Ուրբաթ, 10 Հունիսի 2016 18:16
Կարինա Մելիքյան

HSBC Բանկի Հայաստանի նոր գործադիր տնօրեն է նմշանակվել Փոլ Էդգարը

HSBC Բանկի Հայաստանի նոր գործադիր տնօրեն է նմշանակվել Փոլ Էդգարը

Արմինֆո. Էյչ-Էս-Բի-Սի-ն տեղեկացրել է, որ Փոլ Էդգարը նշանակվել է բանկի գլխավոր գործադիր տնօրենի պաշտոնակատար Հայաստանում՝ հաջորդելով Թիես Քլեմենցին: Վերջինս ղեկավար պաշտոն կզբաղեցնի Խմբի Առևտրավարկային ուղղության միջազգային հաճախորդների հետ հարաբերությունների վարչության առաջարկների մշակման թիմում:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, Փոլ Էդգարի նշանակումն ուժի մեջ կմտնի 2016 թվականի հուլիսի 11-ից հետո և ենթակա է օրենսդրությամբ սահմանված համապատասխան գրանցման:

Փոլ Էդգարն Էյչ-Էս-Բի-Սի-ում աշխատում է սկսած 1994 թվականից և միջազգային բանկային գործի ոլորտում հարուստ փորձ ունի: Նա զբաղեցրել է մի շարք պաշտոններ՝ ներառյալ առևտրավարկային դեպարտամենտի սեգմենտային տնօրեն Ավստրալիայում ու Հոնգ Կոնգում և Գործառնական բանկինգ դեպարտամենտի տարածաշրջանային տնօրեն Մերձավոր Արևելքում: Նշանակումներ է ունեցել նաև Ճապոնիայում, Սաուդյան Արաբիայում, Ինդոնեզիայում, Շրի Լանկայում և Լոնդոնում: Նա Հայաստան կժամանի Մավրիկիոսից՝ թողնելով առևտրավարկային դեպարտամենտում զբաղեցրած իր ներկայիս պաշտոնը:

«Ցանկանում եմ իմ խորին շնորհակալությունը հայտնել Թիեսին՝ այն զգալի ներդրման համար, որ նա ունեցել է մեր հայաստանյան բիզնեսի զարգացման գործում: Նա հաջողությամբ ղեկավարել է HSBC Հայաստանը մարտահրավերնելով լի միջավայրում` մշտապես ապահովելով լավ արդյունքներ ու կայուն  եկամտաբերություն: Նաև ուզում եմ ողջունել Փոլին, ով իր հետ բերում է ֆինանսական ծառայությունների ոլորտի 22 տարվա փորձ: Նա հստակ պատկերացում ունի HSBC բիզնեսի վերաբերյալ, ինչը կօգնի խթանել բիզնես համագործակցությունն ու զարգացումը,» մեկնաբանել է Էյչ-Էս-Բի-Սի Խմբի Եվրոպայի տարածարջանի միջազգային գլխավոր գործադիր տնօրեն Քրիս Դեյվիսը:

Նշենք, որ Բանկը հիմնադրվել է 1996թ-ին՝ որպես փակ բաժնետիրական ընկերություն «Midland Armenia Bank» ԲԸ անվանումով: 1999թ-ին վերանվանվել է «Էյչ-Էս-Բի-Սի Բանկ Հայաստան» ՓԲԸ-ի: Բանկը համատեղ ձեռնարկություն է, որի 70 տոկոսը պատկանում է HSBC Europe B.V. Խմբին, իսկ 30 տոկոսը` արտերկրի հայ գործարարներին` Wings Establishment-ին: Էյչ-Էս-Բի-Սի Հայաստանը սպասարկում է շուրջ 33,000 հաճախորդի Երևան քաղաքում գտնվող իր ինը գրասենյակների և մոտ 400 աշխատակիցների միջոցով: 2016 թ-ի մարտի 31-ի դրությամբ բանկի ակտիվները կազմել են 256.6 միլիարդ ՀՀ դրամ: Բանկը հանդիսանում է Հայաստանի արտարժույթի շուկայի առաջատարներից մեկը:

Հիշեցնենք, որ HSBC Հոլդինգի՝ HSBC Խմբի մայր ընկերության գլխամասը գտնվում է Լոնդոնում: Խումբը մատուցում է իր ծառայություններն ամբողջ աշխարհում՝ ունենալով ավելի քան 6,000 գրասենյակ 71 տարբեր երկրում՝ Եվրոպայում, Ասիայում, Հյուսիսային և Լատինական Ամերիկայում, ինչպես նաև Մերձավոր Արևելքում և Հյուսիսային Աֆրիկայում: HSBC-ն հանդիսանում է աշխարհի ամենախոշոր և հզոր ֆինանսական խմբերից մեկը, ում ակտիվները 2016 թվականի մարտի 31-ի դրությամբ հասնում են 2,596 միլիարդ ԱՄՆ դոլարի:


Նորություններ


Արտ. փոխարժեքները
22.10.2020
RUB6.420.01
USD494.31-0.06
EUR584.77-0.71
GBP647.001.65
CAD375.87-1.25
JPY47.190.06
CNY74.270.24
CHF544.93-1.58



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000