Արմինֆո. 2016 թվականին Հայաստանի Հանրային ծառայությունները կարգավորող հանձնաժողովը կստուգի էներգետիկ ոլորտի ընկերությունների ներդրումային ծրագրերի արդյունավետությունը: Այս մասին փետրվարի 25-ին ՀՀ խորհրդարանում, ներկայացնելով ՀԾԿՀ գործունեության 2016 թվականի ծրագիրը, հայտարարել է Հանձնաժողովի ղեկավար Ռոբերտ Նազարյանը:
Նրա խոսքով, ՀԾԿՀ-ն կքննարկի «Հայաստանի էլեկտրական ցանցեր», «Գազպրոմ Արմենիա» և «Միջազգային էներգետիկ կորպորացիա» ընկերությունների ներդրումայյին ծրագրերը, ինչպես նաև կամփոփի այդ կազմակերպությունների 2015 թվականի ներդրումային գործունեության արդյունքները: Հանձնաժողովը մտադիր է շարունակել այն ընկերությունների գնումների արդյունավետության ուսումասիրության աշխատանքները, որոնք գործում են Հանձնաժողովի կողմից վերահսկվող ոլորտներում` սակագների սահմանման առումով:
Հանձնաժողովը կշարունակի նաև այդ ոլորտի ընկերությունների կողմից մատուցվող ծառայությունների որակի վերահոսկողության աշխատանքները:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |