Արմինֆո. ՀՀ կառավարությունն աշխատում է հանրապետությանը գազի մատակարարման տարբեր սվոպային սխեմաների շուրջ: Այդ մասին հունվարի 13-ին, ամփոփելով ՀՀ կառավարության գործունեության 100 օրը, հայտարարել է վարչապետ Կարեն Կարապետյանը՝ պատասխանելով ԱրմԻնֆո-ի թղթակցի հարցին:
Վարչապետի խոսքով, Հայաստանին գազի սվոպային մատակարարումները քննարկվել են Իրանի և Թուրքմենստանի դեսպանների հետ 2017 թ. առաջին աշխատանքային օրը:
Հիշեցնենք, որ Վրաստանի տարածքով Ռուսաստանից Հայաստան բնական գազի մատակարարման միակ ճանապարհը մշտապես քննարկումների առարկա է դառնում՝ Մոսկվայի և Թբիլիսիի միջև հարաբերությունների զարգացումների համատեքստում: Սակայն, այսօր այն անայլընտրանքային է, քանի որ Իրանից գոյություն ունեցող երկրորդ գազատարը չի կարող ապահովել անհրաժեշտ ծավալները:
ԱրմԻնֆո-ի վերլուծաբանների կարծիքով, միանգամայն հնարավոր է, որ Հայաստանը ձգտում է Իրանի տարածքով թուրքմենական գազի սվոպային մատակարարումներ կազմակերպել: Խոսքը վերաբերում է թուրքմենական գազի Իրան մատակարարումներին, որն իր հերթին համանման ծավալներ կմատակարարի Հայաստանին:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
2021 թվականին Հայաստանում առաջին անգամ կանցկացվի Starmus միջազգային փառատոնը
Ջոն և Սոսի Բալյանների հիմնադրամը 1.65 մլն դոլար կհատկացնի "Էրեբունի" հնագիտական արգելոց-թանգարանի նոր շենքի կառուցման և բարեկարգման համար