Չորեքշաբթի, 11 Հունվարի 2017 12:34
Նաիրա Բադալյան

«Գազպրոմը» Վրաստանին ներկայացրել է դեպի Հայաստան ռուսական գազի տարանցման վերաբերյալ վերջին առաջարկությունը

«Գազպրոմը» Վրաստանին ներկայացրել է դեպի Հայաստան ռուսական գազի տարանցման վերաբերյալ վերջին առաջարկությունը

Արմինֆո. Ռուսական «Գազպրոմը» Վրաստանին ներկայացրել է դեպի Հայաստան ռուսական գազի տարանցման դիմաց վճարման նոր պայմաններ: Ըստ «Նովոստի-Գրուզիայի», այդ մասին լրագրողներին հայտարարել է Վրաստանի էներգետիկայի նախարար Կախա Կալաձեն` ամփոփելով նախօրեին «Գազպրոմ-Էքսպորտի» ղեկավարության հետ Մինսկում կայացած հանդիպման արդյունքները:

 

Կալաձեի ասելով, պայմանագրի մանրամասները հայտնի կդառնան այն բանից հետո, երբ Վրաստանի կառավարությունը այն քննարկի այսօրվա նիստում: Կալաձի ասելով, «Գազպրոմի» առաջարկությունը վերջինն է, և խոսքը վերաբերում է անցմանը ֆինանսական վճարմանը: Նա նաև հաղորդել է, որ «Գազպրոմի» հետ նախորդ երկու հանդիպումներն արդյունք չեն տվել, քանի որ կողմերի դիրքորոշումները շատ տարբեր են եղել: Սակայն վերջին առաջարկությունը Կալաձեն համարել է «հետաքրքիր»:

 

Վրաստանի էներգետիկայի նախարարն ավելի վաղ հայտարարել էր, թե վրացական կողմի դիրքորոշումը «միանգամայն հստակ է». նույնիսկ ֆինանսական վարձահատուցման անցնելու դեպքում երկիրը պետք է ստանա նույն օգուտը, ինչ որ այն պայմաններում, երբ բնական գազ ստանում է հումքի տեսքով»:

 

Խոսելով նույն թեմայի շուրջ` Վրաստանի էկոնոմիկայի նախարար Գեորգի Գախարիան հունվարի 9-ին հայտարարել էր. «Մեր գլխավոր ելակետը պետք է լինի մեր շուկայի դիվերսիֆիկացումը: Մենք պետք է ունենանք առավելագույնս օբյեկտիվ սահմանված գին և, համապատասխանաբար, դա պետք է նպաստի մեր տնտեսության զարգացմանը»:

 

Վրաստանի «Միացյալ ազգային շարժման» առաջնորդներից մեկի` Ռոման Գոցիրիձեի գնահատմամբ, Ռուսաստանը Վրաստանին առաջարկում է ստրկական համաձայնագիր: «Ռուսաստանի հետ նման ստրկական համաձայնագրի ձևակերպման բոլոր պայմանները, որոնց մասին խոսում էին անցյալ տարի, այսօր վերացել են: Վրաստանին գազ է մատակարարում Ադրբեջանը: Նախկինում նշում էին հետևյալ փաստարկը` ռուսական կողմի հետ բանակցությունները շարունակելու համար: Իբր բնական գազի նկատմամբ Վրաստանի պահանջարկը լիովին չի բավարարվում, և դրա պատճառը խողովակների թողունակությունն է: Սակայն «Շահ Դենիզ» կոնսորցիումը լուծել է այդ խնդիրը` մեզ զիջելով հսկայական խողովակը, ինչն, անշուշտ, պետք է ողջունել», - նշել էր Գոցիրիձեն: Նրա համոզմամբ, Մինսկի բանակցությունների առնչությամբ «ծագում են լուրջ կասկածներ, որոնք կային նաև անցյալ տարի»: «Այստեղ միայն տնտեսությունը չէ, այստեղ կան նաև ինչ-որ այլ լծակներ, որոնց մասին վաղ թե ուշ կիմանանք: Եվ դրանից հետո ոչ մի լավ բան չի սպասվում այն մարդկանց, որոնք գործել են ի վնաս մեր երկրի ռազմավարական շահերի», - ասել է Գոցիրիձեն «Գրուզիա Օնլայն» թերթին:

 

Հավելենք, որ հանդիպումներն ընթանում են տարանցման պայմանագրի առնչությամբ «Գազպրոմ-Էքսպորտի» հետ ամենամյա բանակցությունների շրջանակում: «Գազպրոմի» ներայացուցիչներն առաջարկում են անցնել դեպի Հայաստան ռուսական գազի տարանցման դիմաց ֆինանսական փոխհատուցման` Վրաստանի տարածքով անցնող գազի 10%-ի փոխարեն, ինչի շուրջ 2016 թվականի մարտին ստորագրված համաձայնագրի գործողության ժամկետը լրացել է նույն թվականի դեկտեմբրի 31-ին:

 

Հիշեցնենք, որ հենց ՀՀ բնական գազ մատակարարող «Գազպրոմ-Էքսպորտ» ՍՊԸ և «Վրաստանի գազատրանսպորտային ընկերություն» ՍՊԸ միջև նոր պայմանագրի ստորագրման հեռանկարն էր հաշվի առել ռուսական ընկերությունը` նախաձեռնելով Հայաստանի համար գազի սակագնի վերանայման գործընթաց` նվազեցման միտումով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
26.03.2020
RUB6.35-0.05
USD497.241.31
EUR544.336.59
GBP592.36-1.02
CAD351.265.42
JPY45.200.69
CNY70.340.24
CHF511.775.00



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000