Փորձագետ. ԵՄ-ում Հայաստանին քչերն են ճանաչում

Արմինֆո. Հայաստանը պետք է լրջորեն աշխատի իր իմիջի վրա, որպեսզի բարձրացնի իր գրավչությունը եվրոպական ներդրողների համար: Փետրվարի 20-ին ԱրմԻնֆո գործակալության թղթակցի հետ զրույցում նման կարծիք է հայտնել East Invest 2 նախագծի փորձագետ Քրիստիան Գեսլը, ով Երևան է ժամանել East Invest 2 նախագծի եզրափակիչ փուլին մասնակցելու համար, որն իրականացվում է EU4Business բիզնես-շաբաթի շրջանակներում: Նա ընդծել է, որ այդ առումով անհրաժեշտ է Հայաստանին հատկացնել ավելի մեծ ուշադրություն, աջակցելով ՓՄՁ ոլորտին:

Հայաստանում ՓՄՁ ոլորտի զարգացումը փորձագետը տեսնում է խոշոր ընկերությունների հետ համագործակցության համատեքստում, մասնավորապես, սեկտորալ ասոցիացիաների ստեղծման միջոցով: Նրա կարծիքով, հետխորհրդային երկրներում կան բազմաթիվ ձեռնարկույթուններ, որոնք ուզում են ինքնուրույն աշխատել: Օրինակ, եվրոպական ՓՄՁ-ները համագործակցում են խոշորների հետ, ինչի արդյունքն է Եվրոպայում ՓՄՋ զարգացման հաջողված մոդելը: Ըստ փորձագետը, ասոցիացիաների ստեղծման միջոցով ՓՄՁ-ներն ավելի հեշտությամբ կներգրավվեն Կառավարություն-Մասնավոր հատված երկխոսությանը, ինչը դրականորեն կանդրադառնա նրանց գերծունեության վրա: «Ներկայումս ԵՄ ձեռնարկությունների 98-99%-ը ՓՄՁ ներկայացուցիչներ են»,-ընդգծել է նա, հավելելով, որ ՀՀ կառավարությունը պետք է ավելի մեծ ուշադրություն դարձնի ՓՄՁ-ների զարգացման վրա, ինչը կնպաստի տնտեսական ակտիվության բարձրացմանը և կկանգնեցնի երիտասարդների արտահոսքը դեպի արտասահման: «ՓՄՁ զարգացման մասին շատ խոսակցություններ են ընթանում, բայց դրանք էական արդյունքներ չեն տալիս»,-նկատել է նա:

Գեսլն ընդգծել է East Invest 2 նախագծի կարևորությունն Արևելյան գործընկերության երկրներում, որի շրջանակներում ընթանում են տարբեր թեմաներով թրենինգներ, մասնավորապես, կառավարության և այլ կառույցների հետ բանակցոթյունների վարում,  գործունեության վերլուծություն, կազմակերպության ամուր կառուցվածքի ստեղծում, նոր անդամների ներգրավման մեթոդներ, կազմակերպության եղած անդամների պահպանում և այլ միջոցառումներ:

Նշենք, որ Invest 2 համաժողովը, որը կազմակերպել է IMC (Institute Management Consulting) խորհրդատվական ընկերությունը, Հայաստանում տեղի է ունեցել 5 անգամ, «EU4Business» շաբաթվա շրջանակներում: Ըստ ընկերության ներկայացուցիչ Սիլվա Մեսրոպյանի, ֆորումինամեն տարի մասնակցում են ավելի քան 100 ՓՄՁ-ների ներկայացուցիչներ, իսկ թրենինգներին մասնակցում ավելի քան 200 տնտեսվարող սուբյեկտներ:

East Invest 2 - տարածաշրջանային ծրագիր է, որն ուղղված է ներդրումային և առևտրային միջավայրի բարելավմանը, տնտեսական զարգացմանն Արևելյան հարևանության տարածաշրջանում, աջակցելով ՓՄՁ ոլորտին Արևելյան գործընկերության 6 երկրներում (Հայաստան, Ուկրաինա, Վրաստան, Ադրբեջանը, Բելառուս, Մոլդովա): Նախագիծը ֆինանսավորում է Եվրոպական հանձնաժողովը, «Արևելյան գործընկերության» ծրագրի շրջանակներում, որն ընդունվել է Լեհաստանի և Շվեդիայի նախաձեռնությամբ և հաստատվել ԵՄ 2008 թվականի Բրյուսելյան գագաթնաժողովում:

2016 թվականի հոկտեմբերի դրույամբ ՓՄՁ-ների մասնաբաժինը Հայաստանի ՀՆԱ-ում նվազել է մինչև 28%, իսկ հարկային մուտքերը երկրի բյուջեում կազմել են մոտ 8-10%: 2015 թվականին ՓՄՁ մասնաբաժինը երկրի ՀՆԱ կառուցվածքում նվազել էր մինչև 32%, նախորդ տարվո` 32.4% փոխարեն, իսկ հարկային մուտքերը կազմել էին հարկային մուտքերի 9%-ը:

Ըստ ՀՀ Ազգային վիճակագրական ծառայության տվյալների, 2016 թվականի հունվար-սեպտեմբերին դեպի Հայաստան օտարերկրյա ուղղակի ներդրումների զուտ ներհոսքը կազմել է 86.7 մլրդ դրամ, տարեկան աճը`2 անգամ, հիմնականում Միացյալ Թագավորության, Կիպրոսի և Լյուքսեմբուրգի ներդրումների հաշվին: Ըստ վիճակագրության, Հայաստանի և ԵՄ միջև առևտրի շրջանառության ծավալը 2016 թվականին կազմել է $ 1.2 մլրդ., տարեկան աճը`2,1%: Մասնավորապես, արտահանումն աճել են 15,9%, մինչև $ 478,7 մլն, իսկ ներմուծումը նվազել 5,2%, մինչև $ 740 մլն: