Արմինֆո. Մեկ շաբաթվա ընթացքում Հայաստանում պաշտոնապես կմեկնարկի ՓՄՁ աջակցության ծրագիրը, որը ֆինանսավորում է Եվրոպական միությունը: Ծրագրի արժեքը գնահատվում է 7 մլն .եվրո, իսկ իրականացման գործընկեր է հանդես գալիս Միջազգային համագործակցության գերմանական կազմակերպությունը (GIZ): Այս մասին այսօր կայացած մամուլի ասուլիսում հայտարարել է ՀՀ տնտեսական զարգացման և ներդրումների փոխնախարար Գարեգին Մելքոնյանը, նշելով, որ ծրագրի շրջանակներում առաջիկա տարիներին կիրականացվեն ՓՄՁ ոլորտի զարգացմանն ուղղված զանազան միջոցառումներ:
Ըստ փոխնախարարի, ներկայումս իրականացման գործընթացում է օժանդակության բազմաոլորտ բյուջետային ծրագիրը, որի արժեքը կազմում է 45 մլն.եվրոէ արդարադատության ոլորտին կուղղվի 29 մլն.եվրո, գյուղի և գյուղական համայանքների զարգացմանը`25 մլն.եվրո, մարդու իրավունքների պաշտպանությանը` 12 մլն.եվրո: Ըստ Մելքոնյանի, լրացուցիչ բանակցություններ են ընթանում նաև որակավորման և նոր աշխատատեղերի ստեղծման նպատակով իրականացվելիք ծրագրի մեկնարկի մասին, որի արժեքը կկազմի 15 մլն.եվրո, ինչպես նաև բանակցվում է պետական ֆինանսների կառավարման քաղաքականության կատարելագործման`10 մլն.եվրո գումարով և քաղաքացիական հասարակության բարեփոխումների գծով 5 մլն.եվրո գումարով ծրագրերի մասին:
Ընդհանուր առմամբ, ըստ փոխնախարարի, ԵՄ-ն իր օժանդակության ծրագրերն իրականացնում է նախապես մշակված գործիքների միջոցով: Խոսելով «Կոսմե» և «Հորիզոն-2020» գործիքների մասին, նա նշել է, որ ԵՄ աջակցությունը միշտ նախատեսում է խորհրդատվություն, հնարավորությունների կատարելագործում, B2B միջոցառումների իրականացում, ֆինանսական հասանելության աճին աջակցություն, ինչպես նաև հենց ֆինանսական աջակցությունը: Ըստ փոխնախարարի, վերջին տարիներին ՓՄՁ զարգացման Ազգային խորհուրդը, որը գործում է ՀՀ վարչապետի հովանու ներքո, համալրվել է նաև Եվրոպական բիզնես Ասոցիացիայով, ինչը կնպաստի եվրոպական բիզնես-կառույցների ներգրավմանը այդ ոլորտի քաղաքականության մշակմանը:
Նշենք, որ «Հորիզոն-2020»-ը ԵՄ ֆինանսավորմամբ իրականացվող խոշոր նախաձեռնություն է, որը համակցում է հետազոտության և նորարարության ոլորտները: 2016 թ-ին միանալով «Հորիզոն-2020»-ին՝ Հայաստանն այժմ կարող է լիարժեք օգտվել հետազոտությունների և նորարարությունների իրականացմանն ուղղված Եվրոպական միության ամենամեծ ծրագրից` ԵՄ անդամ պետությունների և այլ երկրների կազմակերպությունների համար նախատեսված պայմաններով, որի ընդհանուր բյուջեն մոտ 80 միլիարդ եվրո է: Ծրագիրը համապարփակ հարթակ է, որը հնարավորություն է տալիս Հայաստանի հանրային և մասնավոր հատվածներին համագործակցելու նորարարական լուծումների մշակման ուղղությամբ: Հայաստանում ծրագրի ազգային համակարգողն է ՀՀ գիտությունների ազգային ակադեմիան: ԵՄ ֆինանսավորմամբ իրականացվող «Ձեռնարկությունների և փոքր ու միջին ձեռնարկությունների մրցունակություն» ծրագիրն (COSME) իրականացվում է 2014 թ-ից մինչև 2020 թ-ը՝ 2.3 միլիարդ եվրո բյուջեով: Հայաստանը միացել է COSME-ին 2016 թ-ի հունվարին: COSME-ն աջակցում է Հայաստանում գործող ՓՄՁ-ներին հետևյալ ոլորտներում՝ միջազգայնացում և շուկաների հասանելիություն, մրցունակությունը խթանող միջավայրի ստեղծում, ձեռնարկատիրական մշակույթի խրախուսում: 2006-2008 թթ-ից ի վեր օգտվելով ԵՄ Արտոնությունների ընդհանուր համակարգից (GSP)՝ GSP+ ռեժիմի ներքո Հայաստանը հնարավորություն ունի օգտվելու ԵՄ շուկայի արտոնյալ հասանելիությունից: GSP+ ռեժիմը խթանում է Հայաստանի և ԵՄ անդամ պետությունների միջև առևտուրը` Հայաստանին ընձեռնելով մոտ 6,000 ապրանքատեսակի արտահանման հնարավորություն դեպի ԵՄ անդամ պետություններ նվազեցված մաքսատուրքերով (դա կազմում է ԵՄ-ի ընդհանուր մաքսային սակագնի 66%-ը):
Լիզինգ. Առավելություններ եվ հնարավորություններ (Հարցազրույց «Արմսվիսբանկ»-ի գործադիր տնօրենի տեղակալ - վարկավորման դեպարտամենտի տնօրեն` Գրիգոր Հովհաննիսյանի հետ)
Ի՞նչ պահանջներ ունի ֆինանսական պրոդուկտներից օգտվող հաճախորդը․ պատասխանում է IDBank-ի պրեմիում բանկային ծառայությունների վարչության ղեկավար Լիդա Սաֆարյանը
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ՊԵԿ կայքում կարելի է գտնել տրանսպորտային միջոցի մասին ամբողջական տեղեկատվություն VIN համարով
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված