Երեթշաբթի, 1 Նոյեմբերի 2016 15:01

Արմինֆո. 2016 թվականի հունվար-սեպտեմբերին «Զվարթնոց» օդանավակայանից ուղևորահոսքերը նախորդ տարվա նույն ժամանակահատվածի համեմատ ավելացել են 7.1%, կազմելով 1 542 500 մարդ: Հիմնականում դա «Բաց երկնքի» քաղաքականության արդյունքն է, հայտարարել է լրագրողներին ՀՀ Քաղաքացիական ավիացիայի գլխավոր վարչության Կանոնավոր օդային փոխադրումների վարչության ղեկավար Աննա Չոբանյանը նոյեմբերի 1-ին կայացած մամուլի ասուլիսում:

 

Նա հիշեցրել է, որ 2013 թվականին Հայաստանը հայտարարեց «Բաց երկնքի» քաղաքականությանն անցնելու մասին: Այդ ընթացքում հաջողվել է արձանագրել դրական տեղաշարժեր ուղևորափոխադրումների և թռիչքների հաճախականության առումով, ապահովելով լուրջ ավիաընկերությունների ներկայությունը և ավիատոմսերի սակագների իջեցումը: 2016 թվականի սեպտեմբերին «Զվարթնոց» օդանավակայանով ուղևորների հոսքերը նախորդ տարվա սեպտեմբերի համեմատ ավելացել է 30%, իսկ բեռնափոխադրումներն աճել են 76%, մինչև 11 477 տոննա: «Անզեն աչքով կարելի է տեսնել, որ մենք թռչում ենք բազմաթիվ ուղղություններով և զգալիորեն ցածր սակագներով, որոնք էապես տարբերվում են այն սակագներից, որոնք գործում էին մինչև 2013 թվականը»,-հայտարարել է նա: Նա չի նշել ստույգ թվեր, բայց հավելել է. «Զգալիորեն կրճատվել է այն հայ ուղևորների թիվը, որոնք այլ երկրներ էին թռչում Վրաստանով»:

 

«Բաց երկնքի» քաղաքականությունը, որը, ըստ Չոբանյանի, Հայաստանում արժանացավ խիստ քննադատության, Վրաստանում ընդունվել է 2005 թվականին: Այդ ընթացքում Վրաստանին հաջողվել է ապահովել, որ որոշ ուղղություններ ի վիճակի են առաջարկել ավելի ձեռնտու պայմաներ, ինչի արդյունքում հայ ուղևորներն ընտրում են վրացական օդանավակայանը: Բացի այդ, նրա խոսքով, ավիափոխադրումների վրացական շուկան յուրահատուկ է, կապված այդ շուկայում թուրքական ավիափոխադրողների ներկայության հետ, որոնք տրանզիտ չվերթներ են ապահովում Ստամբուլի օդանավակայանով: Միևնույն ժամանակ, ըստ Չոբանյանի, եվրոպական ուղղությամբ թռիքներում գոյոթյուն ունի որոշակի բաց: Բայց այդ ուղղություններով էլ են իրականացվում պերմանենտ աշխատանքներ, նշել է նա:

 

Հիշեցնենք, որ 2013 թվականի հոկտեմբերի 23-ին ՀՀ կառավարությունն ընդունեց Հայաստանում ավիափոխադրումների ոլորտի ազատականացման մասին որոշում և հաստատեց «Հայաստանում ավիափոխադրումների մրցակցային և շարունակական ծառայությունների մատուցման ապահովման ծրագիրըե: Այն հիմնված էր Հայաստանի Ազգային մրցունակության հիմնադրամի (ՀԱՄՀ), McKinsey & Company ընկերության միջև կատարված համատեղ հետազոտության վրա: Նոր քաղաքականության արդյունքը շատ կարճ տևեց: «Բաց երկնքիե քաղաքականությունը, որը կառավարության կողմից հայտարարվեց 2013 թվականին «Արմավիա» ազգային ավիափոխադրողի սնակացումից հետո, հանգեցրեց հայաստանյան շուկայից օտարերկրյա ավիաընկերությունների համատարած փախուստի: Արդյունքում` ավիատոմսերի բարձր գների պատճառով հայ ուղևորներից շատերը նախընտրում են օգտվել հարևան Վրաստանի օդային ծառայություններից, որտեղ հաջողությամբ գործում են մի շարք եվրոպական լոուքոսթերներ: -