Արմինֆո. ՀՀ կառավարությանն առընթեր Պետական եկամուտների կոմիտեի հրապարակած տվյալների համաձայն, 2016 թվականի հունվար-սեպտեմբեր ամիսներին խոշորագույն հարկատուների ցուցակում ՀՀ պետբյուջեի վճարումների ընդհանուր գումարով «Գազպրոմ Արմենիան» առաջվա նման առաջին տեղն է զբաղեցնում: Հաշվետու ժամանակաշրջանում ընկերությունը վճարել է 29,830,848.0 հազար դրամ:
Ցուցակում տեղ են գտել նաև ընկերության դուստր կառույցները: Այսպես, 18-րդ տեղն զբաղեցնում է «Տրանսգազ» ՍՊԸ` վճարումների 3,866,624.2 հազար դրամ ընդհանուր գումարով: 858-րդ տեղն զբաղեցրել է «Կորպորատիվ կապի համակարգերի և միջոցների շահագործում և սպասարկում» ՍՊԸ, որը 87,060.4 հազար դրամ է վճարել պետական գանձարան: 703-րդ տեղում հայտնվել է «Ավտոգազ» ՍՊԸ (110,111.2 հազար դրամ), 885-րդ տեղում է «Արմավիրգազմաշ» ՍՊԸ (83,954.5 հազար դրամ):
Պայմանագրով «Գազպրոմ Արմենիայի» հանձնարարությունները կատարող «Էյ ընդ Ջի Սերվիս» ընկերությունը 97-րդ տեղն է զբաղեցնում հարկատուների ցուցակում` վճարումների 928,290.0 հազար դրամ գումարով:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |