Արմինֆո.Արտաքին գործոնների նկատմամբ Հայաստանի խոցելիության պայմանավորվածության պատճառով Moody’s միջազգային վարկանիշային գործակալությունն իջեցրել է ՀՀ երկարաժամկետ թողարկողի ևառաջնային չապահովված պարտատոմսերի վարկանիշը Ba3-ից`B1: Միաժամանակ, վարկանիշի կանխատեսումը բացասականից դարձել է կայուն: Կայուն կանխատեսումն արտացոլում է Moody’s-ի սպասումները, որ Հայաստանի վարկունակության աճի ռիսկը հիմնականում հավասարակշռված է նոր, վարկանշային նսանդղակի ավելի ցածր`B1 մակարդակում: Միաժամանակ, Moody’s-ն իջեցրել է ՀՀ երկարաժամկետ արտարժութային ավանդների առաստաղը B1-ից` B2, իսկ տեղական արժույթով երկարաժամկետ պարտատոմսերի և ավանդների առաստաղը` Ba1-ից` Ba2: Բացի այդ, երկարաժամկետ և կարճաժամկետ արտարժութային պարտատոմսերի, ինչպես նաև կարճաժամկետ արտարժութային ավանդների առաստաղները մնացել են անփոփոխ`համապատասխանաբար Ba2/NP և NP մակարդակներում:
ԱրմԻնֆո գործակալության հետ զրույցում մեկնաբանելով վարկանիշի բարելավման հնարավորություններն ընթացիկ տարում, ՀՀ ֆինանսների նախարարության արտաքին և ներքին պետպարտքի կառավարման դեպարտամենտի ղեկավար Արշալույս Մարգարյանը նշել է. «Շանսերը հիմնականում կախված են այնպիսի առանցքային գործոններից, ինչպիսիք են` Ռուսաստանի նկատմամբ պատժամիջոցների մեղմումը կամ վերացումը, նավթի և հումքի գների փոփոխությունը դեպի աճի կողմը: Արտաքին միջավայրի ճշգրտումը դեպի բարելավման կողմը բարենպաստ կերպով կանդրադառնա Հայաստանի տնտեսական իրավիճակի վրա»:
Մարտի 18-ի իր հրապարակման մեջ Moody’s-ը նշում է Հայաստանի եվրաբոնդերի վարկանիշի իջեցման առանցքային գործոնները: Դրանք են, առաջին հերթին, Հայաստանի աճող խոցելիությունն արտաքին ռիսկերի նկատմամբ` կապված. ա) Ռուսաստանից փոխանցվող տրանսֆերտների կրճատմամբ, որը դեռ չի հասել իր նվազագույն ցուցանիշին; բ) օտարերկրյա ուղղակի ներդրումների ներհոսքի անորոշ հեռանկարները, ինչն աննախադեպ անկում էր գրանցել 2015-ին; գ) երկրի բարձր հակվածությունը` ազգային արժույթի և արտարժութային պահուստների վրա ճնշման նոր ալիքի նկատմամբ: Երկրորդը, ՀՀ ֆիսկալ և պետական պարտքի վատթարացող ցուցանիշները և այն սպասումները, թե կառավարության պարտք/ՀՆԱ հարաբերակցությունը 2017-ին կարող է անցնել 50%-ը` տնտեսական աճի կանխատեսվող մակարդակի դեպքում:
Moody’s-ի հիմնավորման մեջ նշվում է, որ Ռուսաստանը հանդիսանում է Հայաստանի խոշորագույն արտահանումային գործընկերը, ինչպես նաև համախառն դրամական փոխանցումների ներհոսքի աղբյուրը, նաև ՕՈւՆ գծով: Ռուսաստանում շարունակվող տնտեսական ճգնաժամը ոչ միայն ազդում է Հայաստանի արտահանման վրա: Նշվում է, որ Ռուսաստանից դրամական փոխանցումները 2014 թվականին դոլարային արտահայտությամբ կրճատվեցին 10%, իսկ դրամային արտահայտությամբ` 8.6%, արագացնելով անկումը մինչև 26% դոլարային արտահայտութամբ կամ 35.6%` դրամային արտահայտությամբ: Դրամական փոխանցումների աճը մյուս երկրներից, այդ թվում նաև ԱՄՆ-ից, չկարողացան փոխհատուցել Ռուսատսնինց ներհոսող դրամական փոխանցումների ծավալների անկումը: Արդյունքում, դեպի Հայաստան դրամական փոխանցումների ընդհանուր ներհոսքը 2015 թվականին դոլարային արտահայտությամբ նվազեց 23.5%, իսկ դրամային արտահայտությամբ` 12.1%: Չնայած դրան, դեպի Հայաստան դրաման փոխանցումների ծավալներում Ռուսատսանի մանսաբաժինը կազմում է 60% կամ երկրի ՀՆԱ-ի 9.5%-ը: Հաշվի առնելով Ռուսաստանում տիրող տնտեսական իրավիճակը, դեպի Հայաստան դրամական փոխանցումները 2016 թվականին, հավանաբար, կնվազեն, շարունակելով ճնշել մասնավոր սպառման վրա: ՕՈւՆ ծավալների անկումը նույնպես նշանակում է, որ կապիտալի համախառն ձևավորումը (համախառն ներքին ներդրումները) Հայաստանում կմնա թույլ, բացասականորեն ազդելով տնտեսության վրա առաջիկայում, զսպելով Հայստանի աճի միջնմաժամկետ ներուժը:
Համախառն կապիտալի ձևավորումը շարունակում է անկում ապրել երրորդ տարին անընդմեջ (2015-ի III եռամսյակում`13.2%), իսկ ՕՈՒՆ ներհոսքը նվազել է տարեկան առումով 80% դոլարային արտահայտությամբ: Միևնույն ժամանակ, Հայստանի համախառն արտաքին պարտքի մակարդակը մնում է բարձր մակարդակի վրա, պահպանելով երկրի խոցելիությունը հետագա արտաքին վատթարացման պայմաններում: Մինչ համախառն արտաքին պարտքի ՀՆԱ-ի հարաբերակցությունը գերազանցել 80%-ը 2015 թվականին (2015-ի III եռամսյակում): Հարաբերակցությունը համախառն արտաքին պարտքի և ընթացիկ հաշիվների միջև 2014-ին կազմել է մոտ 153%: Առաջիկա երկու տարիների ընթացքում, Moody 's տեսնում է հավանականությունը, որ Հայասրաի պարտքի բեռը կաճի:
Moody 's-ի մասնագետները կանխատեսում են, որ 2016 թվականին ՀՀ կառավարություն կբախվի «հանդիպակած քամիների», որոնք աստիճանաբար կնեղացնեն բյուջեի դեֆիցիտը: Սպասվում է նաև երկրի ՀՆԱ-ի իրական աճի դանդաղում, մինչև 2.2%: Արդյունքում, գործակալությւոնը գտնում է, որ Հայաստանի պարտքի հետագիծը 2017 թվականին կհատի ՀՆԱ-ի 50%-ի շեմը: Այսպիսով, անբարենպաստ հետևանքների և տնտեսական պոտենցիալ ցնցումների նկատմամբ Հայաստանի բարձր խոցելիությունը պահպանվում է: