Արմինֆո. Մինչև տարավերջ Հայաստանին կհաջողվի ստանալ ԵՄ հետ ընդհանուր ավիացիոն գոտու շուրջ բանակցություններ սկսելու մանդատ: Նոյեմբերի 3-ին խորհրդարանում 2017 թվականի պետբյուջեի նախագծի քննարկման ընթացքում այդպիսի կարծիք է հայտնել փոխարտգործնախարար Կարեն Նազարյանը:
Նրա ասելով, Հայաստանը շարունկում է ախշատանքը ԵՄ հետ ընդհանուր ավիացիոն գոտու շուրջ համաձայնագրի ստորագրման ուղղությամբ: Նազարյանը հիշեցրել է, որ այդ մասին հղում կար Արևելյան գործընկերության անդամ երկրների նախագահների 2015 թվին Ռիգայում կայացած հանդիպման համատեղ հայտարարությունում: Փոխարտգործնախարարի ասելով, ԵՄ անդամ տարբեր պետությունների հետ աշխատանքի արդյունքում ի հայտ է եկել հնարավորություն` հայտարարելու, որ մինչև տարեվերջ Հայաստանին կհաջողվի ստանալ ԵՄ հետ ընդհանուր ավիացիոն գոտու շուրջ բանակցություններ սկսելու մանդատ: Համաձայնագրին Հայաստանի միանալը թույլ կտա մուտք գործել 36 երկրների ավիացիոն շուկա և ՀՀ-ում կիրառել եվրոպական ընդհանուր ավիացիոն գոտու անվտանգության և սպասարկման ստանդարտները, ինչն, իր հերթին, կխթանի բիզնեսի և ներդրումների զարգացումը, հավելել է Նազարյանը:
«Միասնական եվրոպական երկնքին» Հայաստանի միանալու ժամկետները մի քնաի անգամ հետաձգվել են: 2015 թվականի դեկտեմբերին Բրյուսելում ԵՄ արտաքին գործերի գերագույն ներկայացուցիչ Ֆեդերիկա Մոգերինիի հետ հանդիպման ժամանակ արտգործնախարար Էդվարդ Նալբանդյանը հայտարարել էր ԵՄ հետ ընդհանուր ավիացիոն տարածության շուրջ համաձայնագիր ստորագրելու Հայաստանի պատրաստակամության մասին: Նշվել էր, որ դեկտեմբերին ԵՄ մանդատ կտրամադրի նման համաձայնագրի ստորագրման համար, իսկ 2016 թվ ականի հունվարին կսկսվեն այդ հարցի շուրջ բանակցություններ: Վերջին ամիսների ընթացքում Երևանը բազմիցս ընդգծել է իր շահագրգռվածությունը բանակցությունների շուտափույթ մեկնարկով: Պաշտոնական մակարդակով հաղորդվել է, որ ԵՄ խորհրդի կողմից բանակցություններ սկսելու համար Եվրահանձնաժողովին մանդատի տրամադրման հարցը կքննրակվի մինչև հունիսի կեսը: Սակայն հետո էկոնոմիկայի փոխնախարաար Գարեգին Մելքոնյանը ԱրմԻՆֆո-ին հաղորդել էր, որ ժամկետները հետաձգվել են մինչև հունիսի վերջը: Ընդ որում, ինչպես նշել էր փոխնախարարը, Հայաստանը մանդատի ձևակերպումը հետաձգելու պատճառ չի տեսնում:
Մանդատն ստանալուն պես ԵՀ լիազորված կլինի բանակցություններ սկսել Երևանի հետ: Հայաստանին կտրամադրվի համաձայնագրի նախագիծը, որը, ըստ ԵՄ, կլինի միասնական ավիացիոն տարածությանը միանալու շուրջ բանակցությունների հիմքում: Էկոնոմիկայի փոխնախարարի ասելով, բանակցությունները տևական չեն լինի, քանի որ կա բոլոր երկրների հետ համագործակցության հիմնական մոդելային ձևաչափ:
Եվրոպայի միասնական ավիացիոն տարածությունը համարվում է հորիզոնական համաձայնագիր, այսինքն, այն ինքնըստինքյան ուժի մեջ կմտնի ինչպես ԵՄ, այնպես էլ դրա երկրներից յուրաքանչյուրի համար` առանձին վերցրած: Թռիչքների անվտանգության ապահովմանը և սերտիֆիկացիոն կանոնակարգերին զուգընթաց, փաստաթղթով նախատեսվում է Հայաստանի օտարերկրյա փոխադրողների և Հայաստանյան փոխադրողների դեպի Եվրոպայի երկրներ չվերթների սահմանափակումների վերացում: Դա թույլ կտա ավելի լավ պայմաններով Հայաստան ներգրավել եվրոպական ավիաընկերություններին, մասնավորապես` բյուջետայիններին: Ազատականացումը նաև կապահովի միջազգային մակարդակով բարեխիղճ մրցակցություն` պետական աջակցության և ստանդարտների կարգավորման համամդրման միջոցով: Դա նշանակում է ինտեգրում եվրոպական ավիացիոն շուկայում: Աջակցություն հայ գործարարների ելքին արտաքին շուկաներ, վերածում կարևոր տարանցիկ երկրի` օդային փոխադրումների ոլորտում: «Արևելյան գործընկերության» անդամ երկրներից միասնական ավիացիոն տարածությանը միացել են Մոլդովան, Վրաստանն ու Ուկրաինան: Ընդհանուր եվրոպական ավիացիոն տարածությանը միանալը Հայաստանին թույլ կտա դուրս գալ անվտանգ ու կայուն օդային տարածք: