Երեթշաբթի, 18 Հոկտեմբերի 2016 13:32
Կարինա Մելիքյան

Հայաստանի բանկային համակարգի կապիտալացումը դրականորեն կանդրադառնա տնտեսական աճի տեմպերի վրա

Հայաստանի բանկային համակարգի կապիտալացումը դրականորեն կանդրադառնա տնտեսական աճի տեմպերի վրա

Արմինֆո. Հայաստանի բանկային համակարգի խոշորացումով և կապիտալացումով 2017 թվականին դրական փոփոխություններ են սպասվում հաճախորդներին: Աճող մրցակցային պայքարում բանկերն ստիպված կլինեն գնալ տոկոսադրույքների իջեցման և սպասարկման որակի բարձրացման: ԱրմԻնֆո գործակալության հետ զրույցում նման կանխատեսում է արել Կոնվերս Բանկի գործադիր տնօրենի տեղակալ Վահան Դալյանը, ուշադրություն հրավիրելով այն հանգամանքին, որ շահութաբերությունն ընդունելի մակարդակում պահպանելու համար բանկերը պետք է ձեռնարկեն արդյունավետության բարելավմանն ուղղված միջոցներ, որոնցից են`ծախսերի կրճատումը, նոր տեխնոլոգիաների և գործիքների ներդրումը և այլն: Հակառակ պարագայում, եթե ROE-ն լինի ավանդային տոկոսադրույքներից ցածր, բանկի սեփականատերերի տեսանկյունից ավելի ձեռնտու կլինի միջոցները տեղաբաշխել ավանդներում կամ պետական պարտատոմսերում, քան դրանք ներդնել բանկային կապիտալում:

«Բանկային համակարգի կապիտալացումը կարող է դրականորեն անդրադառնալ երկրի տնտեսության աճի տեմպերի վրա և նպաստել իշխանությունների կողմից կանխատեսված 2.5-3.5% տնտեսական աճի ապահովմանը: Բայց դա այն պարագայում, եթե իրականացվի համարժեք տնտեսական քաղաքականություն, ինչպես նաև հիմնական գործընկեր երկրներում դիտվի դրական դինամիկա: Հակառակ պարագայում, բանկերում կուտակված և տնտեսության իրական հատվածի վարկավորմանն ուղղված ավելորդ իրացվելիությունը չի բերի դրական տեղաշարժերի տնտեսությունում, այլ, պարզապես, կավելացնի հաճախորդի վարկային բեռը, ինչի ականատեսն ենք վերջին տարիներին»,- նշել է Վ.Դալյանը: Նրա խոսքով, Հայաստանի առևտրային բանկերի միագումար վարկային պորտֆելը դոլարային արտահայտությամբ 2008-2015 թվականներին 2.07 մլրդ.դոլարից ավելացել է մինչև 4.38 մլրդ.դոլար, իսկ երկրի ՀՆԱ-ն 11.6 մլրդ.դոլարից նվազել է մինչև 10.56 մլրդ.դոլար: Արդյունքում, վարկեր/ՀՆԱ հարաբերակցությունն  այդ ժամանակահատվածքում 17.8%-ից աճել է մինչև 41.5%, ինչը տնտեսության բացասական միտումների դեպքում կբերի բանկերի վարկային պորտֆելների որակի վատթարացման:

Նշենք, որ ՀՀ Կենտրոնական բանկը Հայստանի բանկերի հիմնական կապիտալի նվազագույն չափը 2017 թվականից սահմանել է 30 մլրդ.դրամ, ներկայիս 5 մլրդ.դրամի փոխարեն: Ներկայումս Հայաստանում գործում է 18 բանկ, այն բանից հետո, երբ վերջին տարում շուկան լքեց 3 բանկ, մասնավորապես, ԲՏԱ Բանկը միացավ Հայէկոնոմբանկին, իսկ ՊրոԿրեդիտ Բանկը`ԻՆԵԿՈԲԱՆԿԻՆ, իսկ 2016 թվականի սկզբին Արդշինբանկը ռուսաստանյան Գազպրոմբանկից գնեց նրա հայկական դուստր բանկը` Առէկսիմբանկ Գազպրոմբանկի խումբ ՓԲԸ-ն:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, Հայաստանի բանկային համակարգի ընդհանուր կապիտալը 2015 թվականից մինչև 2016 թվականի հուլիսի 1-ը $ 1.03 մլրդ-ից աճել է մինչև $ 1.2 մլրդ, ընդ որում, այդ ժամանակահատվածում կապիտալացվել են 10 բանկեր, որոնցից երկուսը`թե 2015-ին, և թե 2016-ին: 2017 թվականից սահմանված ընդհանուր կապիտալի նորմատիվը ոհւլիսի 1-ի դրությամբ կատարել են ընդամենը 7 բանկեր - 32-60.3 մլրդ դրամ ($ 126.4 մլն - 67.2 մլն.) միջակայքում: Բանկային համակարգի վարկային պորտֆելը հուլիսի 1-ին հասել է $ 4,9 մլրդ-ի, ակտիվները`$ 7,3 մլրդ-ի, տարեկան աճը համապատասխանաբար կազմել է`12.3% և 9%, 2 տարի առաջ գրանցված` 23% և 16% փոխարեն: Բանկերի ընդհանուր զուտ շահույթը վերջին երկու տարիների ընթացքում նվազել է 30%, հուլիսի 1-ին կազմելով 12.4 մլրդ դրամ ($ 26 մլն), հիմնականում NPL-ի բացարձաի արժեքի կրկնակի աճի հետևանքով, որի մասնաբաժինը վարկային պորտֆելում 8% -ից աճել է մինչև 13%:


Նորություններ


Արտ. փոխարժեքները
15.01.2021
RUB7.13-0.03
USD522.53-2.92
EUR634.35-4.97
GBP712.78-4.62
CAD411.77-2.95
JPY50.41-0.12
CNY80.85-0.31
CHF588.83-3.49



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000