Արմինֆո. Forbes-ն իր հերթական համարում անդրադարձել է ամերիկահայ գործարար Նուբար Աֆեյանի գործունեությանը, ով 38 բարգավաճող ընկերություն է ստեղծել նորարարական մոտեցումների շնորհիվ:
«Մեկ հաջողված ընկերությունն արդեն իսկ լավ է: Այդ դեպքում ի՟նչ կարելի է ասել մի մարդու մասին, ով 38 նման ընկերություն է հիմնելե, - հարց է տալիս հանդեսը: Այնուհետև Forbes-ը ներկայացնում է հաջողակ գործարարի կենսագրությունը. «Նուբար Աֆեյանը ծնվել է Լիբանանում` հայկական ընտանիքում: Երբ 13 տարեկան էր, նրա ընտանիքը մեկնել է Կանադա: Այնտեղ նա հաճախել է դպրոց, հետո ուսանել է Մասաչուսեթսի տեխնոլոգիական ինստիտուտում: Այն ժամանակ դա Հյուսիսային Ամերիկայի միակ բուհն էր` կենսաքիմիական ինժեներիայի խորացված ծրագրով: 24 տարեկանում ավարտելով համալսարանը` Աֆեյանը որոշել է բացել առաջին ընկերությունըե:
Աֆեյանը 10 տարի ղեկավարել է PerSeptive Biosystems–ը` կենսաբանական գործիքներ արտադրող երկրորդ խոշորագույն ընկերությունը մինչև 1998 թվականը, երբ այն ձեռք բերեց Perkin Elmer/Applera Corporation–ը: Այդ տարիներին Աֆեյանը հասցրել էր հիմնել ևս 5 ընկերություն (միայնակ կամ գործընկերնեի հետ): Ինչպես նշվում է Ամերիկյան քաղաքականության ազգային հիմնադրամի (NFAP) Recent research վերջին հետազոտությունում, ներգաղթյալներից շատերը ձեռներեցի ակնհայտ հմտություններ ունեն: Նրանք են հիմնել ամերիկյան սթարթափերի կեսից ավելին ( 87-ից 44-ը )՝ 1 մլրդ կամ ավելի կապիտալի շրջանառությամբ, ու գլխավոր պաշտոններն են զբաղեցնում այդ ընկերությունների 70 տոկոսի կառավարման կամ զարգացման աշխատակազմում (87-ից 62), նշվում է հետազոտության մեջ: Այդ 62 ընկերություններից յուրաքանչյուրում միջին հաշվով 700 մարդ է աշխատում:
1999 թվականին Նուբարը, վերլուծելով իր սթարթափերի փորձը, մշակել է դրանց ստեղծման մեթոդ: Նա հիմնել է Flagship Ventures ընկերությունը, որը նոր ընկերություններ է ստեղծում իր բաժանմունքի միջոցով, նաև ներդրումներ անում կողմնակի սթարթափերի մեջ: VentureLabs-ը, որտեղ Աֆեյանը զբաղեցնում է գլխավոր կառավարող գործընկերոջ ու գործադիր տնօրենի պաշտոնը, հազվագյուտ մոտեցում է կիրառում: Այն սեփական հետազոտություններ է անցկացնում ու նոր ընկերություններ ստեղծում իր իսկ հաշվարկների հիման վրա: Flagship Ventures-ը եւ VentureLabs-ը ստեղծել են տասնյակ սթարթափեր, հիմնականում` բնական գիտությունների ու կայուն զարգացման ոլորտներում:
«Flagship Ventures-ում մենք շատ ենք աշխատում այն բանի վրա, որպեսզի բացահայտենք խնդիրները և լուծումներ առաջադրենք: Այդ լուծումները կարելի է օգտագործել նորարարությունների և,վերջապես, նոր մոտեցումների ու ընկերությունների ստեղծման համարե, - ասում է Աֆեյանը: Հիմա Աֆեյանի անունով ավելի քան 100 պատենտ կա: Moderna Therapeutics-ը, որի համահիմնադիրն ու խորհրդի նախագահը Նուբարն է, կարող է համարվել Flagship Ventures-ի ամենահաջող սթարթափը: 2009 թվականին հիմնված այդ ընկերությունն արդեն գնահատվում է 3 մլրդ դոլար: Այնտեղ ավելի քան 300 մարդ է աշխատում: