Արմինֆո.Հայաստանում կխստացվեն արժեթղթերի շուկայում հնարավոր չարաշահումների գծով պատժամիջոցները: «Արժեթղթերի շուկայի մասին» օրենքի և հարակից օրենքների փաթեթի համապատասխան փոփոխությունները դեկտեմբերի 6-ին երկրորդ և վերջնական ընթերցմամբ ընդունվել են ՀՀ Ազգային ժողովում:
ՀՀ Կենտրոնական բանկի փոխնախագահ Ներսես Երիցյանի խոսքով, երկրորդ ընթերցմանը պատգամավորներից ստացվել է 2 առաջարկ, որն ընդունվել է: Ըստ Երիցյանի, փոփոխությունների նպատակն արժեթղթերի շուկայի թափանցիկության բարձրացումն է և պաշտպանվածության ապահովումը ներդրողների համար: Այդ նպատակով նախատեսվում են նոր, ավելի պրոդուկտիվ գործիքներ, ինչպես նաև պատշաճ միջազգային համագործակցություն և միջազգային ստանդարտների ներդրում, ինչը թույլ կտա խուսափել գնային տատանումներից և ծպտյալ գործարքներից, որոնց բացահայտումը կպաշտպանի ներդրողներին:
Բացի այդ, պահանջներ կան ԵԱՏՄ գծով, քանի որ ԵԱՏՄ-ն մտադիր է ստեղծել արժեթղթերի առևտրի միասնական հարթակ: Փոփոխույթուններ են նախատեսվում նաև Քրեական օրենսգրքում: Մասնավորապես, սահմանվում է չարաշահումների երկու տեսակ: Առաջինը, ներքին տեղեկատվության անբարեխիղճ օգտագործումը, ինչի արդյունքում ինսայդերը, որն ունի բացառիկ ինֆորմացիա, բարձր շահույթ է ստանում մյուս ներդրողների հաշվին: Այդ դեպքում 20 մլն.դրամից ավելի գործարքների դեպքում ինսայդերի նկատմամբ նախատեսվում է քրեական պատիժ: Երկրորդը, նախատեսվում է խստացնել պատասխանատվության միջոցները գնային չարաշահումների համար: Շուկայի զանազան մասնակիցներ կարող են պահել արժեթղթերի գները բարձր, կամ էլ ցածր մակարդակներում: Արդյունքում, ներդրողները, հատկապես օտարերկրյա, որոնք իրականացնում են ինստիտուցիոնալ ներդրումներ, հայտնվում են բարդ իրավիճակում: «Օրենքի ընդունման արդյունքում, շուկայում տեղի ունեցող չարաշահումներից խուսափելուց բացի, սպասվում են նաև դրական արդյունքներ`մրցունակության և թափանցիկության բարձրացումը, ինչպես նաև ներդրուկային միջավայրի ակտիվացումը»,-ասել է Երիցյանը:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |