Ուրբաթ, 1 Ապրիլի 2016 20:01
Ալինա Հովհաննիսյան

ՀՀ էկոնոմիկայի նախարարը և ՀՀ-ում ՉԺՀ դեսպանը քննարկել են մի շարք հայ-չինական ձեռնարկությունների ստեղծման հարցեր

ՀՀ էկոնոմիկայի նախարարը և ՀՀ-ում ՉԺՀ դեսպանը քննարկել են մի շարք հայ-չինական ձեռնարկությունների ստեղծման հարցեր

Արմինֆո. Ապրիլի 1-ին Էկոնոմիկայի նախարար Արծվիկ Մինասյանն ընդունել է Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Թիան Էրլունին և դեսպանության տնտեսական և կոմերցիոն հարցերով խորհրդական Շիցայ Վանին: 

Ինչպես ԱրմԻնֆո գործակալությանը տեղեկացվել է նախարարության մամուլի ծառայությունից, հանդիպմանը մասնակցել են էկոնոմիկայի նախարարի տեղակալ Գառնիկ Բադալյանը, արդյունաբերության զարգացման վարչության պետ Արմեն Եգանյանը, զբոսաշրջության զարգացման քաղաքականության վարչության պետ Մեխակ Ապրեսյանը, արտաքին կապերի կոորդինացման բաժնի պետ Հասմիկ Սարգսյանը:

Դեսպանը շնորհակալություն է հայտնել նախարարին հանդիպման համար, նշելով, որ արձանագրայինից բացի, սա նաև լավ հնարավորություն է գործնականում խոսելու երկուստեք հետաքրքրություն ներկայացնող հարցերի մասին:

Ողջունելով հյուրերին, Արծվիկ Մինասյանը բարձր է գնահատել հայ-չինական համագործակցությունը, նախարարության հետ իրականացվող աշխատանքները` կարևորելով Չինաստանի հետ առևտրատնտեսական կապերի զարգացման ու խորացման անհրաժեշտությունը, նաև նշելով, որ էկոնոմիկայի նախարարությունը բոլոր ջանքերը կգործադրի դրանց արդյունավետ իրականացման համար:

Անդրադառնալով 2015 թվականի դեկտեմբերին Պեկինում կայացած առևտրատնտեսական հարցերով հայ-չինական հանձնաժողովի աշխատանքներին, նախարարը նշել է, որ կոնկրետ պայմանավորվածություններ են ձեռք բերվել գործարար նախագծերի իրականացման ուղղությամբ և ժամանակն է դրանք կյանքի կոչելու: Մասնավորապես, անդրադարձ է եղել Հայաստանում պղնձաձուլարանի կառուցմանը, շինանյութերի արտադրության կազմակերպմանը, հայ-չինական համատեղ ընկերությունների ստեղծմանը: Դրանց իրականացման համար դեսպան Թիան Էրլունը նշել է նաև պետության պատրաստակամությունը` աջակցելու մասնավոր հատվածի ներգրավմանն այդ աշխատանքներին:

Անդրադառնալով Արծվիկ Մինասյանի դիտարկմանը ծրագրերի իրականացման արդյունավետության համար  Հայաստանում   չինարեն լեզվի ուսուցման կարևորությանը, դեսպանը հայտնել է, որ արդեն հունիսին կմեկնարկի չինարեն լեզվի խորացված ուսուցմամբ դպրոցի շինարարությունը:

Հանդիպման ընթացքում քննարկվել են նաև զբոսաշրջության ոլորտին վերաբերող հարցեր: Երկուստեք նշվել է, որ կա մեծ ներուժ այս ոլորտը ավելի բարձր մակարդակի հասցնելու համար:

Չինացիներին Հայաստանն ավելի ճանաչելի ու մեր երկրի գրավչությունն առավել հասանելի դարձնելու համար, էկոնոմիկայի նախարարը նշել է զբոսաշրջության ոլորտի չինական լրատվամիջոցների ներկայացուցիչների ճանաչողական այցի անհրաժեշտությունը մեր երկիր:

Իր հերթին դեսպան Էրլունը տեղեկացնել է Արծվիկ Մինասյանին ընթացիկ տարվա մայիսի կեսերին Չինաստանում կայանալիք տուրիզմի հարցերով խոշոր միջազգային կոնֆերանսի մասին` հավելելով, որ չինական կողմը ուրախ կլինի այդ միջոցառմանը ՀՀ էկոնոմիկայի նախարարին որպես պատվավոր հյուր տեսնելու:

Հանդիպման ավարտին կողմերը ևս մեկ անգամ վերահաստատել են բոլոր ուղղություններով հայ-չինական համագործակցության խորացման պատրաստակամությունն ու հանձնառությունը:

Ըստ ՀՀ Ազգային վիճակագրական ծառայության տվյալների, Հայաստանի և Չինաստանի միջև առևտրի շրջանառությունը 2015 թվականին կազմել է $ 481,3 մլն., տարեկան անկումը`18,1%, ընդ որում, արտահանման անկումը կազմել է 3,3%, մինչեւ $ 165,3 մլն., իսկ ներմուծման անկումը`24.2%, մինչև $ 316 մլն: 


Նորություններ


Արտ. փոխարժեքները
25.01.2021
RUB6.88-0.07
USD518.36-0.08
EUR629.39-1.71
GBP708.600.26
CAD407.68-0.64
JPY49.94-0.07
CNY79.97-0.26
CHF584.07-1.80



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000