Արմինֆո.ՙArmenia՚ նոր ավիաընկերությունը թռիչքներ կսկսի ապրիլի 21-ից: Առաջին չվերթերը տեղի կունենան դեպի Թել Ավիվ և Մոսկվա: ՙԱվիաընկերությունը մեծ հավակնություններ ու ծրագրեր ունի: Թռիչքներ կիրականացնենք Ռուսաստանի տարբեր քաղաքներ, Թեհրան, Դուբայ, Պրահա, Թ ել Ավիվ, Կիև, Մինսկ, Բարսելոնա, Լառնակա և Լոնդոն՚,- այսօր մամուլի ասուլիսի ժամանակ հայտարարել է ավիաընկերության հիմնադիրներից մեկը՝ Թամազ Գաիաշվիլին: Նա խոստացել է մոտ ժամանակներս ոչ միայն ընդլայնել թռիչքների աշխարհագրությունը, այլ նաև գնային քաղաքականություն մշակելիս ղեկավարվել հայ սպառողի շահերով:
Ընկերության հիմնական բաժնետեր Ռոբերտ Հովհաննիսյանի խոսքով, ավիաընկերությունն արդեն գրանցված է և շահագործողի սերտիֆիկատ է ստացել 2 շաբաթ առաջ: Այժմ ընկերությունը մի շարք ուղղություններով լիցենզիաների ստացման հայտեր է ներկայացրել: Ավիաընկերությունը նախատեսում է հավաքագրել 200-300 աշխատակից, որից 60-ն արդեն ընտրվել է: Նրանք հիմնականում Հայաստանի քաղաքացիներ և ավելի վաղ գործող հայկական ավիաընկերությունների մասնագետներ են:
ՙՀիմնական ավիապարկը բաղկացած է Բոինգ-737-500, 737-700 և 737-800-ից: Ավիաընկերությունը կանոնավոր չվերթեր կսկսի լիզինգով վերցված երեք Boeing 737 ինքնաթիռով, իսկ տարեվերջին ավիապարկը կընդլայնվի մինչև 8 ինքնաթիռ՚,- ասել է Գաիաշվիլին: Նրա խոսքով, ավիապարկի ինքնաթիռների միջին տարիքը չի գերազանցի 15 տարին, իսկ տեխնիկական սպասարկում վերջիններս կանցնեն Գերմանիայի Lufthansa ավիաընկերությունում:
49 եվրոյով ավիատոմս գնել կարող են ոչ բոլորը, այն էլ՝ թռիչքից երկու ամիս առաջ և առանց վերադարձնելու հնարավորության, հայտնել է Գաիաշվիլին: Մնացած բոլոր դեպքերում այդ գումարին գումարվում են օդանավակայանային
վճարները /տուրքերը և հարկերը հաշվի առնելով՝ շուրջ 96 եվրո/: Ավիատոմսերի վերջնական արժեքն առնվազն 20-30% ավելի թանկ կլինի, քան Վրաստանում: ՙՀայաստանում ավելի թանկ է վառելիքը և շատ այլ բաներ՚,- պարզաբանել է Գաիաշվիլին:
ՙԱվիացիոն բիզնեսը բարդ բիզնես է, և Հայաստանի նման փոքր երկրում չի կարող գոյություն ունենալ 10 ավիաընկերություն՚,- հայտարարել է Գաիաշվիլին: Ակնարկելով, որ նոր ավիափոխադրողն արդեն որոշակի պայմանավորվածություն ունի ՙԶվարթնոց՚ օդանավակայանի հետ հնարավոր արտոնությունների վերաբերյալ՝ բաժնետերերը չեն հստակեցրել, թե հատկապես ինչ արտոնությունների մասին է խոսքը: Միաժամանակ Գաիաշվիլին հավաստիացրել է, որ տեղյակ չէ, թե ինչ պատճառներով են ձախողվել նախկին ավիաընկերությունները, սակայն հայտարարել է, որ ՙտեղական ավիաշուկան լավ ներուժ ունի, և 2-4 տարի անց ընկերության բաժնետոմսերը բորսայում դնելու և IPO դուրս գալու ծրագրեր կան՚:
Նշենք, որ ՀՀ ՔԱԳՎ տեղեկատվության համաձայն, ՙArmenia՚ ավիաընկերության հիմնադիրներն են՝ Աշոտ Թորոսյանը (բաժնետոմսերի 51%), Ռոբերտ Հովհաննիսյանը (25%) և Թամազ Գաիաշվիլին (24%): Թամազ Գաիաշվիլին վրացական ՙAirzena՚ ավիաընկերության հիմնադիրն է և ընկերության Տնօրենների խորհրդի նախկին նախագահը, իսկ Ռոբերտ Հովհաննիսյանը՝ նրա նախկին տեղակալը:
Հիշեցնենք, որ Հայաստանի ազգային ավիափոխադրող«Արմավիան՚ թռիչքները դադարեցրեց 2013 թվականի ապրիլի 1-ից` սկսելով սնանկության գործընթաց: 2014 թվականին նույնպիսի ճակատագրի արժանացավ «Էյր Արմենիան՚: 2015 թվականի օգոստոսին «Էյր Արմենիան՚ East Prospect Faund ներդրումային հիմնադրամից 68,6 մլն դոլար էր ստացել ավիաընկերության բաժնետոմսերի 49%-ի դիմաց: Նշենք նաև, որ 2013 թվականին Հայաստանի կառավարությունը հաստատել էր «Հայաստանում ավիափոխադրումների մրցակցային և տևական ծառայությունների տրամամդրումն ապահովելու ծրագիրը՚: 2015 թվականի օգոստոսին «Էըր Արմենիանե East Prospect Faund ներդրումային հիմնադրամից 68,6 մլն դոլար էր ստացել ավիաընկերության բաժնետոմսերի 49%-ի դիմաց: Նաև նշենք, որ 2013 թվականին «Արմավիայի՚ կազմալուծումից հետո Հայաստանի կառավարությունը հայտարարել էր «բաց երկնքի՚ քաղաքականություն, ինչը հանգեցրեց օտարերկրյա ավիաընկերությունների փախուստի հայկական շուկայից: Ավիատոմսերի բարձր գների պատճառով հայ ուղևորներից շատերը նախընտրում են օգտվել հարևան Վրաստանի ավիածառայություններից, որտեղ հաջողությամբ գործում են մի շարք եվրոպական լոուքոսթերներ: