Արմինֆո. Հունիսի 17-ին Պետերբուրգի միջազգային տնտեսական համաժողովի շրջանակներում տեղի է ունեցել ԵՏՀ Կոլեգիայի նախագահ Տիգրան Սարգսյանի և Եգիպտոսի առևտրի և արդյունաբերության նախարար Թարեք Քաբիլի աշխատանքային հանդիպումը:
Հանդիպմանը մասնակցել է նաև Եվրասիական տնտեսական հանձնաժողովի առևտրի նախարար Վերոնիկա Նիկիշինան:
ԵՏՀ նախագահը խոսել է ԵՏՄ և Եգիպտոսի միջև ազատ առևտրի գոտու մասին համաձայնագրի կնքման նպատակահարմարության հարցի ուսումնասիրման համատեղ հետազոտական խմբի գործունեության մասին: Նա ընդգծել է, որ խմբի նպատակը Եգիպտոսի և ԵՏՄ միջև փոխշահավետ տնտեսական երկխոսության համար շփման եզրեր գտնելն է:
Թարեք Քաբիլն իր հերթին նշել է, որ Եգիպտոսը և ԵՏՄ-ն բախվում են նույն դժվարություններին, և անհրաժեշտ է կողմնորոշվել համագործակցության ձևաչափերի հարցում: Նախարարը նշել է ազատ առևտրի գոտու ձևաչափի հեռանկարայնությունը:
Եվրասիական տնտեսական հանձնաժողովը (ԵՏՀ) Եվրասիական տնտեսական միության մշտական գործող կարգավորող մարմինն է: Այն իր գործունեությունը սկսել է 2012 թվականի փետրվարի 2-ից: Եվրասիական տնտեսական հանձնաժողովի հիմնական կոչումը ԵԱՏՄ գործունեության և զարգացման պայմանների ապահովումն է, ինտեգրման հետագա զարգացման առաջարկների մշակումը: Ներկայումս ԵՏՀ կազմում ընդգրկված են հինգ երկրներ՝ Հայաստանի Հանրապետությունը, Բելառուսի Հանրապետությունը, Ղազախստանի Հանրապետությունը, Ղրղզստանի Հանրապետությունը և Ռուսաստանի Դաշնությունը:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |