Արմինֆո. Կապանի լեռնա-հարստացուցիչ ֆաբրիկայի բեռնվածության բարձրացումը կկատարվի 2 փուլով, ասված է «Պոլիմետալ» ընկերության հաղորդագրության մեջ, որը 2016 թվականին գնել է Կապանի հանքավայրը:
Ըստ աղբյուրի, 2017 թվականի երկրորդ կեսին ընկերությունը մտադիր է արդյունահանման մակարդակը հասցնել տարեկան 650 հազար տոննա հանքանյութի, իսկ մինչև 2018-ի երկրորդ կիսամյակը` մինչև 900 հազար տոննա հանքանյութի, Լիճքվազի հանքավայրի հետ միասին: Հայկական ակտիվի ձեռքբերման մեջ ընկերությունը տեսնում է մի շարք հեռանկարներ`արտադրական սիներգիա Լիչքվազի հանքավայրի հետ, ստորգետնյա լեռնային ապառների նեղ տեղերի վերացում և հարստացուցիչ ֆաբրիկայի բեռնվածության բարձրացում, ծախսերի օպտիմալացում «Պոլիմետալի» ունեցած փորձի հաշվին, հզոր արտադրական հարթակի ստեղծում, որը թույլ կտա դիտարկել նաև Հայաստանի մյուս նախագծերը:
Հանքավայրը ներառում է ամբողջովին մեխանիզացված ստորգետնյա հանքավայրը` տարեկան մոտ 400 հազար տոննա արտադրողականությամբ, ֆլոտացիոն հարստացուցիչ ֆաբրիկան` տարեկան մոտ 750 հազար տոննա արտադրողականությամբ, ինչպես նաև ենթակառուցվածքային օբյեկտները: Ձեռնարկությունն արտադրում է ոսկու-պղնձի-արծաթի և ցինկի խտանյութեր` արտահանման նպատակով: Վերջին 5 տարիներին նախորդ սեփականատերը ներդրել է ավելի քան 75 մլն.դոլար:
Կապանը գտնվում է Հայաստանի հարավում, Երևանից 320 կմ հեռավորության վրա: Կապանի շրջակայքում կան նաև այլ հեռանկարային հանքավայրեր, այդ թվում Լիճքվազ հանքավայրը, որը վերջերս ձեռք բերեց Polymetal-ը և Կապանից գտնվում է 70 կմ հեռավորության վրա:
2016 թվականին Պոլիմետալը նախատեսում է Լիչքվազում իրականացնել լրացուցիչ հորատումներ: Նպատակը – հանքավայրի պաշարների գնահատման եզրակացությունն է 2017 թվականին` համաձայն JORC Օրենսգրքի և Կապանի ու Լիճքվազի համար շահագործման կոմբինացված պլանի:
«Կապանի հաջող ինտեգրումը մեր զարգացման միջնաժամկետ պլանի կարևոր փուլն է»,-հայտարարել է Պոլիմետալ ընկերությունների խմբի գլխավոր գործադիր տնօրեն Վիտալի Նեսիսը:
Ինչպես ավելի վաղ հաղորդել էր ԱրմԻնֆո գործակալությունը, Polymetal Int-ը (միավորում է «Պոլիմետալ» ԲԲ ակտիվները) ավարտել է Լիճքվազ նախագծի հանքային պաշարների աուդիտը – ըստ JORC-ի, որոնք կազմում են 600 հազար ուցիա (18.7 տոննա) ոսկուն համարժեք: Լիճքվազի հանքավայրը պարունակում է 4.3 մլն. տոննա հանքանյութ, 4.2 գրամ/տոննա միջին պարունակությամբ: Հանքավայրի պաշարները հաստատվել են CSA Global անկախ աուդիտորական ընկերության կողմից: 2016 թվականին Պոլիմետալը նախատեսում է Լիճքվազում կատարել զգալի ծավալով լրացուցիչ հորատումներ, որպեսզի 2017-ի երրորդ եռամսյակում գնահատի հանքաքվայրի պաշարներն`ըստ JORC-ի և պատրաստի Կապանի և Լիճքվազի նախագծերի շահագործման համակցված պլանը: Պոլիմետալը նախատեսում է հանքանյութն արդյունահանել և վերամշակման նպատակով տեղափոխել Կապանի հարստացուցիչ ֆաբրիկա: Ձեռքբերման գործարքը փակվել է 2016 թվականի ապրիլի 28-ին:
Սյունիքի մարզի Մեղրի քաղաքի մոտ գտնվող Լիճքվազ հանքավայրը Երևանից 380 կմ դեպի հարավ է։ Այդ տարածաշրջանն ունի զարգացած ենթակառուցվածք (հոսանք, ջուր, կացարան) և որակյալ աշխատուժի հասանելիություն։ Հանքավայրի պատմական գնահատականի համաձայն` առաջարկվող ռեսուրսները կազմում են 2,4 մլն տոննա հանքաքար 6.9 գ/տ պարունակությամբ, ինչը համապատասխանում է մոտ ոսկու 0.6 մլն ունցիայի, որը համարժեք է 18.7 տոննային: «Մենք շատ գոհ ենք հետախուզական աշխատանքների արդյունքներից, դա կարեւոր ներդրում է արտադրության ընդլայնմանը, որը տեղակայված է Կապանի մոտակայքում, - հայտարարել է ընկերության գլխավոր գործադիր տնօրեն Վիտալի Նեսիսը: - Լիճքվազ ցույց է տալիս կայուն բարձր պարունակություն և համեմատաբար պարզ երկրաբանություն, միևնույն ժամանակ պահպանելով հետագա հետախուզական աշխատանք զգալի ներուժը»:
Polymetal International plc-ը, որը Ռուսաստանի ոսկի արտադրող երկրորդ ընկերությունն է, 2015 թվականի արդյունքներով ոսկու արտադրությունը նավզեցրել է 9%, մինչև 861 հազար ունցիա (26.78 տոննա), արծաթին աճել է 12%, մինչև 32.1 մլն ունցիա: Մետաղների ընդհանուր արտադրությունը կազմել է 1.267 մլն ունցիա ոսկուն համարժեք, ինջը 3% զիջում է 2014 թվականի ցուցանիշին:
Ավելի վաղ հաղորդվել էր, որ Ջերսի կղզում գրանցված Polymetal International plc ընկերությունը հանքերի արդյունահանում և հետախուզոիմ է իրականացնում Ռուսատանի 4 մարզերում` Մագադանում, Սվերդլովսկում, Խաբարովսկում և Չուկոտկայում, ինչպես նաև Ղազախստանում: Ալեքսանդր Նեսիսի «ԻՍՏ» խումբը հանդիսանում է ընկերության վերջնական շահառուն, 19.8% բաժնետիրական կապիտալով: Ընկերության կապիտալի 18.5%-ը պատկանում է չեխական PPF Group NV ընկերությանը, մոտ 10.1%-ը` Ալեքսանդր Մամուտին: Բացի այդ, կապիտալի մոտ 1% վերահսկում է ընկերության մենեջմենտը, իսկ մնացած 50%-ը գտնվում է ազատ շրջանառությնա մեջ:
Նշենք, որ համաձայն լեռնա-երկրաբանական պայմանների, Լիճքվազ-փեյի հանքավայրի շահագործումը նախատեսվում է ստորգետնյա եղանակով, մոտ 150-200 հազար տոննա հանքաքարի տարեկան արտադրությամբ: Նման պայմաններում նախագիծը կարող է գործել 10-15 տարի, կախված հանքավայրի պահուստներից և լրացուցիչ ներդրումներից:
Հիշեցնենք, որ անցյալ դարի 90-ական թվականյներին Լիճքվազ-թեյի հանքավայրը պատկանում էր Iberian Resources ընկերությանը: 2008 թվականին ավստրալական Tamaya Resources ընկերության տնօրենների խորհուրդը, որին պատկանում է Iberian Resources ընկերության բաժնետոմսերի 82.6%-ը, հայտարարեց նախագիծը կոնսերվացնելու մասին: Ընկերության գնահատականով, ամորտիզացիոն ծախսերը Հայաստանում ավելի բարձր են, իսկ ոսկու պահուստները`ցածր են սպասվածից: Դրա համար էլ ընկերությունը որոշեց հետաձգել աշխատանքները Լիճքվազ-թեյի հանքավայրում, որը նախկինում համարվում էր հեռանկարային: Ըստ Iberian Resources ընկերության նախնական գնահատականների, ոսկու պահուստները հանքավայրում կազմում են 17 տոնա: Նշվում է, որ հանքավայրի միներալիզացումն սպասվածից բարդ դուրս եկավ, իսկ ավելի էժան արտադրական ցիկլի կազմակերպմանն ուղղված աշխատանքները հաջողությամբ չավարտվեցին: Tamaya Resources ընկերությունը որոշեց փակել իր ներդրումային գործունեությունը Հայաստանում և լրացուցիչ ռեսուրսներ այլևս չներդնել, քանի որ այդ հանքավայրի շահագործումը շատ մեծ ծախսեր է պահանջում: Ներդրումային ծրագրի նախնական արժեքը 2009 թվականին գնահատվել էր 65 մլն.դոլար: