Ուրբաթ, 26 Օգոստոսի 2016 11:53
Նաիրա Բադալյան

Ադրբեջանում Իրանի դեսպանը հերքում է ԻԻՀ-ից Հայաստանի տարածքով Վրաստան գազի արտահանման համաձայնագրի առկայության վերաբերյալ տեղեկատվությունը

Ադրբեջանում Իրանի դեսպանը հերքում է ԻԻՀ-ից Հայաստանի տարածքով Վրաստան գազի արտահանման համաձայնագրի առկայության վերաբերյալ տեղեկատվությունը

Արմինֆո. Ներկա դրությամբ Իրանից Վրաստան գազի արտահանման որևէ համաձայնագիր գոյություն չունի: Այդ մասին, ինչպես հայտնում է ՙBusiness Գրուզիա՚ թերթը, Trend-ին հայտարարել է

Ադրբեջանում Իրանի դեսպան Մոհսեն Փաք Այինը՝ մեկնաբանելով իրանական մի շարք ԶԼՄ-ների տեղեկատվությունը Հայաստանի տարածքով Վրաստան իրանական գազի մատակարարումների վերաբերյալ համաձայնագրի ստորագրման վերաբերյալ:

 

Դեսպանի խոսքով, ԶԼՄ-ներում այդ հարցին առնչվող ցանկացած տեղեկություն հենված չէ պաշտոնական հայտարարությունների վրա: Ավելի վաղ Վրաստանի էներգետիկայի փոխնախարար Մարիկա Վալիշվիլին Trend-ին հայտարարել էր, որ վրացական կառավարությունն իրանական գազի մատակարարումների վերաբերյալ պայմանագրեր չի կքնել:

 

Ներկայումս Ադրբեջանը Վրաստան գազի հիմնական մատակարարն է: Ռուսաստանից Վրաստանը ստանում է ռուսական գազի Հայաստան մատակարարումների ընդհանուր ծավալի 10 տոկոսը՝ որպես տարանցման վճար:

 

Ավելի վաղ իրանական լրատվամիջոցները հայտնել էին, որ Իրանը փորձնական համաձայնագիր է կնքել Հայաստանի տարածքով Վարստան գազի արտահանման շուրջ: Այդ մասին հաղորդել էր Իրանի նավթի նախարար Բիջան Զանգանեն` ամփոփելով Հայաստանի էներգետիկայի և բնական պաշարների նախարար Լևոն Յոլյանի հետ հանդիպման արդյունքները: Ինչպես նշել էր նախարարը, ԻԻՀ ծրագրում է ավելացնել Հայաստան բնական գազի արտահանումը մինչև 2019 թիվը` օրական 1 մլն խմ-ից մինչև 3 մլն խմ: «Իհրակե, Հայաստանը մեծ սպառող չէ, - նշել է նախարարը, - սակայն կարող է կարևոր ճանապարհ բացել Իրանից գազի արտահանման համար՚: Հաղորդվել էր, որ Հայաստանի տարածքով դեպի Վրաստան գազի փորձնական արտահանումն Իրանը մտադիր է իրականացնել առաջիկա ամիսներին ընթացքում, և արդեն հիմնական համաձայնագիր կա Իրանի և Վրաստանի միջև` Հայաստանի տարածքով գազի փոխադրման շուրջ:

 

Նշենք, որ օգոստոսի 4-ին ՀՀ կառավարությունը որոշեց ստեղծել «Էներգաիմպեքս՚ ՓԲԸ-ն, որը կզբաղվի իրանական գազի գնումներով: Հիշեցնենք, որ Իրան - Հայաստան գազատարի հզորությունը կազմում է տարեկան 2,3 մլրդ խորանարդ մետր: Իրանը Հայաստանին գազ է մատակարարում ջերմային էլեկտրակայանների համար: 2004 թ. ՀՀ կառավարությունը նախաձեռնեց «Իրան - Հայաստանե գազատարի շինարարությունը: 113 կմ երկարությամբ գազատարը բացվեց 2007 թվականին: Համաձայնագրով նախատեսվում է, որ 20 տարվա ընթացքում Իրանը Հայաստանին կմատակարարի 36 մլրդ խորանարդ մետր բնական գազ, պայմանագրի գործողության ժամկետը 5 տարի երկարացման և մատակարարումների ընդհանուր ծավալը մինչև 47 մլրդ.խոր.մետր ավելացման հնարավորությունով:

 

Ներկայումս Իրանը Հայաստանին տարեկան մատակարարում է մոտ 370 մլն խորանարդ մետր գազ, իսկ հետագայում, Երևանի և Վանաձորի ՋԷԿ-երի երկու նոր բլոկների շահագործման հանձնելուց հետո, մատակարարման ծավալները կարող են աճել մինչև 1.2 մլրդ խորանարդ մետր:


Նորություններ


Արտ. փոխարժեքները
27.11.2020
RUB6.70-0.02
USD508.210.09
EUR605.941.12
GBP678.82-0.08
CAD391.020.46
JPY48.860.12
CNY77.290.04
CHF560.511.40



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000