Արմինֆո. ՀՀ կառավարությունը բանակցություններ է վարում Վերակառուցման և զարգացման եվրոպական բանկի հետ Գյումրի քաղաքի ենթակառուցվածքների արդիականացման նպատակով միջոցներ ներգրավելու շուրջ: Այդ մասին ԱԺ ամբիոնից հայտարարել է ՀՀ տարածքային կառավարման և զարգացման նախարար Դավիթ Լոքյանը:
Նրա խոսքով, ներգրավվելիք գումարը մատավորապես կկազմի 23,5 մլն եվրո, որի 33%-ը դրամաշնորհներ են, մնացածը՝ վարկեր: Նախարարը հայտնել է, որ վարկային միջոցները կներգրավվեն Libor+ փոփոխվող մարժա տոկոսադրույքով, ինչը կկազմի մոտ 0.13%: Նա նշել է, որ մոտավորապես մինչև ապրիլի 15-ը պարզ կդառնա այդ միջոցների հետ կապված իրավիճակը, իսկ բանակցային գործընթացն իրավական ապահովում կստանա 2016 թ. նոյեմբերի սկզբին:
Լոքյանն ընդգծել է նաև, որ քաղաքի ենթակառուցվածքային խնդիրների լուծումից բացի, կառավարութունը նաև Գյումրին զբոսաշրջային կենտրոն դարձնելու խնդիր է դնում: 2011-2014 թթ. քաղաքում նախագծերի իրականացման նպատակով պետական բյուջեից 2.350 մլրդ դրամ է ուղղվել, իսկ 2015 թվականին՝ 550 մլն դրամ: Բացի այդ, քաղաքի բյուջեով անցած տարի լրացուցիչ 440 մլն դրամ է ուղղվել:
RUB | 4.26 | -0.01 |
USD | 393.28 | -1.18 |
EUR | 424.11 | -1.51 |
GBP | 496.04 | -1.61 |
CAD | 290.22 | 0.11 |
JPY | 25.99 | -0.07 |
CNY | 54.47 | -0.10 |
CHF | 436.40 | 0.68 |