Չորեքշաբթի, 28 Սեպտեմբերի 2016 12:48
Կարինա Մելիքյան

Վարչապետի հորդորը բանկիրներին. Գործնական լուծումներ առաջարկելու ժամանակն է

Վարչապետի հորդորը բանկիրներին. Գործնական լուծումներ առաջարկելու ժամանակն է

Արմինֆո. Վարչապետ Կարեն Կարապետյանի գլխավորությամբ և բանկային համակարգի ներկայացուցիչների մասնակցությամբ կառավարությունում տեղի է ունեցել խորհրդակցություն, որի ընթացքում քննարկվել են երկրի տնտեսությւոնում լրացուցիչ վարկային ներդրումների հնարավորությունները:

 

Ինչպես ԱրմԻնֆո-ին հաղորդեցին կառավարության տեղեկատվության և հասարակայնության հետ կապերի վարչությունից, վարչապետը կարևորել է ոլորտի ներկայացուցիչների հետ հանդիպումը և ընդգծել, որ ակնկալում է գործնական, նաև ոչ ստանդարտ լուծումներ պարունակող առաջարկություններ, որոնց իրականացումը նոր թափ կհաղորդի բիզնես միջավայրի բարելավմանը և ներդրումների ներգրավմանը: «Մեր նպատակն է լսել խնդիրները, մարտահրավերները և սպասումները, որոնք ֆինանսական ու տնտեսական համակարգն ակնկալում է կառավարությունից: Մեր նպատակն է, որպեսզի բիզնեսը «շնչի», այդ տեսանկյունից ես ակնկալում եմ, որ դուք առաջարկներ ներկայացնեք, նշելով, թե ինչ կոնկրետ միջոցառումներ պետք է իրականացվեն՝ տնտեսության համար լրացուցիչ վարկավորում ապահովելու նպատակով: Գործնական լուծումներ առաջարկելու ժամանակն է»,- նշել է Կարեն Կարապետյանը:

 

Իր հերթին, վարչապետն առաջարկել է բանկային համակարգի ներկայացուցիչներին՝ մշակել համապատասխան մեխանիզմներ բանկերում առկա ակտիվների միջոցով վարկավորելու փոքր և միջին բիզնեսը, այդպիսով նպաստելով տնտեսության տարբեր ճյուղերի ակտիվացմանը:

 

ՀՀ կենտրոնական բանկի նախագահ Արթուր Ջավադյանը ներկայացրել է դրամավարկային քաղաքականությունը, տնտեսության վարկավորման հետ կապված ընդհանուր իրավիճակը:

 

Ամփոփելով խորհրդակցությունը՝ վարչապետ Կարապետյանը հանձնարարել է կառավարության ֆինանսատնտեսական բլոկը ներկայացնող նախարարներին քննարկել ներկայացված առաջարկությունները և բանկային համակարգի ներկայացուցիչների հետ շարունակել համատեղ աշխատանքը՝ բարձրացված խնդիրների լուծման և տնտեսության առանձին ոլորտներում տարբեր ծրագրերի իրականացման ուղղությամբ:

 

ԱրմԻնֆո ԼԳ պատրաստած «Հայաստանի բանկերի ֆինանսական վարկանիշի» տվյալներով, այսօր Հայաստանում գործում է 19 բանկ, որոնց միագումար ընդհանուր կապիտալը 2016 թվականի հուլիսի 1-ի դրությամբ կազմում է 582.6 մլրդ դրամ: Նույն օրվա դրությամբ բանկային համակարգի ակտիվները կազմում են 3.5 տրլն դրամ, որի 67,6% կամ 2.4 տրլն դրամ բաժին է ընկնում վարկային ներդրումներին: Տնտեսության վարկավորման ծավալը կազմում է 1.5 տրլն դրամ` վերջին հինգ տարում տարեկան աճի 42%-ից մինչև 12% դանդաղմամբ: Վարկային պորտֆելի կառուցվածքում ՓՄՁ ոլորտի փոխատվությունների բաժինը շուրջ 27% է կամ 605 մլրդ դրամ` 12% տարեկան աճով: Վարկավորորումից ստացվող եկամուտներն աճել են տարեկան ընդամենը 4%-ով` ավանդների գծով ծախսերի գրեթե 20% աճի պայմաններում: Ժամկետանց վարկերի բաժինը վարկային պորտֆելում արդեն գերազանցում է 13%-ը` 10-15% միջազգային ծայրահեղ սահմանի դեպքում, իսկ NPL բացարձակ մեծությունն աճել է տարեկան 37%-ով, կուտակվելով, հիմնականում, առևտրի հատվածում,  արդյունաբերությունում, ագրարային հատվածում և շինարարության ոլորտում: 2016 թվականի առաջին կիսամյակը բանկային համակարգն ավարտել է 12.4 մլրդ դրամ շահույթով, որից 9.3 մլրդ դրամ ապահովվել է երկրորդ եռամսյակում:


Նորություններ


Արտ. փոխարժեքները
20.10.2020
RUB6.33-0.01
USD493.330.93
EUR582.433.52
GBP639.50-0.77
CAD374.530.85
JPY46.73-0.01
CNY73.710.23
CHF543.373.34



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000