Արմինֆո. Վարչապետ Հովիկ Աբրահամյանի գլխավորությամբ կառավարությունում այսօր տեղի է ունեցել խորհրդակցություն, որի ընթացքում քննարկվել են Հարկային նոր օրենսգրքի նախագծի վերաբերյալ առաջարկությունները՝ ներկայացված Ազգային ժողովի պատգամավորների, քաղաքացիական հասարակության և միջազգային կառույցների ներկայացուցիչների կողմից:
Ինչպես ԱրմԻնֆո գործակալությանը տեղեկացվել է ՀՀ կառավարության մամուլի ծառայությունից, մասնավորապես, անդրադարձ է արվել նախագծի մի շարք դրույթների մասով ստացված առաջարկություններին, մտքերի փոխանակության ընթացքում քննարկվել են դրանց առնչությամբ շահագրգիռ գերատեսչությունների կարծիքներն ու դիտողությունները:
Վարչապետ Աբրահամյանը հանձնարարել է ամփոփել լրացուցիչ ուսումնասիրության ենթակա հարցերի շուրջ քննարկումները և վերջնական արդյունքները ներկայացնել կառավարություն:
Հիշեցնենք, որ հունիսի 15-ին Հայաստանի Ազգային ժողովն առաջին ընթերցմամբ ընդունեց Հարկային օրենսգրքի նախագծի նախագիծը: Ներկայացնելով օրինագիծը, ՀՀ ՊԵԿ փոխնախագահ Վախտանգ Միրումյանը նշել էր, որ երկարատև քննարկումներից հետո նախագիծը վերանայվել է նախնական սկզբունքների հիման վրա և փաստաթուղթը պետք է ապահովի տնտեսության շարունակական աճ, չկենտրոնանալով կարճաժամկետ հաջողությունների վրա: Օրինագիծը կոչված է ապահովել տնտեսության երկարաժամկետ աճ, շեշտադրումներ չանելով կարճաժամկետ արդյունքների վրա: Երրորդ երկրներից արտադրական նշանակության սարքավորումներ ներմուծելիս ԱԱՀ-ն 10 օրում վճարվում է ոչ թե մաքսային ծառայություններին, այլ հարկային մարմիններին, մինչև հաջորդ ամսի 20-ը: Ոչ միայն արտահանողներն են ստացել ստանալ ԱԱՀ, որը վճարվել է մատակարարի կողմից, այլ նաև այն գործարարները, որոնք ներդրումներ են կատարել տնտեսությունում, բայց մեծ ծավալների պատճառով հնարավորություն չեն ունեցել օգտագործել ԱԱՀ-ն, որը վճարել են իրենց մատակարարներին: Այսինքն, նրանց կվերադարձվի ԱԱՀ-ն` 6 ամիսների հաշվարկով, որպեսզի նրանք կարողանան այդ միջոցներն օգտագործել: «Մյուս միջոցառումը ենթադրում է ԱԱՀ վճարման հետաձգում, մասնավորապես, տնտեսության համար անհրաժեշտ արտադրական մեխանիզմների և որոշ տեսակի հումքերի համար: Երկրում մեծ նշանակություն է տրվում նաև վերամշակման գործընթացի զարգացմանը, և այն գործարարները, որոնք Հայաստանում կիրականացնեն վերամշակման գործունեություն և կկազմակերպեն Հայաստանից արտահանում, ապա նրանցից ԱԱՀ-ն սահմանի վրա չի գանձվի, իսկ հետո կվերադարձվի, որպեսզի նրանց հնարավորություն տրվի օգտագործել այդ միջոցները`ժամանակային առումով: Բացի այդ, նշված միջոցառումը դուրս կհանվի Հարկային օրենսգրքից, որպեսզի կիրառվի օրենսգրքի ընդունումից ավելի շուտ: Ըստ Միրումյանի, ԱԱՀ հարցում կառավարությունը ենթադրում է ազատականացման համակարգի ներդրում, ինչը երկար տարիներ հետաձգվում էր: Այդ համակարգը կկիրառվի նաև շահութահարկի վրա: Հաջորդ սկզբունքը վերաբերվում է բյուջետային եկամուտների կայունության կարևորությանը, երկարաժամկետության տեսանկյունից: Ըստ Միրումյանի, այստեղ հիմնական ուղղությունն ակցիզային հարկերն են: Նախատեսվում է, որ 2017-2021 թվականներին կվերանայվեն ծխախոտի, օղու, որոշ տեսակի վառելիքների արտադրության ակցիզային սակագները: Ծխախոտի և օղու հարկային սակագները կհամապատասխանեն ԵԱՀԿ մյուս երկրներում գործող ստանդարտներին, մանավանդ, որ նույնիսկ 2021 թվականին, նրա կարծիքով, Հայաստանում հարկային տոկոոսադրույքները 20% ցածր կլինեն, քան այդ երկրներում: «Հարկային օրենսգրքի շրջանակներում սկզբունքային է եղել նաև հարկման այլընտրանքային մեթոդների կիրառումը, որով Հայաստանն առաջին տեղն է զբաղեցնում աշխարհում, ինչն արմատապես շեղում է համակարգը և ցուցադրում անբարեխիղճ մոտեցումներ: Վերանայվել են նաև այն մոտեցումները, որոնցով բիզնեսի 90%-ը պարզապես չի կարող գոյություն ունենալ երկարաժամկետ հեռանկարում` այլընտրանքային հարկման շրջանակներում: Փոքր բիզնեսը կօգտվի այն առավելություններից, որը նրան ընձեռում է համակարգը: Մեծ նշանակություն կտրվի նաև հարկային կարգապահությանը, իսկ մյուս կողմից, միջազգային փորձի կիրառմանը, ինչը նշանակում է սպասարկման նոր մակարդակ, նոր որակ, ինչպես նաև ծառայողի և հաճախորդի միջև շփումների առավելագույնս սահմանափակում: Ըստ Միրումյանի, բոլոր սկզբունքներն ուղղված են բիզնեսի կայունության և կանխատեսելիության ապահովմանը, ինչն սկզբունքային հարցերից է: