարեկան անկումը կազմել է 4.7%, մինչև 642,1 մլրդ.դրամ ($ 1.3 մլրդ, ամսական անկումը՝ 4.7%), իսկ ներմուծման տարեկան անկումը կազմել է 26,2%, մինչև 1,4 տրլն դրամ ($ 2.97 մլրդ , նոյեմբերի անկումը՝ 7.9%): Միայն 2015-ի նոյեմբերին արտաքին առևտրի շրջանառությունը կազմել է 198 մլրդ դրամ ($ 412.7 մլն), մասնավորապես, արտահանումը կազմել է 58.5 մլրդ դրամ ($ 121.8 մլն), իսկ ներմուծումը՝ 139.5 մլրդ. Դրամ ($ 290.9 մլն): Մեկ տարի առաջ, 2014 թվականի հունվար-նոյեմբերին Հայաստանի արտաքին առևտրի շրջանառության տարեկան աճը կազմել էր 2.3% (ամսական անկումը՝ 10.1%), այդ թվում, արտահանման տարեկան աճը կազմել էր 2.7% (ամսական անկումը՝ 5% ), իսկ ներմուծման տարեկան աճը՝ 2.1% (ամսական անկումը՝11.8%):
ՀՀ դրամի միջին հաշվարկային փոխարժեքը ԱՄՆ դլարի նկատմամբ 2015 թվականի նոյեմբերին կազմել է 480.15 դրամ/դոլար, հունվար-նոյեմբերին՝477.46 դրամ/դոլար, 2014 թվականի նոյեմբերի 420.45 դրամ/դլարի և 2014-ի հունվար-նոյեմբերի 411.59 դրամ/դլարի համեմատ: