Հինգշաբթի, 4 Փետրվարի 2016 15:53

«Հրազդան-ցեմենտ» ընկերությունն ազատվել է 510 մլն.դրամի տույժերից

«Հրազդան-ցեմենտ» ընկերությունն ազատվել է 510 մլն.դրամի տույժերից

Արմինֆո. Կառավարությունը փետրվարի 4-ի նիստում  հավանությունը է տվել ««Հրազդան-ցեմենտ» ՓԲԸ-ին  հարկային և պարտադիր սոցիալական ապահովագրության վճարների գծով արտոնություններ տալու մասին» ՀՀ օրենքի նախագծին:

 

ՀՀ էկոնոմիկայի նախարար Կարեն Ճշմարիտյանը հաղորդել է, որ ընկերության ընդհանուր պարտքը կազմում է մոտ 1 մլրդ.դրամ, ընկերության հաշիվները սառեցված են, իսկ անշարժ գույքը գրավադրված է ՎՏԲ-Հայաստան Բանկում: «Որոշման ընդունումը հնարավորություն կտա հանել ընկերության հաշիվների և գույքի նկատմամբ արգելքները, իսկ բանկի կողմից հավանության արժանացած ծրագիրն իրականացնելու դեպքում` մարել պարտքերը, ստեղծել նոր աշխատատեղեր և շարունակել կատարել վարկային պարտավորությունները»,-նշել է նա: Ըստ նախարարի, ընկերության ֆինանսական վիճակը վատթարացավ ճգնաժամի տարիներին, երբ Հայստանում շինարարության տեմպերի իջեցման հետևանքով ընկերությունն աշխատում էր ոչ կայուն ռեժիմով և հաճախակի ընդհատումներով:

 

Նշենք, որ 2016 թվականի փետրվարի 1-ին ընկերության պարտքը կազմել է 933.3 մլն.դրամ: Ներկայումս ընկերությունն իրականացնում է արտադրության ընդլայնման ուղղությամբ աշխատանքներ: Ըստ ընկերության ծրագրի, անհրաժեշտ է ցեմենտի արտադրության տարեկան ծավալը հասցնել 200 հազար տոննայի (2014-ին` 23.3 հազար տոննա, 2015-ին` 80 հազար տոննա) և ստեղծել լրացուցիչ աշխատատեղեր: Ըստ կանխատեսումների, ծրագրի իրականացման դեպքում ընկերությունը կարող է պետբյուջեին հարկերի տեսքով վճարել 700 մլն.դրամ:

 

Ինչպես ավելի վաղ ԱրմԻնֆո գործակալությանը տեղեկացրել էր ձեռնարկության գլխավոր տնօրեն Նաիրա Մարտիրոսյանը, պարտքի այդ գումարից հարկերը կազմում են 141 մլն.դրամ, իսկ մնացած 367 մլն.դոլար կազմում են տուգանքներն ու տույժերը: «2008-2014 թվականներին ընկերոթյունը վճարել է 2.9 մլրդ.դրամի հարկեր, բայց շարունակվող ճգնաժամի, արտահանման պրոբլեմների և ներքին շինարարության անկման հետևանքով ընկերությունը կրում է վնասներ և չի կարողանում վճարել հարկերը»,-ասել է Մարտիրոսյանը:

 

Նշենք, որ «Հրազդան ցեմենտ» ընկերությունը (նախկինում` «Միկա ցեմենտ», ստեղծվել է «Հրազդանի ցեմենտի գործարանի» հիման վրա, որը շահագործման է հանձնվել 1970թ.–ին` որպես «Հրազդանի լեռնաքիմիական կոմբինատի» կառուցվածքային ստորաբաժանում։ Այն 1977 թ.–ին վերածվել էր «Հրազդանի ցեմենտի գործարանի»։ Ձեռնարկության արտադրությունն օգտագործվում էր Հայաստանում շինարարության` կարևոր նշանակություն ունեցող գրեթե բոլոր ոլորտներում և մեծ քանակությամբ արտահանվում էր Անդրկովկասի հանրապետություններ և Ռուսաստան։ 

90–ականների գործարանը գրեթե չէր աշխատում։ 2001թ.–ին այն սեփականաշնորհեց MIKA Armenia ընկերության նախագահ Միխայիլ Բաղդասարովը։ Նույն տարում գործարանը վերանվանվեց և կոչվեց «Միկա–Ցեմենտ» ՓԲԸ։ Ավելի ուշ գործարանը պարտքերի դիմաց փոխանցվել էր ՎՏԲ–Հայաստան բանկին։ Ցեմենտի գործարանը 2014թ.–ի հուլիսին վերսկսեց իր աշխատանքը` ՎՏԲ–Հայաստան բանկից ստացած վարկի շնորհիվ։ Գործարանում արտադրվում է պորտլանդցեմենտի մոտ 10 տեսակ։ Ձեռնարկությունը գտնվում է Հրազդան քաղաքում 540 հազար քառակուսի մետր մակերեսի վրա։ Գործարանն ունի երկու տեխնոլոգիական հոսքագիծ` տարեկան 1,2 մլն տոննա ցեմենտի և 1 մլն տոննա ցեմենտի կիսապատրաստուկի արտադրության նախագծային հզորությամբ։ (1 դոլարը` 473,05 դրամ) 


Նորություններ


Արտ. փոխարժեքները
26.01.2021
RUB6.86-0.02
USD518.26-0.10
EUR528.49-0.90
GBP707.79-0.81
CAD406.54-1.14
JPY49.940.00
CNY79.92-0.05
CHF582.84-1.23



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000