Արմինֆո. Հայաստան մատակարարվող ռուսական գազի գնագոյացման շուրջ բանակցությունների շրջանակում պետք է շահի նաև վերջնական սպառողը: Մարտի 18-ին մամուլի ասուլիսում այդպիսի կարծիք է հայտնել տնտեսագետ Վարդան Բոստանջյանը:
«Բազմաթիվ խոսակցություններ են եղել այն մասին, որ նույնիսկ Հայաստան գազի անվճար մատակարարման դեպքում սպառողը կվճարի հին սակագներով: Ես կարծում եմ, որ այսօրվա պայմանավորվածությունը, թող որ աննշան չափով, բայց որոշ դրական փոփոխություն կմտցնի սպառողի օգտին գազի արժեքի նվազման համատեքստումե, - ասել է տնտեսագետը, իր կարծիքը հիմնավորելով այն բանով, որ հակառակ դեպքում այդ հարցին այդպիսի հրապարակայնություն չէր հաղորդվի:
Հիշեցնենք, որ 2015 թ. Ռուսաստանը հաստատել էր սահմանին Հայաստանի համար գազի արտոնյալ գինը` 165 դոլար 1000 խմ դիմաց /գործող $189 փոխարեն/: Համապատասխան հայ-ռուսական արձանագրության նախագիծը հավանության էր արժանացել ՀՀ կառավարության օգոստոսի 18-ի նիստի ժամանակ: Սակայն, սպառողների վրա այդ էժանացումը չի անդրադարձել. նրանք շարունակում են վճարել հին սակագնով՝ 156 հազար դրամ կամ $318 ընթացիկ փոխարժեքով, իսկ խոշոր սպառողները (10 հազ. խմ և ավելի սպառողները/ վճարում են $277 1000 խմ դիմաց: Այդ ժամանակ էլ հաղորդվել էր, որ համաձայնագիրը կգործի մինչև 2015 թ. դեկտեմբերի 31-ը, ինչից հետո անհրաժեշտության դեպքում կստորագրվի նորը:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |